الامير أحمد يوجه بالاتصال بي بعد القصيده

[فهد حنس العتيبي]

عندما القيت هذه القصيده امام سيدي صاحب السموالملكي الامير أحمد بن عبد العزيز نائب وزير الداخليه رعاه الله وسمو ابنه الامير فيصل حفظه الله في مناسبه خاصه
وبعد القائي للقصيده وكلمت سموه في موضوع لي خاص وشائك وحساس .جدا , كان لتوجيه سموه الحبيب بالاتصال هاتفيا , بشخصي المتواضع بعد ساعات معدوده من القاء القصيده اكبر الاثر في نفسي
وما زال وسيبقى اثرآ , ايجابيا ماحييت , وبالنسبه للقصيده وبصرف النظر عن موضوعي فقد تفاعل معها سموه حيث كانت الجزئيه الاخيره منها وما صاحبها من تحاذير من الفئة الضاله في قالب شعري ,,,,,,,,,,,,,,,,,,والقصه طويله وموضوعي طويل اكتفي بايراد القصيده

على وضح النقاء صغت القصيد , وشرفوني به =وهــــجوسي بالمحافل والمواقف ما نشح ابها
نصوغ القاف من قـــاصي صميم القلب ونجيبه = وعلى صفحة شرف ربعي هل الطالات نكتبها
تجمعنا على عز وعلى قدر وعلى هـــــــــــيبه = وعلى كار, وعلى شـــار وعلى دار نعيش بها
على جمعه بلا طمعه بلاشك وبــــــــــــلا ريبه = تحت رآيـــــه هل العوجا , عسى الله مايخيبها
وقبيلتنا عتيبه ياهل الميقاف يـــــــــــــــــاعتيبه = ياحي اسم يشوش خاطر الــــــــــلابه ويطربها
انا ما انلام في مدح القبيله يوم امــــــــــــاريبه = اماريبه واجاري به , هل الزوده وأزود ,ابها
عسى من لامنـــــــــي في حبها ما ينفعه صيبه= خسيتي يارجال حـــــــــــــــزة الوقفه اتجنبها
وألا يـامرحبا في مرحبا مليــــــــــــار ترحيبه = انيابه عن شباب عتيبه الــــــــــــهيلا وشايبها
نرحب في مقام اللي حموا, نجد وحموا طيبه = حموها ,,,,,واحتموها وامنوها من مصايبها
ملوك تدرك الطالات والمـــــــــاجوب تحريبه = املوك بيضوا وجه العرب من طيب مذهبها
املوك منــــــــــهج القرآن تحكم به وتمشي به = املوك مقتضى سنة ( محمد ) تستعز ابها
املوك في البلد نصـــبح ( ببارقهم ) ونمسي به = املوك من غلاهم نرخص الانفس ونجلبها
املوك حبهم في القلب ياحـــــــــــلوه وياطيبه = املوك ,,,,,,, ودهم بالروح شاربنا وشاربها
املوك عدوا ,,,,,,,, بسمعة بلدنا في مراقيبه = املوك في لحاها , الطايلات وفي شواربها
املوك فكوا اللاجي بعد هـــــــجر وبعد غيبه = وبعد هم وبعد غم وبعد غربه يعود ابها
املوك فرجوا له ,,,,,, من بلاه ومن كلاليبه = تهني ياعيون ما ايست من شوف غايبها
ترى مال المواطن عن سندكم يامـــــــعازيبه = سندنا في وطنا عن , لضا , بقعا ولاهبها
ومادام ان المليك اللي عسى الايــــام تبطي به = ماتنضام البلد مـــــــــادام ابو متعب امعزبها
امام المسلمين الرأي له , والشار يسخي به = في كلتا ,,الارض رايه بين مشرقها ومغربها
وولي العهد راع الطيب والنوماس ضـــاريبه = ابو خالد تـــــــــــــعلا من على عالي مراقبها
ارحب في مقامه سيدي وافخر وامـــــاريبه = مقامه يطلق اوجيه ( المعول ) مــــايعذربها
ولاننسا , زعيم العاصمه والطيب من طيبه = تجي غر البيوت لطيب راع الطيب ما أغصبها
هذا سلمان ابن عبد العزيز ادروبه اصعيبه = ياصعب ادروب اخو نوره على الرديان ما اصعبها
هذا سلمان لاصاح الضعيف وجاك باللي به = يرد الحق , واهل البطش( يرهقها ) ويرعبها
نهيم بحب ,,,, سادات البلاد ومنبع الهيبه = محـــــــــــبه يامنشرة ,,,,المحابر ما نقلبها
نحب الدار واهل الدار واللي بار , ياعيبه = حذاري من هـــل التنظيم وانحش لاتقربها
ترى من لا حما في موطنه يالبيض ردي به = هذا وقت الحمايا ,,,,, ياهل الطاله ومطلبها
وترى والله لـــــــو درنا , بعالمنا واجانيبه = فلا نلقى مثل حكام موطنا نطول ابها
وترى حب الوطن واجب على الشبان والشيبه = وانا من لابـــــــــــة طاعة ولي الامر واجبها
ترى حب الوطن عز وترى غدر الوطن خيبه = وغدرها التاجر اللي يركب الفتنه ويشعبها
يحسب الدين قتل النفس هرجه يوم يهذيبه = وهو في جوف غار ما يحسب وش عواقبها
يشب النار واهل الدار هذا العار تدريبه = يلاعب في عواطف سائر الامه ويندبها
وراء ,, ما شبها في تل ابيب وفي تلابيبه = اليا كانت شجاعة راعي العوجاء يحس ابها
يقول المصطفى بآخر زمان الناس تغريبه = وترى هذي هي الفتنه عسى ربي يغيبها
عسى ربـــــي يحفظ الدين ويصفي مشاريبه = وعسى الله يحفظه من دبرة الاشرار وأخطبها
يقوله من يحكم القاف من فكره ومن جيبه = واليا مـــــــدوا , له اليمنى النشاما , مايعقبها

[الطامي]

فهد بن حنس
صح السانك ملايين
وانت تقول وهم يستاهلون
حفظ الله بلاد المسلمين من كل شر
وكل من به شر
لاهنت اخي

[محمد عبدالله البدراني]

العزيز الغالي فهد بن حنس سلمه الله


الف مليون صح السانك وعلا شانك


بيض الله وجهك



وقصيدة فيمن يستحق ولاغرابه


يقوله من يحكم القاف مـن فكـره ومـن جيبـه
واليا مدوا , لـه اليمنـى النشامـا , مايعقبهـا



كفو كفو كفو يافهد



تحياتي وتقديري

[صعبة المنال]

صح لسانك

ابداع

صعووب

[جلال ابراهيم الصبيح]

صح لسانك يا أستاذ (فهد بن حنس) على الأبيات الجزلة والتي تدل على

جزالة صاحبها...سيدي...أحسنت الوصف وانتقاء الكلمات...وكم معانيك جميلة...

أسجل إعجابي هنا...دمت بخير.


جلال إبراهيم الصبيح

[الأموره]

صح لسانك

سلمت و سلم فكرك

شكرا لك

دمت برعاية الخالق

[زهرة اللوتس]

الشارع فهد بن حنس
سلمت وسلم منطوقك
جزلة من شاعر جزل
مصافحة راقية
لاهنت وبيض الله وجهك
ولك مني
اطيب تحية



زهرة

[نجم الإبداع]

الله الله

صح لسانك يافهد

قصيده وافيه من وافي

ابدعت ياشاعر

لاهنت

تقبلي مروري

وتقديري

[داعي الشوق]

صح لسانك يالشاعر فهد

وافي يا فهد وافي

قصيدة جزلة

و الوطن غالي

لاهنت يالقرم

وصح لسانك مدد بلا عدد

تحيتي لك مع التقدير

،،،،،،،،،،،،،

[سناعيس]

صح لسانك يافهد
وبيض الله وجهك
قصيدة تجبر المتلقي التفاعل معها
لاهنت


تحياتي