من الشات،،الطائر × داعي الشوق 24/12/2012

[الطامي]

يقول كيف اصبحت واقول ياسعود=نصبح ونمسي ماعرفنا الإجابه(الطائر )
احدٍ تقاعد وآخرٍ ماله قعود=يركض ورى دنياه يملى جرابه(الطائر )
دام البنادم له مواثيق و عهود =و على النقاء في كل درب مشى به (داعي)
اللي تقاعد باذلٍ كل مجهود = يشكر على ما قدمه في شبابه (داعي)
وش فايده مادام بالدرب مطرود=لابد مايمسكه موت نوى به (الطائر )
اللي تقاعد يقنص الطير بركود=مهوب مثل اللي يطارد سرابه (الطائر )
الموت ما يمنعه يالطاير حدود = لا حانت الساعه حزم لك زهابه (داعي)
كلن على لاماه حامد و محمود = و الورد ما ينبت بوسط الخرابه (داعي)
خراط ياداعي وفي الهرج مقرود=الورد يظهر بعد مزن السحابه(الطائر )
وكم من خرابه انتجت ذيب واسود=وكم من قصر انتج ضباع وكلابه(الطائر )
هذا عبيط و يعرف التقص و الزود = و الآ من البارح عليه الجنابه (داعي)
قالو خرابه كل سيسانها دود = وشلون يا دكتور تقرا الكتابه (داعي)
انظر الى الطامي من رجالٍ عدود=منشاه من ضعف وحيا جنابه (الطائر )
اشوفك تلخبط بنزلات وصعود=مانمت زين او صايبتك الكأبه (الطائر )
اللخبطه في فكر من ضيع الفود = و اخلف هقاوي ساعته هرج جابه (داعي)
شكلك تهذري و العمر بيـّـح سدود = الله على الدنيــا تثيــر الغرابه (داعي)
ماله زهاب لا دنى رحت بسهود=وتترك حلالك في يدين النهابه (الطائر )
اخاف تصبح كنك الضب مصيود=شكمان دتسن يحشره في ترابه(الطائر )

[الطامي]

صح السنتكم
ابداع ومعاني طيبه
لاهنتو

[داعي الشوق]

تسلم يمينك ع التقل يا بو محمد

وصح لسانك و بدنك

ولاهنت

[ساهر الليل]

الله عليكم

محاوره رائعه
وشعراء اروع
صحت السنتكم
امتعتونا بهذا الجمال
تقبلو تحياتي وتقديري

[هترل]

صحت الالسن
شعراء مبدعين ما فيكم حيله

ودي ,,

[عاشقة السحاب]

الله الله

صحت الالسنه

[الطامي]

داعي
هاي جهودك وابياتك
الشكر لله ثم لكم
لاهنت

[الطامي]

ساهر
صح بدنك
وشكرا لمرورك
لاهنت

[الطامي]

هتررل
صح بدنك
وشكرا لمرورك
لاهنت

[الطامي]

عاشقة السحاب
صح بدنك
وشكرا لمرورك
لاهنتي