الادمان مرض العصر...

[سعيد عوده الحويطي]

السلام عليكم ورحمة الله وبركاته
كل عام وانتم بخير
ابصم بالعشره اني احد المقصرين تجاه منتدى الفطاحله
لكنها ظروف احيان تجبرك على التقصير والتقاعس عن
ماتريد فتقبلوا مني هذه القصيده بعد ىقرأتي لنشره عن المخدرات
اسمها المخدرات ةسرطان العصر فحولت مافيها الى قالب شعري

ياابائنا وابنائنا وكل الاخوان=والامهات اللي الندا سامعينه
اقفوا سوا لمحاربة شر الادمان=اللي غزى ثروة وطنا الثمينه
بمخدرات اصناف وانواع والوان=شرٍ خبيث وكلنا مواجهينه
مصيبةٍ حلت لتدمير الانسان=تسلب من الانسان عقله ودينه
حتى يصير الادمي شبه حيوان=وكل المعاصي شرها يستهينه
لونه قتل والاارتكب كل عصيان=ماهو مفرق لوقتل والدينه
شياً يهز القلب ويصم الاذان=شياً يصير وكلنا شايفينه
واصبح شباب اليوم عرضه لعدوان=شبابنا والدين مستهدفينه
بلاهواده حربهم طول الازمان=بكل الوسايل حربهم معلنينه
شبابنا يبغوه دايم بخسران=هم يربحوا وحنا الثمن دافعينه
بمخدراتٍ كنهن سيل طوفان=شبابنا بطوفانهم مغرقينه
راحو ضحايا بين فاسق وشيطان=ومهربين الشر ومروجينه
شوفو المثل مضروب بفلان وفلان=اللي قضى وسط المصحه سنينه
اللي مع الشارع يهذري وعدمان=والمجتمع من بينهم نابذينه
واللي وراه اسره كبيره وورعان=حالت ابواب السجن بينه وبينه
عاشو زمنهم بين فقرٍ وحرمان=وصاروا لصكات الليالي رهينه
ماحسو بعطف الابوه والامان=كبروا وابوهم غايبا فاقدينه
هذي نماذج سقتها قدر الامكان=والخافي اعظم من الذي محصيينه
وان مانتبهنا للقضيه من الآن=نصبح ضحيه للنفوس اللعينه
واول اسباب المشكله ضعف الايمان=والاسره اللي دورهم مهملينه
مايسألوا عن ابنهم وين سهران=ولايسألوا من صاحبه من قرينه
واصحاب سوءٍ للشياطين معوان=دايم عن دروب الهدى مبعدينه
واعلام يبث بلا رقيبٍ وحسبان=عبر الفضاء لعقولنا مرسلينه
وايضا الفراغ اكبر مصيبه اذا كان=ماله عن الزلات ناسٍ تعينه
وغياب دور المسجد وهدي قرآن=اللي سقانا من منابع معينه
وان ماوقفنا بحزم وقفات شجعان=في وجه ناسٍ دينهم بايعينه
وبالبر والتقوى نتعاون والاحسان=وشبابنا نحصن حياته بدينه
وختامها صلوا على نسل عدنان=ياسامعين القيل ياحاضرينه

[داعي الشوق]

و صح لسآآآآنك

[الـزلـزال]

سعيد الحويطي
قصيده رائعه ومميزه وهادفه
من شاعر رائع ومتميز في كل مايقدمه
أبدعت شاعرنا في تطرقك لهذة القضيه
والله يحمينا منها ويحفظنا
صح لسانك ملايين ملايين
ولك فائق تحياتي وتقديري

[منيع]

ابيات
رائعه
وهادفة
بارك الله فيكم
وشكرا على هذا التميز في الطرح
تحياتي لكم

[عدنان كريزم]

صح لسانك ولا هنت يالغالي

[الطائر المهاجر]

ابدعت بهذه الباسقه
صح لسانك
ودام ابداعك
تقبل اطيب تحياتي

[نجم الإبداع]

اللهم صل على محمد

وصح لسانك ياسعيد على المصافحه الطيبه

لاهنت

تقبل مروري

وتقديري

[حي الضمير]

صح لسانك
قصيده رائعه وابدعت
أجزل التحايا والاحترام

[المفرنك]

اكثر من رائعه وهادفه
من شاعر يحمل المسؤليه ويوضف الشعر في محله
شكرا جزيلا
تحياتي

[سناعيس]

الشاعر سعيد الحويطي
صح لسانك وبيض الله وجهك
على هذه الاجتماعية الرائعه
لاهنت


تحياتي