بمناسبة عودة خادم الحرمين الشريفين

ماهربخيت الجهني · 23-02-2011, 04:42 AM

ياموطنى دونك رجالا للاخطار=نرفع بيارقنا بصلب السواري
ياموطنى حنا عيالا لك ابرار=بالحل والترحال وقت الطواري
ياموطنى نفداك لو الزمن جار=ونذود عن حدك بليل ونهارى
والحمدلله عد همال الامطار=واعداد ماهبت هبوب الذواري
يالحاكم الوافى حكيما للاشوار=يالحر يالقرناس سبع الضواري
جتنا البشاير بالسلامه والانوار=كن المطر نازل بجدب الصحاري
سلامتك تعداد ماطايرٍ طار =واعداد مارفت طيور الحباري
ياسيدي ياحاكمٍ كل الاحرار=الدم باسمك داخل العرق جاري
انته نصير اللي سكن خلف الاسوار=وانته سحاب الخير للخير ساري
ياكافل الايتام يوم الزمن جار=لك في صميم الجود صيت ومواري
لعودتك اقلوبنا دوم حضار=ولعودتك تخضر كل الخباري
ولعودتك زانت بيوتا للاشعار =وقامت تلحنها طيور القماري
وصلاة ربي عد همال الامطار=وعداد ماتسري هبوب الذواري
على شفيع الخلق منذر من النار=يوم الحشر والناس شفحا غباري

الطائر المهاجر · 23-02-2011, 06:56 AM

سلمت
وبيض الله وجهك
والوطن وحكامه يستاهلون
لاهنت
تحياتي

حوريه · 23-02-2011, 07:54 AM

قصيده وطنيه جميله
ومشاعر رائعه ..
الله يحفظ خادم الحرمين
صح لسااانك ودااام احساسك
0
0

صعبة المنال · 23-02-2011, 07:59 AM

الحمد لله على سلامته ويستاهل الشعب

صح لساااااانك مليووووووون ولا تكفى

صعوووب

سناعيس · 23-02-2011, 09:03 AM

صح لسانك ياماهر
وابو متعب والله له وحشه
الحمدلله على سلامته
ويبقى ذخر لنا

تحياتي

عبدالله الدخيل · 23-02-2011, 09:33 AM

ماهر بخيت الجهني

صح لسانك وبارك الله فيك
قصيده جزله من جزل وأبو متعب يسحق أكثر من ذلك

واقبل
ودي واحترامي

داعي الشوق · 23-02-2011, 10:11 AM

صح لساااااااااانك ولاهنت يا بو بخيت

قصيدة طيبة و جزلة المعنى

صح لسانك مليوون يالشاعر

مع التحية لك

***********

كظيم · 23-02-2011, 10:45 AM

اللهم صلي وسلم على شفيع الامه محمد ابن عبدالله

مآهــر
مشـاعر طيبـه وصـادقــه بصدق حرفك
تجـآه وطنــك وارضك
وتجـآهـ مليكك ومن أحببت
ابيـات طرزتهـا بالابــداع
لله درك
تقبل مروري المتواضع لاهنت
ودي وتقديري

حي الضمير · 23-02-2011, 01:03 PM

صح لساااااااااااانك
قصيده رائعه وابدعت
سلمت يمناك

الطامي · 23-02-2011, 01:32 PM

الجهني
صح السانك ملايين
رائعة جدا وفي من يستحقها
شكرالك

الذين يشاهدون محتوى الموضوع الآن : 2 ( الأعضاء 0 والزوار 2)