حضرت كل الجن (محاكمة الجن)

[الطائر المهاجر]

حضرت كل الجن صاحي ومجنون = وجتني وفودٍ من جميع البلادين
شباب وكبار وشيوخٍ مسنون= وعجايزٍ وامهار في كامل الزين
في محكمه فيها العدل حيل مضمون= مافيه ظلم او واسطه او محامين
قلت اسمعوا ان كان للعلم توحون = حكمي عدال ومايخالف قوانين
الانس من ما تفعلوه يتشكّون = وكم انسي مسبوه مثل المجانين
ارجالكم تدخل بناتٍ بلا اذون = وبناتكم تدخل رجالٍ حبيبين
ويش السبب قولوا ترى السر مدفون= نبي نحل اشكال صاير من سنين
تقدمت ذيك المها تمشي بهون = وتبسمت وارخت جميل الحجاجين
قالت ابدخل فيك ياعود ملسون = وان ما توافق غصب جيتك بعد حين
غيرك فلا بي لو ملك الف مليون = قلبي هواك ولو تعاني من الدين
قلت اسمعي يابنت لو كنت مزيون= مالي بمثلك لو دفعتي ملايين
عمري انتهى مارضى تردين للدون= شوفي شباب الجن فيهم مزايين
ولا تقربين الأنس ماهم يحبون = فالحب عند الأنس عزفٍ وتلحين
وجاني كبير القوم في هرج موزون= شايب حكيم القول مافيه تخمين
قال انت تدري بالسبب قلت ممنون= عطنا الصراحه في وضوحٍ وتبيين
قال البلا ماعاد به دين مصيون= ويوم ان ندخل شان نخرج شياطين
من روس قوم بين طاغي وملعون = وشعوب عاشت بالمذله لها سنين
نضرب بعضهم في بعض لين يمشون= على كتاب الله وشرع النبيين
ويصير للعربان عزه بعد هون = ويفشل مخطط حاقدٍ او معادين
فمنهو دخلنا به غدا شبه مجنون = مهما فعل معذور عند السلاطين
المشكل ان الجن من الانس يخشون= وصار التطوع نادرٍ ف الميادين
كلما نوجه واحدٍ قال تكفون = شوفوا حدٍ غيري فانا حيل مسكين
ياما حشروني من على الجن يقرون = وياما جلدوني مثل بعض المساجين
ولو يعرفون السر او كان يدرون = ان كان خلونا نحرر فلسطين
باللي دخلناهم على الكيف يغزون = وحنا لهم درعٍ وعزٍ وتمكين
لكن اشوف الأنس صاروا يخافون = والكل يبغى العيش لو هم ذليلين
وارجع لبيتي واشعر القلب مسكون= واسمع لصوتٍ داخله قال شطرين
"من لا بغانا ندخله كيف مايكون= واللي يدورنا نحمّر له العين"
واركض ابي قراي بالشغل مضمون= والقى متفتف قال يدك على الفين
قلت الخلا ماني من اللي تخدعون= وتضحك عليهم وانت ما تفهم الدين
عندي دواها لو حفيده لفرعون = قرآن ربي بين طه وياسين
وتطلع وهي تركض تقل ركض مسجون= تغيفل الحراس والخلق لاهين

[صعبة المنال]

عندي دواهـا لـو حفيـده لفرعـون
قـرآن ربـي بيـن طـه وياسـيـن
وتطلع وهي تركض تقل ركض مسجون
تغيفـل الحـراس والخلـق نيمـيـن


جزلة ووافية

حتى الجن ما سلم من شعرك

صح لسانك

صعوووب

[داعي الشوق]

صح لساااااااااااااانك مليوووووووووووون يا بو عبدالله

و يالله صبح خير ،،

قصيدة من نوع مختلف و بإسلوبك الرائع المعتاد

ولاهنت يا صاحب الابداع

**********

[احمد القاسم]

صح لسانك على القصيده الرائعه

ابدعت وامتعت يابو عبدالله

تحياتي لك

[ابو أنس]

الفاضل ابو عبدالله.....................
نص في داخله الكثير
طربت لبنائه وما وصلني منه
تحيتي وودي

[الطامي]

الانـس مـن مـا تفعلـوه يتشكّـون
وكم انسـي مسبـوه مثـل المجانيـن
ارجالكـم تدخـل بنـاتٍ بــلا اذون
وبناتكـم تدخـل رجــالٍ حبيبـيـن
ويش السبب قولوا ترى السر مدفـون
نبي نحل اشكال صايـر مـن سنيـن
،،،،،،،،،،،،،،،،،،،،،،،،،
الطائر
صح السانك ملايين
يادافع البلا منك انت وجنونك
لايكون انت تقرب لجدتي
هههههههههههههههههه
رائعة وهادفه ومميزة جدا
والله يخارجنا من المقصود بها
شكرا لك

[الخنساء]

صح لسانك مليووون ولايكفووون

قصيدة جزلة من شاعر متمكن

سلمت ودام حرفك

[منيع]

تداخل غريب وشعرذوابعاد لم يجد الشاعر متنفس له سوى الولوج الى عالم الجن ليعبر ببعض مايدورفي خلدة من تداعيت العصر في تصوير لايخلو من الفكاهة والممانعة
شكرا لك يادكتور
تحياتي

[خـرافـي]

صــح لــــســـانــــكـ مليوووووووون
ابداع وفكره غير مسبوقه
جزاله من راس شايب
امتعتنا بابداعكـ

[عمر ال شيبي]

الله الله
وين سهران البارحه يا الطير

الين انها قويه بالحيل يا حكيم

صح لسانك شاعرنا الاول