همسة أولى : " شاعركم هلال "

[هلال مزعل العنزي]

شاعركـم هـلال يا حظه بجمهوره=يــا بـخـت صمـتـه وتـرديــده لقيـفـانـه
المستبد بحكاية حب مأثورة=الطاعن الطايش المشغول بأشجانه
الفوضويّ بكتاباته وبشعوره=إنسان يملا القصيد بهمسة ألحانه
لا صهلل الحلم يعني لا لزم شوره=قلب الجهاله نسى التلويح عنوانه
وابتزه الشوق لأجل عيون مغموره=واستنطقته انتفاضة روح شفقانه
غاوي مآسي فقير الحظ وظهوره=في ساحة الشعر يمكن يبعد أحزانه
ومثله بقايا حطام الأمس مطموره=جدت وجادت وعاشت نكبة أزمانه
هادي وراكد ولكن لحظة الفوره=تنتابه أهوال تلغي نظرة إمعانه
إيه انتهازي وعاشق بنت سنيوره=هزّت معاليق شفق ٍ حبّ منانه
رئيس حزب الغرام وشيخ طابوره=ومثلي ملايين مبليه وغلبانه
عساني أرضي بكم هالحـب وغـروره=وأروض الحـزن وألعـن جـد شيطـانـه
واستلهم البوح من همسه ومن نوره=ذاك المقيم بخوافي شاعر إجنانه
وأبدى آتغلّـى علـى الغاليـن والثوره=مناسـبـة ضيقةٍ والـنـفـس زعـلانــه
يـا حشرجتـهـا بقـايـا الــروح مقـهـوره=ياصهللـتـهـا دموع الشــك ولـهـانـه
يا كرنفال الجروح وصهللة زوره=إيقاع صمت ٍ هزمني وأطلق إعنانه
يـا سـادة الحفـل نـار الحـب مخـبـوره=والعشـق يـذبـح وأنــا التلمـيـذ ربـانـه
وأستاذ علم الهوى وإن شئت دكتوره=باحث تخصص بكبـت الوجد وإدمانـه
الكبرياء ويقين أحلام مغموره=والفلسفه والعواطف أصدق بطانه
للمستلذ بجحيم الهجر ودهوره=حالة ضما هزّت التعبير وألوانه
والـحـظ بالـحـب والأسـهـم وبالـكـوره=يستدرك الصبر واسأل من فقد خانـه
ووليم شكسبير صـور وأبـدع الصـوره=مسائـل المجتـمـع جـوعـه وعصيـانـه
والعاطفه مشكلة من حس بحضـوره=في هامش المنتظر في غيبة أزمانه
والتقـنـيـه ألـبـسـت أكـوانـنـا عــــوره=كـودو وببسـي ومـيـة ألــف فنـانـه !!
يـا للحضـاره وشــرع التـبـغ دسـتـوره=فضـاء الأوهام يشكـو هـجـر سكـانـه
معليش أنـا فاقـد التركيز مـن جـوره=زمــان ٍ أنـهـك قـيــم والـكــل خـوانــه
أعـود أهنـي ألـم شـعـري بجمـهـوره=وأهـنـي هــلال فــي تكـريـم قيفـانـه

[الطائر المهاجر]

هلا ومرحبا بك يا هلال
مصافحة جزلة من راس جزل
صح لسانك
ولا هان راسك
تحياتي الطيبة

[داعي الشوق]

صح لسانك يالشاعر هلال

وحياك الله

مصافحة جزله من شاعر جزل

هلابك وألف هلا

[عبدالله الشويمان]

عليكم السلام ورحمة الله وبركاته

أولاً يا هلا فيك يا اخ هلال نورت المنتدى..

ثانياً صح السانك وعلا شأنك..

اتحفتنا بها النص الذهبي ..

قصيده جزله من شاعر جزل هو انت يا الغالي..

دمت بخير وصحه سلامه..

ومع احترامي اقبل سلامي

وترى نبي تشاركنا بالصوتي على هذا الرابط وحياك الله...

الشات الصوتي

[صوت الإحساس]

هلا وغلا



مرحبا مليار




نص شامخ بشموخ حضورك يالغالي




ومن الان انتظر روعة هطولك القادم



صادق الود

[الصريح العتيبي]

الاخ/هلال

صح لسانك واعتلى شانك
جزله من جزل
دمت بخير

[منيع]

ابيات رائعة
دمت مبدعا
تحياتي لك

[الطامي]

هلال
صح السانك وبنانك
جزلة طيبة من شاعر متمكن
لاهنت
وشكرا لك عيني

[خافي العبره]

صح الله لسانك يالشاعر
كلمات ولا اروع
ونتريا كل يديد من صوبك

[النهج المختلف]

هلال العنزي صح السانك ,,,,
قصيدة جزلة من شاعر جزل ,,,,
حياك الله يالغالي سعدنا بقدومك ,,,,
تحياتي وتقديري ,,,,