يالربع وين البحتري وابوتمام,,,,,

قرأت رائعة الشاعره موج القصيد بعنوان خذ مني النجوى لسجات لقلام فما كان مني الآ ان اجاريه بهذه الابيات التي ارجو ان ترقى الي مستوى قصيدة شاعرتنا الكريمه

يالربع وين البحتري وابوتمام=والنابغة يقراء كلامٍ قريته
جواهرٍ غليت علي كل سوام=ولاحصلوها أهل الحضوض البخيته
اشوف شذرات الذهب سبك واحكام=واللول والمرجان جت محتويته
موج القصيد اسمٍ عن الهابطه شام=حفظت له بعض القصيد ورويته
والشعر للشاعر علي صدره وسام=ياعافتين الشعر عفت العميته
هب القصيد وذعذعت منه الانسام=حاولت اصايد شرّده وابتديته
وان قام للهاجوس في الصدر همهام=بحثت عن بيت القصيد وبنيته
قلت اتجه يم اليمن واترك الشام=وأعلي جبل عديت فيه ورقيته
أخيل مزنٍ راعده يزرم ارزام=وان ناض برقه قلت ليته وليته
يمطر وتروى في مواريده حيام=وتحيا به ديارٍ من الوقت ميته
من دون قصد اسهمت في جرحي اسهام=وذكرتني ماضي زمانٍ طويته
ذكرىٍ حدثها قبل خمسة عشر عام=غرست لكن الثمر ماجنيته
كانت بدايتها تبسم وسلهام=وشوقٍ باموت بخافقي مامحيته
عين تنام وعين لايمكن اتنام=يمرني طيفه وانا ماغفيته
رحل بصمت وغيّبت عنه الاعلام=واظن فيه الآالجفاء ماهقيته
وقبل الرحيل مغيرٍ كل الارقام=وان كان حي اوكان ميت رثيته
له ينفتح في خافقي كل صمام=هذا مقيلٍ له وهذا مبيته
يعيش فيه وينتقل بين الاقسام=يدخل غرف نومه ويسكن سويته
له مايبي مادام مادام مادام=حلمٍ يراودني وانا مانسيته

[عدنان كريزم]

ابو راجح الغالي


الله الله


صوت وصدى رائع فعلا


لا هنت يالغلا

[ناصر عبيد الهواوي]

ان من البيان لسحرا
هذ هو السحر الحلال
يابو راجح والله ماتحتاج
الى ثناء من احد
هكذا يكون النحت من الصخر والا بلاش
صح لسانك وتقبل تحياتي

زيد راجح

صح صح صح الساانك مليون ولا يسدون

قصيده جزله من شااعر جزل

شرفتني بمجاراتك لقصيدتي

واسعدني ثناائك

لا هنت

موج القصيد

[مجدي صالح المبارك]

الشاعر المحترم ( زيد راجح ) ماأروعك وماأروع ابياتك صوت وصدى في منتهى العذوبة والجمال , تقبل مني هذا الحضور المتواضع ودمت بكل خير .

[مبروك بن ماضي]

حضور متميز ..
لشاعر متميز ..

القدير / زيد راجح
سلمت يمينك ..
ودمت رائعاً متألقاً .


تحياتي

[الطامي]

زيد بن راجح
صح السانك وبنانك
مجاراة طيبة فائقه الوصف فاق وقافيه ومعنى
شكرا لك

[سناعيس]

زيد بن راجح
صح لسانك
وبيض الله وجهك
على هذه القصيدة الرائعه

لاهنت

تحياتي

[رفيعة الشان]

الأخ الشاعر ابن راجح
قصيدة ومجاراة راائعه
لقصيدة أروع
ابدعت ابدعت
فصح الله لساانك مليوون

ولااااهنت

[حي الضمير]

مجاراة رائعه لشاعر رائع
ومدد صح لسااااااانك يابن راجح
ولسااان الشاعره موووج القصيد