الطائر المهاجر تفضل

[متعب المتعب]

يالطاير شلونك عسى منت تعبان=دايم اشوف اسمك صباح وعشيه
وشفيه نومك صايرن نوم هيمان=صبحه وليله كلبوهن سويه

[الطائر المهاجر]

الذيب ما ينعس ولو كان سهران = ولو غمض بعينه ترى له نويه
رادار مخه يشتغل وين ماكان = درع حصين وسيف وقت الحميه

[ماجد المهدي]

الله الله متابع طبعا من بعد

والنعم فيك يا الطائر

[متعب المتعب]

ان كان ودي دايم الدوم ذيبان=لكن هبوب العمر ماهي سويه
يجيه ذيبن يجعل الراس دوخان=ثم ايتذكر ما مضى من سميه

[الطائر المهاجر]

مهوب مثلك مولع القلب هيمان = وعظمه نخر من سندوتشه طريه
ماياكل إلا القمح ولحوم ضبان= وعظمه عظم تكرونيٍ من قسيّه

[ماجد المهدي]

ماياكل إلا القمح ولحوم ضبـان=وعظمه عظم تكرونيٍ من قسيّه

هههههههههههههههههههههههههههههه ههههههههههه

استقبل ما يجيك يا متعب

[ابومياس]

صح لسان الجميع

متابعين ومستمتعين

وين الضبان يابو عبدالله حولك شي هاليومين

[الطائر المهاجر]

وين راح .... ردوه يالربع ...

[إستبرق]

صـــح لســـآنـــكمــ

ويسعـدنـي آتـآبعكـمـ ..


آرق التحـآيـآ ..

إستبرق

[متعب المتعب]

المشاركة الأصلية كتبت بواسطة الطائر المهاجر

مهوب مثلك مولع القلب هيمان = وعظمه نخر من سندوتشه طريه
ماياكل إلا القمح ولحوم ضبان= وعظمه عظم تكرونيٍ من قسيّه

اشوا من اللي طايحه كل الاسنان=واليا بغى ياكل تناثر خطيه
كان ايتمنى شوفته يومه احصان=والحين واعزي لحاله شقيه