*الطيبه* هل تقلل من هيبه الأنسان؟؟؟

[أم ريما]

بسم الله الرحمن الرحيم


الإنسان الطيب في هذا الزمان أصبح من وجهة نظر الناس ( خبل )


أشوف كثير من الناس .. يعتبرون الطيبه نوع من الغباء او الضعف للأسف

مثلا يقولون لا تبتسمين ولا تضحكين كثير ... ترى يصير مالك اي احترام او هيبه

اسمع كثيرررررررر يقولون كذا !! ليه ؟؟

هل الطيبه او الأبتسام صار في هالوقت ... غباء

الأبتسامه في وجه اخيك صدقه .... ما اظن ان الأبتسامه تنقص من قدر الأنسان....

الحياة مليانه بمثل هذه المواقف..
من يعتبرون الأنسان الطيب خبــــــــل ... ولا يقدرونه ابدا
بعكس من هو شايف نفسه حبتين ... وقليل الضحك والأبتسام والكلام ايضا ومغرور .. هذا يصير له كل الأحترام

شيء غريب ...
أنا اشوف ان الطيبه أحلى صفه تكون في الأنسان ... لكن الناس تغيروا


اتمنى تشاركون بوجهه نظركم بكل صدق...

هل الأنسان الطيـــــــــب لا يكن له احترام في نفسك؟؟؟


مالسبب الذي جعل الناس يربطون هذين الشخصين ببعض؟اي ما وجه الشبه؟ بين الخبل والطيب ؟؟


هل الطيبه تعتبر صفه سيئه ؟



تحياتي للجميع

[الطائر المهاجر]

كل شئ اذا زاد عن حده انقلب الى ضده ، فلا افراط ولا تفريط ولكل مقام مقال ،
فمن يستحق أن اكون معه طيبا ، لأنه يبادلني الطيبة بمثلها ، اكون كذاك ، واذا حييتم
بتحية فحيوا بأحسن منها او ردوها الى اهلها ، اما من اراه غير ذلك ، فيجب
ان اشعره بأنني قادر على ان اكون اقسى منه . فمن اغتر او تكبر فعل ذلك
على نفسه ، وفي الغالب كلما يكون الإنسان صحيح نفسيا ، كلما شعر بقوة
في داخله تجعله يكون طيبا ومتواضعا ، وكلما كان اقل صحة نفسية ، كلما رأيناه
عكس ذلك ..
موضوع مهم جدير بالمناقشة والإستفادة
شكرا لك
مع أطيب تحياتي

[الغريب]

عن نفسي احب الناس الطيبين

واعتبرهم انقا قلب ونواياهم حسنه يعني ما منهم خوف

اذا ماحبوكي ماضروكي وش نبي اكثر من كذا

بس اللى مكثرين النشاء شوي اهم اللى ينخاف منهم

بس مو هاذي ولا هاذي المشكله

المشكله ومن خلال منظور شخصي ان فيه ناس تتصنع الطيبه ويكونو نرجسين

اعتقد هنا مكمن الخطر الحقيقي

ام فيصل الطيب اذا جرحتيه او قهرتيه او فهمتيه غلط او حتى اسئتي له ممكن بكلمه طيبه وحلوة

ينسا كل شي ويرجع

بس النرجسي راح يصليبك شرق عشان ثاني مرة ماتلعبين عليه او تزعليه

هذا راى الشخصي

مدري تمام ولا من جنبها

[أم ريما]

المشرف العام

مشكور على ردك وتفاعلك مع الموضوع

تحياتي لك



غريب الآه

مشكور على ردك وتفاعلك مع الموضوع



انا اعرف ان الطيبه الزايده غلط وممكن تكون سذاجه

لكن انا اتكلم عن وجهه نظر الناس تغيــــــــرت .. مع الناس الطيبين .. صار مالهم اي احترام او تقدير

تحياتي للجميع

[الغريب]

خلاص دام انك تشوفينها سذاجه

انا احترم وجهة نظرك

طيب ليه مانقول ان بالطيبه ممكن نفرض احترامنا على الاخرين

تذكري ان الله خاطب الرسول صلى الله عليه وسلم وقال له لو كنت غليظ القلب لانفضو من حولك

ليه التسامح شي من ثوابث عقيدتنا

ليه مانقول ان التسامح طريق نجاح للسلام

خلى الناس تقول اللى تقوله وقت الجد راح يعرفون منهو انا وش انا هل انا ساذج او لا

ام فيصل ارتفع ضغطي

[أم ريما]

انا معاك ان الطيبه صفه ممتازه ...

لكن الناس تغيرت نظرتهم ... والحوار ليه الناس تغيرت نظرتهم تجاه ا لشخص الطييييييب ؟؟!!



انا مع الطيبه مو ضدها

الطيبه الطيبه الطيبه

هذي أفضل صفة في الإنسان إذا كنت طيب مع الناس حبوك وحرصوا عليك ودوروك لأن الناس منعمه والحمد الله ماتبي أحد يتمنن عليها ولكن تحتاج لشخص طيب يفهم ويضحك ويسولف معهم ويرادهم الصوت ولكن ...

إذا حقرك أحد على طول أقلب عليه وبين له أنك قوي وقادر على الرد واتخاذ القرار ولكن إذا كان خطأ من دون أحتقار فما عليه عديها

وحاول وأنت تمارس طيبتك وفاتح قلبك للناس أنك تبين لهم أنك مانت خبل ولا دبشة بل رجل ويكون بيان ذلك باظهار قوتك العلميه والثقافيه والتي كفيله بأفهام من أمامك أنك طيب بس وقت الجد جد ولا أخلي حقي

وشكراًُ لك يا أم فيصل

[أم ريما]

وحاول وأنت تمارس طيبتك وفاتح قلبك للناس أنك تبين لهم أنك مانت خبل ولا دبشة بل رجل ويكون بيان ذلك باظهار قوتك العلميه والثقافيه والتي كفيله بأفهام من أمامك أنك طيب بس وحاول وأنت تمارس طيبتك وفاتح قلبك للناس أنك تبين لهم أنك مانت خبل ولا دبشة بل رجل ويكون بيان ذلك باظهار قوتك العلميه والثقافيه والتي كفيله بأفهام من أمامك أنك طيب بس وقت الجد جد ولا أخلي حقي



رد جميل بارك الله فيك اخوي ذيب



افهم من عبارتك =بس وقت الجد جد ولا أخلي حقي

ان الفرق بين الطيب والخبل .. الخبل يخلي حقه ولا يدافع ويكون مسالم بالمره ....والطيب ما يخلى حقه

تحياتي لك

أكيد إذا كان طيب سليم نفسياً وعقلياً فأن طيبته لا تتعارض مع أستيفاء حقوقه ولكنه هو معدنه طيب وحبوب ويحلو لي أن أسميه إنسان شعبي في كل بحر تبحر تلقاه وتلقى له علوم وأخبار ولكن مع طيبه وخفة دم وحبابه موب يدافع البلى يحاكي الناس كنه يتكلم من طرف خشمه ولا يرى الناس مثل الذباب بل العكس يقدر الكبير والصغير والمرأة والرجل وحتى الصغار تلقينهم يحبونه صحيح راح يقابل نوعيات تحقره وهذا مجرب ومشاهد لكن هذولا دواهم ضحكة صفراء وكلمة قويه صميميه تخترق روحه وعقله وترجعه لصوابه وتجعل وجهه يصبح مثل لوحة الرسام كلها ألوان

[احساس أنثى]

أختي أم فيصل موضوع جيد يستحق النقاش
أنا عن رأيي أن الطيبه شي جميل فابطيبتي أفرض احترامي على الغير
وكيفيه تعاملهم معي وحبهم لي،،،،،،،،،،،،،،
ولكن اذا وجدت أوقابلت ناس متكبرين أو منغرين
فلابدا أن اعاملهم كما يعاملو الناس لأن هذي الفئه هي الي ممكن تنظر للطيب بأنه خبل..............
فالشخص هو الذي يفرض طريقه تعامل الناس معه ،،
تحياتي القلبيه للجميع