قلوبكم نوما ولاتنضر الغد

[نايف مقبول العمراني]

صديقي اللي له مواقيف ينعد=ولا صديق المصلحه مانعده
الصاحب اللي بالمهمات ماسد=باب يجيب خطاه ودك تسده
ماني على ممشاه بالحيل محتد=خله يولي جعل بقعا تحده
تلقا مبادي سلالته رد في رد=هذا يسند به وهذا يرده
لايدرك الخوه ولايوثق السد=مايبطي ابن الاش ويبيح سده
طشاشة المونه وقوم التودد=المصلحه وش عقبت للموده
قلوبكم نوما ولاتنضر الغد=وعيونكم هنيها بالمخده
انا رفيقي من به الضهر يشتد=امد له يمناي ويمد يده
اللي ليا صدوا هل الصد ماصد=لاصدوا العربان ماشوف صده
اللي بزومات الرجاجيل يستد=ويسد في ماقف قليل يسده
انشهد ان فعل الرجاجيل ينعد=واللي نشوفه من مراجل نعده
باللي مورث مرجله جد عن جد=من ابوه وعمامه وخاله وجده
ياكم ندهت فلان وفلان مارد=وياكم علينا فلان ممشاه رده
وياكم تمنينا الخدود المورد=واليوم راع الخد حنا نلده
ياللي تحب الهند لاتلعب الهند=وخل الحلاوه عنك هي والبرنده
وخل الرجا بالله على طول ممتد=اللي فرق مابين ورده ورده
اللي يحط الجزر بالبحر والمد=وهو الذي يعلم بجزره ومده

[صعبة المنال]

والنعم فيك وبصديقك
انا رفيقي من به الضهر يشتـدامـد لـه يمنـاي ويمـد يـده

صح لسانك وفكرك

صعوووب

[منيع]

اكثر من رائعه
بارك الله فيكم
تحياتي وتقديري

[الطامي]

العمراني
صح السانك ملايين
جزلة لاهنت
شكرا لك

[حرف وشعر]

الشاعر نايف العمراني

ابدعت جدا بهذه الاطروحه

فالصديق اللي ماينفع

بعده انفع

تقبل مروري

[داعي الشوق]

صح لسانك يالشاعر نايف العمراني

قصيدة وافية يالوافي

و طيبه

و جزله من شاعر جزل

لله درررررررك

و صح لسانك مدد

مع التحية لك

[الطائر المهاجر]

سلمت وصح لسانك وقلبك
ولاهنت
جزلة من راس جزل
وشاعر متمكن
تحياتي

[الخنساء]

صح لسانك ولاهنت

قصيدة جزلة من شاعر جزل

سلمت ودام حرفك

[عبدالكريم العياش]

الاخ الشاعر / نايف مقبول العمراني
صح لسانك قصيده رائعه من كافة جوانبها قوة السبك وترابط المعاني
وكثرة الصور . منتشية حكمة تدلل على عمق تجارب الحياه . وفيها من
الصدق مايقنّع المتلقي على الاعجاب بها .
تقبل صادق تحياتي .

[ترانيم المطر]

سلمت وصح لسانك وقلبك
ولاهنت
جزلة من راس جزل
وشاعر متمكن
تحياتي