الي عل شات الفطاحل يمرون 20/2/1430

[نجم الإبداع]

الاخوه والاخوات الكرام
هذالمحاوره جرت بين( الطائر عثمان(ع) ومحمدبن عمار(م)وفلاح (ف)
وموج القصيد في مساء يوم الاحد
آمل لكم المتعه

(فلاح)سلام سلمي سالمن مالعذاريب= للي على شات الفطاحل يمرون
(الطائر)ياشاعر الغفله هلا والف ترحيب=من يوم اشوفك كني اشوف شيطون
(بن عمار)اهلا هلن لاهنت يامخاوي الذيب = يوم ان ربي جابك اللحين بالهون
(الطائر)انتبه للخط لا لعيدك تجيب=وقبل ما تغطس فلازم تقيسون
(فلاح)بقيت ياشاعر ورى تغير الطيب= تطاوع العود الذي ماله عيون
(بن عمار)انا على خبرك ولا بأدرس الغيب = وانت العزيز اللي على عمري اتمون
(الطائر)مقبلن كالتيس تسمع له نبيب= او حصني متخم بأكل الفطيسون
(فلاح)العود خالي من وفاضه ومالجيب= عود يحاكينا بعلم ابن خلدون
(بن عمار)العود خاف وراح يرسل مناديب = شاف الوحوش الضارية يوم يجرون
(الطائر)تحسبن الشعر مثل اكل الزبيب= او تظنه فول مع خبزة تميسون
(فلاح)مامعه لا لكسز ولا يمتلك جيب = عنده كراسيدا من ايام قارون
(ع)الطير مثل البحر وانته مثل بيب=مثقوب وسط البر والناس يدرون
(فلاح)راح الخلاء ماحصل الا ابو حقيب= وصاد قمريه وشايل معه شون
(عمار)الله يرحم ددسن مابقى عيب = الا وهو في ذا القرنبع صغينون
(طائر)اقضب المنشار عنك لايغيب= واحكت سنونه وحكل للعيون
(عمار)مافيه شبر الا وطاله عذاريب = قام ايتخبط يكتب الكاف لك نون
(فلاح)يرمي مغمض رميته كودن اتصيب = مره تغض ومرتن تنزف النون
(م)الله يعين العود من حال ٍ ذهيب = مسكين سكر نصف مخه بكيلون
(ع)يوم اجتمع محماس خلا تريحيب= بفم الأسد حتى يقفيه بطعون
(ف)خله بحاله لايجي شايل الحيب = اعرفه مايصبر وفي راسه سكون
(م)بيت ٍ يجي مكسور وبيت ٍ عذاريب = والخاتمة قاف ٍ بلا نظم موزون
(ف)وارث علوم اجداد فيها مطاليب= وده يطبقها على الناس بالهون
(م)ياعود ياللي صاير ٍ حالك صعيب = طاوعني اجمض خل مشيك بقانون
(ع)من لايطولك ياعنب قال بك عيب=انشهد اني بين خبل ومجنون
(ع)شاعر مشاعر فال لو طاله الشيب=مايدري انه فول من دون ماعون
(ف)ياحب هذا العود لاهل المحاريب = واظن قلب العود بالحب مطعون
(م)طع شور ي قبل اقفاك باللوح تلسّيب = وتشوفني بالأذن من قبل لعيون
(ف)يرمي بجمره مايحاسب على الصيب = هذا حطيئة قرننا معه غليون
(ع)ويقول نجم ابداع زور واكاذيب=محد يشوفه غير اعمى من اللون
(ف)لاياعويد الجن يابو الكراكيب = ماسلم منك انسي ولا راعي اضعون
(م)عود ٍ يغرّق لك هدومه من الطيب = يبي يغازل كل زول ٍ ومزيون
(ع)غصنك يبي له قطع وفرك وتشذيب=وانا اخاف اللي خلق كل هالكون
(ف)كنه حصيني مختبي بالسراديب = لامن طلع ذيله تقل ريش مشحون
(م)بأقص خشمك واطبخ اذنك مصابيب = واعطيها للهندي وربعه يذوقون
(ع)ابجمع المتعوس مع صاحب الريب= واخضهم يمكن بعدها يعقلون
(ف)هو طب بين اثنين مابينهم سيب= يغص باللقمه وله ناس يبكون
(م)وين انت منا يا حفّي العراقيب = ما لك علينا درب لو كنت مسكون
(ع)كل على قده اوزع مشاعيب= حتى تلين الروس وتصير معجون
(ف)الرحمه زينه لاتناور على الشيب = خلك حنين واتبع الي يحنون
(ع)اثنين من اقدم عفول وكراكيب= مدري وش اللي جابهم يم فرعون
(ف) مكينته جاها من الظغط تسريب = شوف الزيوت اليوم منها يخرون
(م)من الذي قدك ولا جاك به ريب = حنا على ما نهتوي يابن قريون
(موج) جيت احمل ابيدي سلام ومحاريب = يا كود بعض الناس عنا يهجون
(ع)كل على خله يغني بتنحيب=وانا بمشعابي على مايقولون
(م)كلن على فاله يجي له معازيب = والا انت مثلك عندنا منه مليون
(ف)جاك المساعد يارفيق المطاريب = افرح وانا باعطيك مما يخافون
(ع)واحد يبي له سبك مع ربك تسحيب= واللي معه يحتاج تزييت طبلون
(م)كم قلت لك انه يدور مناشيب = والا توّرط راح للي يداعون
(ف)حالتك مافيها تفيد التطابيب =حاله حطيئيه عليها يغنون
(موج)يا طير ساكن فوق روس المراقيب = زود عليهم لين منك يجنون
(ع)وآخر يبي له سمكره ثم تركيب=دفرنس دامه خارب قبل ياتون
(ع)لولا الحيا لاقول مافيك تطبيب= ياكود كيه مثلما البدو يكوون
(م)ياموج خلي الدرب للأ هل المواجيب = ماعمرنا نهجا حريم ٍ يطّنون
(ف)العود شفته رايحن يم ابو غريب= مع النصارى يجمع الي يموتون
(ع)العود لامن جاك نار ولواهيب= مسكين يمعاند بحر صرت مسكون
(ف)اعرفك لامن سال منك اللواعيب = تلهث ولا تدري عن الي يهنون
(موج)انا بنيه بنت شيخ الغواليب = مني هل القيفان طارو يفرون
(ف)يابنت وش لك من دروب المغاليب = خليك في حالك عن الي يحدون
(موج)اعرف دروب العز واعطي المواجيب = ولامن زهمت القوم قامو يلبون
(ف)اجل على كيفك وانا بافتح الشيب = والوعك في نار منها يشرْدون
(ع)الموج لامن جاك مابه تلاعيب= يغرقك يالمنشار لو معك مليون
(ف)شجع وانا باجيب كل الملاسيب= واحدها في ديرة الي يشدون
(ف)ياموج انا بانصحك كبي الملاهيب= شيبان ماجاراهم الا ابن زيدون
(م)العود خق وحاس كل المشاريب = يوم ان موج اقفت بلا ركب واضعون
(ع)لا من نوى السرقه فحافظ على الجيب= يسبح جهر فاعرفه ذاك ابن قيطون
(ف)ياعود خل الناس تقرى المكاتيب= انت الهمام وليلك اليوم مزيون
(ع)اقرى على المجنون واللي به العيب= ومن كان به جني ابطلعه مضمون
(موج)فلاح لا ترسل لموجي مكاتيب = خلك بعيد دامك مقدى وممنون
(موج)يا الشاعر اللي غازين رااسك الشيب = اهرب تراني جيت والقاف موزون
(ف)وارث علوم الجد معروف ياشويب = تقرى وتنفث دون شرعٍ وقانون
(ف)جات العريجاء شايله للمحاصيب = ترمي شرر من عينها جاك مبطون
(م)العلم واضح بين غش ٍ وتسريب = والعود نظمه واضح ٍ لو تغشون
(اموره)موج شاعره و الكل يشهد ياللبيب = تجاريك و تجاري كل احفاد بن زيدون
(ع)انا لساني يقطر الشهد والطيب= إلا على من بالقشاره ينادون
(ف)لامن بدت لك يشردون المخاطيب =والشاهده منها العرب يستجيرون
(موج)فلاح اشتر نفسك اليوم بالطيب = من قبل ما تاتيك كيات وطعون
(ف)ياموج ماجيتك وانا ودي اصهيب = فخلي العرب مابينهم ياتصافون
(م)ماكل من زار الخلا قيل له ذيب = وما كل من يكتب له الناس يقرون
(ع)وما كل مايرقى على الطعس كالجيب= خابرك دتسن منقلب فوق عرجون
(م)ترى المبرّد غير ذبح القصاصيب = والفاهم اللي عارف الفرق وشلون
(ع)خبرتك يالقصاب ما تحتسب عيب=ادري وتدري لكن الغير مضمون
(م)الختم الازرق فيه للناس ترغيب = واللي جنوبه يابسه عنه يقفون
(ع)تختاج لك كيه وتحتاج تطبيب= تعال اقرا كود جنك يروحون
(م)خبري لاني اشتري اللحم تشذيب = والا انت تاخذ مادحي لك بكرتون
(ع)تهوى لحم بساسه وتاخذه تعليب=وانا اشتري لحمك ولو سيم مليون

[رفيعة الشان]

الله
راائعين والله حتى المحاورات ماتخلى من روحكم الطريفة

صح الله السنتكم جميــعاً

[عالي مستواها]

الله عليكم


صح لسانكم جميع


محاوره اجتمع فيها كبار المبدعين للحرف والكلمه وللوزن والقافيه


أبدعتوا ولا هنتوا


يعطيكم الف عافيه

[سناعيس]

الله الله
محاورة رائعه كالعاده
صحت الالسن والله لايهينكم

تحياتي

[زهرة اللوتس]

سلمتم ودمتم
وصحت السنتكم
محاورة ممتعة
من شعراء مبدعين
ابو عبد الله فلاح مووج القصيد
صح لسانكم
تحية طيبة

[محمد بن عمار]

السلاااام
هههههههههه
هههههههه وربي ماتوقعتها كذا
قسم بالله قمة الله عليكم فطاحله
تحيتي وتقديري
محمد بن عمار

[الطامي]

صح السانتكم
شكرا للجميع
رائعه جدا

[نجم الإبداع]

المشاركة الأصلية كتبت بواسطة رفيعة الشان

الله
راائعين والله حتى المحاورات ماتخلى من روحكم الطريفة

صح الله السنتكم جميــعاً

اهلا يارفيعه

صح بدنك

ويكفينا مرورك الكريم

لاهنتي

[حي الضمير]

امتعتونا يامميزين
وبيض الله وجيهكم وصحة السنتكم

[نجم الإبداع]

المشاركة الأصلية كتبت بواسطة عالي مستواها

الله عليكم


صح لسانكم جميع


محاوره اجتمع فيها كبار المبدعين للحرف والكلمه وللوزن والقافيه


أبدعتوا ولا هنتوا


يعطيكم الف عافيه

اهلا وسهلا ياعليه

صح بدنك


والووووووووووووعه في مرورك العاطر


لاهنتي