رجعت عن خطن قديمن مشيته

[صنداح الزلامى]

ياما كثر الشعار وايضاء الجماهير= في هالزمان اللي كثيرن هتيته
لاشك يبقى الشعرعند الشواعير= في نصه الفاخر ومضمون بيته
الشعرله ميزة وحكمه وتعبير= يطرب مسامع سامعن لاقريته
خصن اذا جافيه حكمه وتصوير = بالمدح في قرمٍ لعلمٍ نصيته
ولا عن الماضي وبعض التقارير= وجنبت عن درب الخطا ماخطيته
واخذت مع جو القوافي مشاوير= وعذب الكلام من الضمير انتقيته
حبكن وسبك ومفرداتٍ مشاهير= وجبت الجزال وكل هزلن رميته
وتناقلوا مضمونها دون تاخير= كل يقول الله يازين بيته
وعبرت من فكرك بجزل التعابير= بعت الرخيص وكل غالي شريته
بررت عن موقفك بالشعر تبرير= شعرن يشرف موقفك لاهجيته
وبين الرجال يصيرلك زود تقدير= وموقفك من بين الرجال احتميته
شعرٍ ماجاله في هل النقد تاثير = ماهو على هقوتك ياللي هقيته
اقول عسى ربك يعوضك بالخير = فالي كتبته منه والي محيته
ولانت الوحيد الناس حولك طوابير= غازين معك الشعر يالي غزيته
معك الولدوالبنت وعوير وصوير= سرو معه مسراه باتو مبيته
جاين لهم عجه وراه ومعاصير = كلٍ يقول الشعر انا اللي حضيته
والله حرام يصير ويصير ويصير= مثل هذا لشعر واهله فديته
وهذا النباء ياهل الوجيه المسافير= اكتابي اللي كنت افله طويته
طويت حبل الشعر واعلنت للغير= رجعت عن خطن قديمن مشيته

[الطائر المهاجر]

الشعـرلـه مـيـزة وحكـمـه وتعبـيـر
يـطـرب مسـامـع سامـعـن لاقريـتـه
خصـن اذا جافيـه حكمـه وتصـويـر
بالـمـدح فــي قــرمٍ لـعـلـمٍ نصـيـتـه
الله الله هذا الشعر الحقيقي
صح لسانك الف
ولاهنت
تحياتي

[روح الشعر]

صنداح الزلامي

لا هنت ولا فكرك جزله بكل ماتعنيه من كلمة

سلمت

[الطامي]

ياسلام عليك ياصنداح
قصيده محكمه وجزلة من جزل
صح السانك ملايين
ولافض فوك اخي
شكرال ك

[حوريه]

رائعه تسمو بجمال الحرف وجزالة المعنى
صح قلبك يا صنداح
ودم حرفك ودمت بكل خير

0
0

[حمود السكراني]

صح لسااانك ياصنداح حبك وسبك سلمت يالفرم

[منيع]

جزل ومبدع ومميز
تسلم ياصنداح الزلامي
ربي يرعاكم
تحياتي

[فارس القوافي]

جزالة ومعنى
صح لسانك يابو محمد

لاهنت

يعطيك العافية

دمت بخير

[عبدالله الشويمان]

صح السانك يا ابو زيايد

قصيده جزله يا الجزل

دمت بخير ولا هنت

[داعي الشوق]

يا سلام عليك يا بو محمد

اجزلت و ابدعت وامتعت و اصبت الهدف

و صح لسانك حتى ترضى يالشاعر

مبدع يا صنداح مبدع

ولاهنت يالذيب