قبلك اتعبت الركايب

[ماجد الزيد]

الله اكبر ياهي تضيق بي وساع الفجوج =لا طلبني قرم حاجة ولاهي في يدي
لو تصير الناس للناس ماضل معووج=يُعدل المايل ومن ضلّ يرجع يهتدي
ليتني يا راعي الطّيب حاكم في بروج=ما بقى بالقيد مظلوم ولا اخلّي ردي
والله آسدّ اللوازم وعنها ما أسوج =والثقيلة شلتها لوهي تْجيب جهدي
لو يسدّ المال نثّرت مالي بالمروج=والله انّه فدوه لصاحبي من مولدي
يالقرآبة يوم صكّت على الحاجة دروج=مالها بعد الله الا النوايف يابعدي
للطويلة نايف العزّ ماهي بالهروج =والله انّها بالنعايم وجاهك للجدي
قبلك اتعبت الركايب وهلّكت السروج= مالقيت لداعي الدّم من عرق ٍ ندي
انحر الحاشي وضيّر على دمه خلوج=والجزيرة جنّها رح لهم وانت تْعدي
قل لهم فيكم عجيّز تصيح ولا تلوج =ذخرها يا ذخرها من ورى الشّبك يْحدي
والله ان تلقى بهم ليث ما تلقى نعوج=يكسر القيد ويلبّي بعد نحر الهدي
يارفيقي ما تفيدك هك العطرا الغنوج=مابقى الا ذكرها وهذا انا في مسجدي
وش تقول بمن يحجّ البحر سبعة حجوج=مايرقّع حجته لو ذبح ميّة فدي

[حوريه]

والله آســــدّ الــلــوازم وعـنـهــا مــــا أســـــوج
والثقـيـلـة شلـتـهـا لـوهــي تْـجـيـب جـهــدي

كفو يا ماجد
صح لسانك واحساسك
على هالجميله الرائعه
تحيتي لك مع التقدير
0
0

[داعي الشوق]

صح لسانك مليوووووووووون يا بو حمد

و الشك زايل يالقرم

و عساك سالم

و صح لسانك مدد

ولاهنت

**************

[الراقي]

صح لسانك ملايين

قصيدة عالية المستوى والمعنى

دمت بهذا التواجد وهذه الاشراقة

سلِمت وسلِمَ بنآنك ..

تحياتي وتقديري

[عبدالله الشويمان]

صح السانك يا ابو حمد

نص فاخر كالعاده

دمت بخير ولا هنت

[حي الضمير]

ابدعت ابدعت حيل وقصيده شامخه من شاعر فريد
وملياااار صح لسانك شاعرنا الكبير مقاما وشعرا ماجد الزيد

[منيع]

كل الروعة والابداع
تحياتي لكم

صح لسانك

كفو يالذيب ويزهاك الفخر

تقبل مرروري وكل عام وانت بخير

[الطامي]

يارفيقي ما تفيدك هك العطـرا الغنـوج
مابقى الا ذكرها وهذا انا في مسجـدي
وش تقول بمن يحجّ البحر سبعة حجوج
مايرقّع حجتـه لـو ذبـح ميّـة فـدي
،،،،،،،،،،،،،،،،،،،،،،،،،،،
الزيد
صح السانك ملاييين ولايوفون حقك
دائم مبدع يامبدع
رائعة وهادفة لافض فوك اخي
شكرا لك

[عمر ال شيبي]

والله ولا اله الا هو
انك قدها وقدود
كفيت ووفيت

لا هنت ابد
وصح لسانك مليون وما يزيد