رد الخبر يانديبي واسرع بــرده

[الحربي عبدالله]

جتني توارد هواجيسي على عــده = واخذت جزل الكلام الهزل مرضابــه
اللي يجمل ويرفع راس من عــده = مادام جاله مجال(ن) وانفتح بابــه
رد الخبر يانديبي واسرع بــرده = لديار ذيب(ن) تعلا فوق مرقابــه
اللي ليا من مشى في لازم(ن) ســده = اللي ليا من لفاه الظيف هلابــه
راع الوفاء والكرم والطيب من مــده = يالله ترحم وتغفر للذي جابــه
المرجله والشهامه ورث من جــده = والنعم بسعود ولد العم حيابــه
ياسعود حالي تعدا وانتهاء حــده = عشرين عام(ن) وانا في حال يرثابــه
ماشفت انا افراح فيها طول هالـمــده = ماشفت شين يشوق القلب واشقابــه
غير النكد واللهد وهموم مـمـتــده = والنار في داخلي ياسعود شبابــه
والنفس عن كل شي اليوم مـنســده = والقلب متروس لاكلمه ولآجابــه
وقت مضالي عسى ماعاد له رده = اللي مضالي في وجهي كشر انيابــه
ولاشفت في دنيتي رجال واعــده = ياكود نادر ليا ضاقت تعزوابــه
مثلك وشرواك ياقف ساعة الـشــده = واللاش يخسآ ويعقب ماتهقوابــه
اللاش مانحسبه يانعنبو جــده = اللاش لاشن وعند القرم وش جابــه
لكن في وقتنا هذا محد قــده = يامر وينهى ردي الساس واللابــه
القرم ماله مجال(ن) كلن يـحــده = هذا زمان الردي واللاش واصحابــه
اليوم خالط وجيه البيض مـســوده = اليوم ماتفرق اشنابه من اذنابه
غفال كلن عليه اعقال ويـشــده = ليت العرب وسمة واللاش يدرابــه
ما وسم اللاش ليت الوسم في خــده = كان العرب تعرف اسباعه من اكلابــه
ود الخبر يانديبي مكتمل وده = لا الذيب ذيب الذيابه فوق مرقابــه

اخــوكـــم / عـبـدالـلـه الـحــربـــي ..

[الطائر المهاجر]

شكرا لإبداعك
لاهنت
تحياتي
لي عوده

[حرف وشعر]

الحربي قصيده شامخه

من شاعر مخضرم ومبدع

وجميل


صباحك ورد اخي

[كظيم]

عـبـدالـلـه الـحــربـــي
صـح لســآنك وقلبـك
قصيـده جـزلـه وفارعـه
تقبل مروري المتواضـع
ودي وتقديري

[داعي الشوق]

اليوم خالط وجيه البيـض مسـوده = اليوم ماتفرق اشنابه مـن اذنابـه
غفال كلن عليـه اعقـال ويشـده = ليت العرب وسمة واللاش يدرابـه

صح لساااااانك مليووووووووون يا عبدالله

قصيدة جزلة و وافية بالحيل ابداع رائع و تصوير جميل

لله دررررك يالشاعر

و صح لساانك

و لاهنت

^^^^^^^^^^^^^^^^^

[الراقي]

صح لســـانك ودام هتانك

كتبت فابدعت شاعرنا القدير

وتقبل فائق الاحترام

[الطامي]

الحربي
صح السانك ملايين
رائعة جدا
لاهنت اخي

[الطائر المهاجر]

لكن فـي وقتنـا هـذا محـد قـده=يامر وينهى ردي الساس واللابـه
منهو عطاه المهابه لعنبو جده = إلا خمام ضلوعه جابت اصحابه

الله عليك
صح لسانك مليار ولا تكفي
لاهان راسك
أطيب تحياتي

[عبدالإله]

قمة الجزالة حاضرة هنا

لا فض فوك

جمعت العذوبة والابداع هنا

و صح السانك يالشاعر

مع سلامي لك

@@@@@@@@

[عمر ال شيبي]

طيبه من طيب

ومشاكاه محبوكه

صح لسانك لا هنت ابد