ذا نجـم ..هذا السعودي

[الطائر المهاجر]

ذا نجـم ولا بارقـات الرعــودِ = والا شهابٍ محـرقٍ كل وجـاس
اشـوف يوضي مستمر بصعـودِ = ما هاب في دربه من الجن والناس
ولا خاف من عاذل ولا من حسودي = فطويق ما هزه عواصف ونسناس
هذا رفيع الشان هذا السعودي= رمز الكـرم والمرجلة طيـر قرناس
فخر العرب واصل العرب بالوجودي= درع العقيده عزها الركن والساس
حامي حمى الإسلام ضد اليهـودي = ومن سولت نفسه على كل الاجناس
اصل الحضارة من قـديم العهـودي = يشهد له التاريخ ماهوب هوجاس
ومن يخطي التقديـر فيه الشهودي= يسأل صحارينا عن قبور الادنـاس
ومن يستغـل لطيبنـا في برودي = للصبر حد كان ظلمك من خسـاس
ومن مد يدّه صادقٍ بالوعــودي = حنا نحشمه دام للخيـر غـراس
يـادارنا حنّـا رجـال العهـودي= نفدياك بالارواح مايلحقـك باس
نخضـع لأمرك دايمٍ لك جنـودي= ولغيرك فلا والله يخضع له الـراس
إلا سجــودٍ للطيـف الــودودي= رب خلقنـا دوم للـدين حـراس
ولا من انتخيتي انتخيتي اسـودي = قبايـلٍ تاريخهـا رفـع الاقـواس
وان دندنت ابواقهم بالجحــودي = حنا رجال الجد للحرب مقبـاس
يا عزوتي يا تاج راسي عضـودي = الــدار تبغي منّكم كل نومـاس
تبـي رجــالٍ واثبه كالفهـودي = في دين في عقلٍ من العلم لبّـاس
يتجنب الـزلات يبـذل جهــودي = كـلٍ بدربـه بـاذلٍ كـل الانفاس
لاجل الوطن نعمل نغيض الحقودي = من قال ما نقـدر بليّـاه نحتـاس
ولاجل الوطن ندرس علوم تفـودي= في يوم نستغني عن الغرب الانجاس
لك يا وطن حق وعلينا السـدودي = ومن لا يسد الدين للحق بخّـاس

[منيع]

جزل ومبدع
ودام عزك ياوطن
شكرا لك
تحياتي

[داعي الشوق]

ولاجـل الوطـن نـدرس عـلـوم تـفـودي
في يوم نستغني عن الغرب الانجاس

صح لسانك وحالك وفكرك
ابداع جزل ياشاعر العثمانيات

عوايدك ولاهنت

[الطامي]

حلو ملايين
صح السانك يادكتور
مبدع كعادتك
ولاهنت

[الطائر المهاجر]

شكرا الطامي
على كريم المتابعه
لاهنت
تحياتي

[الراقي]

صح السانكـ واعتلى شانكـ
ودامت الجزالة

[بنت النور]

ابدعت واتقنت
صح لسانك وعتلى شانك
لاهنت
تقديري لسموك

[الطائر المهاجر]

شكرا منيع
على كريم المتابعه
لاهنت
تحياتي

[الطائر المهاجر]

شكرا داعي الشوق
على كريم المتابعه
لاهنت
تحياتي

[الطائر المهاجر]

شكرا بنت النور
على كريم المتابعه
لاهنتي
تحياتي