الشايب حمدان والبنت اللي تحرشت فيه

[داعي الشوق]

قصة الشايب حمدان والبنت اللي تحرشة فيه

بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن بها *ومشهور بين ربعه و يجلس مع الشيبان بعايرة القريه*

*.. و في نفس الديرة فيه بنت ذات جمال و معروفه بجمالها عند السكان * ..
قالت في نفسها *ليه ما اروح للشايب وامزح معه واضحكه شوي واشوف ردة فعله ..*


راحت له *و سلمت *كيف حالك يا شايب رد السلام والله بخير الله يعافيس*

وفجأه عطته ظهرها ومشت *

ولع الشايب من حركتها *و هاضت مشاعره *.. و قال

فيها ابيات يستعطفها .. *ان ما عطيتيني وجه لحقت باخوي حمود اللي في قبره *

يا بنت خوذي خاطري وارحميني
لا تجرحين العود بعيونك السـود*
غضي نظرك وغطي الوجنتينـي
لعل يومٍ جدد الجرح مـا يعـود*
يوم انتهى مع مرمسات السنينـي
جتني صواديفه على غير مقصود*
باول شهر عشره نهـار الثنينـي
حمدان مروا به على جنازة حمود*



البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل*

ردت عليه و قالت ..*


يا شايب الرحمن وينـك ووينـي
عزي لحالك قدمك الباب مسـدود*
قلبك عطوف وجاه قلـبٍ متينـي
والبنت ما تشفق على مغازل العود*
حبل الرجا مقطوع بينـك وبينـي
مثل الغليث اللي رعا قلبه الـدود*
اقفى شبابـك والعـرب مقبلينـي
يا عود ما يرجع من العمر مفقود*


حطمته يوم قالت له انك عود وان الشباب ما يرجع وان ما فيه امل تعطيه وجه
حس العود انه تورط و قال*


يا بنت صـدي بالعيـون الظليلـه
لا صد عنـك الله نهـار القيامـه*
مالي ومالك يالفـروع الطويلـه
لو فيك من رسم البـداوه علامـه*
يابنت مـا لـي بالثمانيـن حيلـه
اهدف كما تهدف على البير قامـه*
اقفى شبابي والدهر شفـت ميلـه
يالله حسـن الخاتمـه والسلامـه*
اعطيك موجز والبضاعـه قليلـه
واخذت لك من صافي الماء سنامه


و بعد مده فكر *الشايب *وقال بكتب لها ابيات
*ابين لها انها بتشيب مثلي واني معروف بالكرم و الطيب و الناس تنصاني *و ما ابي منها غير التقدير *..*


و قال :

يا بنت ما جاس الكبـر والخشونـه
وعادت شباب اليوم يجفل من الشيب*
ياسرع ما وبلـك تمـزع مزونـه
يالفاتنـه يـا ام الثمـان الرعابيـب*
يا بنت مـا بينـي وبينـك مهونـه
كلمة شرف نبي تحيـه وترحيـب*
الله مـن عـودٍ ثقيـلـه طنـونـه
ينصاه راع المشكلـه والمواجيـب*
على الكرم والديـن نفسـه حنونـه
تلقاه بالاجـواد شـرق وتغاريـب*





جهز الابيات وارسلها مع عجوز *

راحت العجوز وعطت البنت الورقه و قرت الابيات ثم قفلت على العجوز في غرفه وقالت مثل ما جيتي بابياته ترجعني بابياتي*

العجوز مسكينه قالت طلعيني ولا ابي منكم شي الله لا يعودكم انتم واوراقكم*

و كتبت له *..*



العود عود وطايحـاتٍ سنونـه
من كثر ما يرقد على جرة الذيب*
عودٍ مهرقل والعرب ما يبونـه
ياعود ما لك في طويل المراقيب*
اقفى شباب العود راحت حتونه
مثل اليتيم اللي بكا ما له مجيب*
جداه ينثر دمعـة ٍ مـن عيونـه
غريق موجٍ ما لقا له مقاضيـب*

-----------

*و سلامتكم**

[الطامي]

ههههههههههههههههههههههههههههه
داعي
شكرا لك على اتحافنا بها
لاهنت

[داعي الشوق]

لاهنت يا بو محمد

و مشكوور يالغالي

[بنت النور]

جميل ورائع لما اتحفتنا كروعة حضورك
تسلم أياديك على إختيارك الراقي
أبدعت وتألقت بإنتقاءك لهذا الطرح
تمنياتي لقلمك دوام التقدم و الإبداع المتواصل
تقبل مروري البسيط بمتصفحك الراقي

[سعيد عوده الحويطي]

ققصة رايعة وممتمعه والحمدلله اني ماتغزلت في بنت مثلها.

[حي الضمير]

ههههههه يعطيك العافيه ابوسعد
استمتعنا بالقصه والقصيده

[داعي الشوق]

المشاركة الأصلية كتبت بواسطة بنت النور

جميل ورائع لما اتحفتنا كروعة حضورك
تسلم أياديك على إختيارك الراقي
أبدعت وتألقت بإنتقاءك لهذا الطرح
تمنياتي لقلمك دوام التقدم و الإبداع المتواصل
تقبل مروري البسيط بمتصفحك الراقي

هلا بك بنت النور

و مشكوورة ع مرورك و كلماتك الجميله

تقديري لك

[داعي الشوق]

المشاركة الأصلية كتبت بواسطة سعيد عوده الحويطي

ققصة رايعة وممتمعه والحمدلله اني ماتغزلت في بنت مثلها.

هههههههه حلوه يا بو توفيق

و مشكوور ع المرور ولاهنت

[داعي الشوق]

المشاركة الأصلية كتبت بواسطة حي الضمير

ههههههه يعطيك العافيه ابوسعد
استمتعنا بالقصه والقصيده

يعافيك خالد

و لاهنت ع مرورك الغالي يا غالي

تحياتي لك

السلام عليكم ورحمة الله وبركاته
تحية الاسلام
كلماتك ... كزخات الأمطار ...
تتساقط على أرض العذوبة ...
تروي الوجدان بزخات الصدق البريء ...
فيغدو القلب منها حقلاً للمحبة ..
كلمات لها نعومة الندى ...
وعذوبته الصافية ...
يأتي حرفك العذب ..
ليصب في صحاري الإبداع المميزة ...
فتنهض من بين طياتها كل هذه الروعة ...
لروحك ولمشاعرك وردة غضة الغصن مني,,,
على هذا البوح والمشاعر المنطلقة عبر حرية القلم ..
وفكرك النير الذي نسج هذه العبارات الرائعة ..
وكم كنت بشوق لك ولحرفك اللامع النابض الناطق بالحق وللحق ...
دمت بألق وإبداع
الحاج لطفي الياسيني