مغلاك

[حمود السكراني]

محلاك ياعشق النجوم البعيدات = مغلاك ياكنوز الجبال الرواسي
البارحة جفني سرى الليل مابات = لجلج غلاها مانفع فيه ياسي
ماهو رجاء بس أمنيات وخيالات = فيضٍ طفح بي ماقواه احتباسي
ذكرتها مع ذكرياتٍ قديمات = قبل يطوف الوقت ويشيب رأسي
ماهو غرام اللي على صفحة الشات = ولا هو زمن وقت الخنا والمآسي
هيهات مايرجع به الفكر هيهات = هيهات ياشوق الصبا والحماسي
ياما قطعنا له بعيد المسافات = وضح النقا مهتز للبعد باسي
على الطهارة والعلوم الشريفات = ماهو على ذيك العلوم الخساسي
والله ما وافيتها غير نظرات = ولا تلامس ملبسه مع لباسي
لحظة قباله وقتها بألف ساعات = وضحكة حجاجة مذهلة كل قاسي
معها كأني مالكٍ للمجرات = والكون لي وجملة الناس ناسي
وراحت ورحنا والذي كان قد فات = والمشكلة بالقلب ماهو بناسي
رغم البعاد ومامضى من سنوات = مازال في قلبي يدق المراسي
مازال حبه داخل القلب مامات = دايم على ساحل هوى القلب راسي

[صعبة المنال]

مازال حبه داخل القلب مامات --- دايم على ساحل هوى القلب راسي

الله الله يا السكرانى

عزف منفرد


صح لسانك وحرفك

صعووووووب

[الطائر المهاجر]

جزاله من راس جزل
صح لسانك
ولاهنت
تحيتي واحترامي

[حمود السكراني]

صعووب مشكورة على مروروك المعطر

بشذى حرفك الرائع كل التقدير

[حمود السكراني]

الطائر المهاجر سلمت يالغلا سرني

وجود حرفك على متصفحي المتواضع

كل الشكر

[حي الضمير]

صح لسانك يانجم
قصيده رائعه وابدعت ياحمود
أجزل التحايا والاحترام

[عبدالله الشويمان]

صح السانك اخوي السكراني

قصيده جزله حيل

لا هنت لا هنت

[مبروك بن ماضي]

الفاضل / حمود ساكر السكراني
صح السان وجاد البيان شاعرنا
سجل حضوري واعجابي
وتفضل بقبول تحياتي ،

[عيدالماجد]

رغم البعاد ومامضى من سنوات --- مازال في قلبي يدق المراسي
---
مازال حبه داخل القلب مامات --- دايم على ساحل هوى القلب راسي





انا اشهد انك رهييييييييييييييييب صح لسانك ويعطيك الف عافيه

[داعي الشوق]

مازال حبه داخل القلب مامات --- دايم على ساحل هوى القلب راسي

********

صح لسانك يالشاعر حمود

قصيدة جزله و رائعة

من شاعر جزل و رائع دائما

لله درررك يا بن ساكر

و صح لسانك مدد

مع التحية لك

،،،،،،،،،،،،،،،،،،،،،،،