بس يا غلا من عذاب الحب ملينا ‏

[عبدالعزيز العقيدي]

بس يا غلا من عذاب الحب ملينا ‏=‏**خلينا باقي العمر نرتاح وياكم ‏
كافي بنار الهوى والشوق تكوينا=‏**ياحر لاهب هبوب الشوق لوجاكم
يا من بوصلك تعشمنا و ترجينا=**ذوبت خافق خفوق اللي ترجاكم‎
عجل بوصلك حبيبي لا تخلينا=**بين الثرى والثرية نطلب رضاكم ‏
ياما تعبنا الوله والشوق يضنينا ‏=‏**وياما بكينا على الأطلال فرقاكم‏
وياما دروب المودة لأجلك مشينا ‏=‏**حافين بالشوك فيها نتبع خطاكم
يا قاسي القلب يكفي لا تبكينا ‏=**و تتجاهل شعور قلب صرح يباكم ‏
نار الخوافق لضاها بات يكوينا=‏** و ما تبرد النار ألا يوم نلقـاكم

[عبدالله البهلولي]

صح لسانك ملايين شاعرنا العزيز
تقبل من القلب كل تقدير وحب
ودمت دائما بود وخير

[النهج المختلف]

أخوي عبدالعزيز

صح لسانك.. لاهنت

قصيده جميله بجمال صاحبها

تحياتي لك يالغالي

[الخنساء]

صح لسانك اخي الشاعر عبدالعزيز
لاهان راسك قصيدةرائعة
سلمت وسلم شعرك
دمت بخير

صح لسانك مليون فى مليون

كفيت ووفيت و دمت و لا هنت

[مبروك بن ماضي]

الاخ الكريم الشاعر / عبدالعزيز العقيدي
حضور شعري فاخر كالعاده
حضرت هنا لأنال شرف التوقيع تحت هذه الباسقه
صح لسانك وسلمت يمينك
دمت للإبداع والتألق
تقبل تحياتي واحترامي
أخوك / بن ماضي

[الطامي]

العقيدي
صح السانك مدد بلا عدد
ابيات وافيه من وافي
لاهنت وشكرا لك

[يوسف بن صالح]

عبدالعزيز العقيدي

صح لسانك ولاهنت

قصيدة خفيفة ظل كصاحبها



لاعدمناك ..

[ابراهيم عبدالحميد]

عبدالعزيز العقيدي

عزف رائع على أوتار قيثارتك
بكلمات و معانى قمه فى الرقى و الإبداع
سلمت يداك و دمت لنا

[داعي الشوق]

صح لسانك ملايين الشاعر القدير / عبدالعزيز العقيدي

قصيدة جميله بجمال شاعرها

إعجابي وتقديري ،،،