يا صاحبي....

[سمّار]

يا صاحبي ما عاد في قلبك على قلبك ظمان=الصفحه اللي مبهمه لا بُدّ ما يقرونها
حيّرت جمهور السَّبَق ما ميّزوا رَبع الحصان= بسّ الأكيد انه اسرّ فكر البشر وعيونها
لو كلّ جوله له رقم... معروف من طَلْق العنان=اللي طموحه للصداره ما بيرضى دونها
ترجّل الفارس وهو عازم على كسب الرهان=وخطاك محسوبه وعالم غيرنا يحصونها
يا صاحبي ذاك التعب بيّن بوجهك من زمان=ملامحه تطغى عليك وينقري مضمونها
اشوف عقد الدمع لو غيري يشوفونه جمان=حتى ذبول الزهر في عينك حكى مكنونها
ما هي سوالف عشق ترويها فلانه او فلان= ولا همّــتك ليلى عساها ما لقت مجنونها
احساس بالغربه ملاك وحولك احضان الحنان=ثورة شعور وبعثرة فكره بسوء اظنونها
انا اشهد انك شمس هذا الكون وانوار العيان=ذوّب جبال الثلج واسقي الناس من مخزونها
تعبت في صحراك اهاجر ما لقيتك في مكان=والعين ما اتعبها السنأ لولا تطفل نونها
ولو ينصبون من المرايا بكل زاويةٌ ثمان=ويكسّرون الضوء ما غشوّك في عرجونها
يا صاحبي صمتك أدب لكن منطوقك بيان= واحلى سواليفك تجيني همسْ ما يوعونها

[حي الضمير]

الله ياسمار ابدعت ياشاعرنا وامتعت
ومليااار صح لسااانك يامميز

[داعي الشوق]

صح لسانك يا بو هاشم

و الحمدلله على السلامه

و حشتنا يا رجل

يا مرحبا بك و يا هلا بالشعر و الابداع

شاعر جزل يا بو هاشم و مبدع دائما

تقديري لك أخي العزيز

و صح لسانك

[الطامي]

سمار
صح السانك ملايين
رائعة جدا
لاهنت اخي

[الراقي]

صح فكرك

صح بيانك

ودام حرفك ..

و صح لسانك

[منصور العبدالله]

المشاركة الأصلية كتبت بواسطة سمّار

يا صاحبي ذاك التعب بيّن بوجهك من زمان=ملامحه تطغى عليك وينقري مضمونها
اشوف عقد الدمع لو غيري يشوفونه جمان=حتى ذبول الزهر في عينك حكى مكنونها
ما هي سوالف عشق ترويها فلانه او فلان= ولا همّــتك ليلى عساها ما لقت مجنونها
احساس بالغربه ملاك وحولك احضان الحنان=ثورة شعور وبعثرة فكره بسوء اظنونها

صح لسانك سمار

رائعه وجزله

راقت للذائقه

دمت ودام نبضك

[عبدالله الشويمان]

صح السانك يا اخ احمد

نص راقي جزاله مبنى ومعنى..

دمت بخير وصحه وسلامه

[بنت النور]

صح لسانك مدد واعتلى شآنك
رائعه بكل مافيها
تحيتي الطيبه

[منيع]

كل الروعة والابداع
تسلم ياسمار
رعاك الله
ودي وتقديري

[حوريه]

يـــا صـاحـبـي صـمـتـك أدب لـكـن منـطـوقـك بـيــان
واحـلـى سـوالـيـفـك تـجـيـنـي هــمـسْ مــا يـوعـونـهـا

روعه بروعة حضور شاعرها
أبداااااع وتأااااالق
وافر التقدير