عزيل قلبي من الود

[سعيد عوده الحويطي]

يسعدني ان اشارك معكم بهذه القصيدة وهي قصيدة موقف وذلك اني كنت في مكان مزدحم بالناس وجاءت فتاة جميلة ودفعتني وقالت/ لو سمحت ياجد ، وقد اثارت هذه الكلمة مشاعري واسندت القصيدة الى الشاعر صالح العديني الحويطي واليكم القصيدة

عزيل قلبي يالعديني من الود = يوم الهوى دالت عليه جيوشه
جيش الغرام اللي لقلبي تعمد = قايد جيوش الحب جاني يحوشه
يوم التفت لي داعج العين والتد = ثم طالعت بعيون سودا بشوشه
الرمش مرخيته على زاهي الخد = مثل المظلة فوق خده رموشه
وا صبحت من ماشفت فاهي مبلد = كني صغير تاه في وسط طوشه
وقلت السلام وقالت اهلين ياجد = ويش فيك يا الشايب عيونك طشوشه
هوانت ضايع والا مضيع الك احد = ولا عيونك صار فيها غبوشه
قلت العفو يا زاهي الزين والقد = ماغير شوفك صاب فكري بدوشه
وتوي دريت أن الهوىجد في جد = وانا احسب انه كان حاجه فشوشه
ليت الزمن يرجع الى الخلف ويعد = وارجع ولد عشرين منفوش شوشه
حتى اخذك يازين علم موكد = بالطيب يالمجمول ماهو بهوشه
وكل لعذارى في زواجي تزعرد = واجلس انا وياك في وسط كوشه
وا عزم شعار الملاعب هل الرد = واحجز لهم يومين قصر بحوشه
لكن قولة ليت ماتبني الغد = واللي مضى من العمر ولت طروشه
ويش رايك باللي صار يابو محمد = يالطيب اللي كل طيب يحوشه
لوني صبغت الشيب باللون الاسود = هو ينفع الرجال دقن مغشوشه ؟

[الطائر المهاجر]

تميز في الإبداع
جزله من راس جزل
صح لسانك
ولاهنت
تحيتي واحترامي

[محمد عبدالله البدراني]

ياسعيد بن عودة علامك تجلد= تبدي الصبر والصبر ولت جيوشه
كثّر فلوسك وابشر بزاهي الخد = اليوم يوم اللي كثيره قروشه

شاعرنا الرائع سعيد عوده الحويطي سلمه الله

مليون مليون صح السانك
وعلا شانك


وهالبنيه سوت بك سوايا

لكن ترى ماعاد يهمهم الشيب همهم الدراااااهم هالحين


ههههههههههه

الله يسعدك يااااجد


ولاعدمناك يالقررررررم

تقبل تحيتي واعجابي

سلمت ودمت
ولا ندمت
وصح لله سانك
احترامي

[شجون القصيد]

الله الله

صح لسانك على هذا الجمال

صح لسانك على هذا التفرد

صح لسانك على هذه الرائعة

إثراء وأثر لايزووووول

إبداع من شاعرٍ متمرس

أبقى هنا ليكون مسائي شعرياً رااائعا

صح قلبك إلى أن يرضى وزود

تحيااااااتي

[فارس بن عويف]

الشاعر / سعيد عوده الحويطي

أحسنت إنتقاء المفردة العذبه
نص يحملنا للعشق من جديد
ويأخذنا لأفق أكثر رحابة

صح السانك .. ولاهنت .

[زهرة اللوتس]

صح لسانك
جزلة من جزل
لاهنت
تحية طيبه

[حي الضمير]

صح لسانك ياجزل
قصيده رائعه وابدعت بارك الله فيك
أجزل التحايا والاحترام
ـــــــــــــــــــــــــــــ

[داعي الشوق]

صح لسانك يالشاعر سعيد

و الله يعينك عليهن

ردة فعل قويه و وافيه

صح لسانك مدد

مع التحية لك

و لاهنت

**********

[الخنساء]

صح لسانك مليوووووون

قصيدة جزلة من شاعر جزل
لاهنت

سلمت ودام بوحك