ياسهيل

[الطائر المهاجر]

ياسهيل ظهر العود من جلسته مال= ولا قام يمشي ماقطع له مسافه
مثل الخناجر باسفله تشعل اشعال = مغير يحدب خايف من عسافه

[سناعيس]

آسف على هالمداخله
بس جازلي الطاروق وقلت هالبيتن
وبانتظار الغائب الحاضر سنايدي سهيل
وأن بصفه بالتأكيد
بيض الله وجيهكم
شاعرين لطالما أمتعانا الطائر المهاجر + سهيل

العود لامنه تفاءل بهالفال=كثرت تخاريفه وقرب لحافه
والا انت ياعثمان قرم ورجال= وتوك صغير ولاهنا ما تخافه

[الطائر المهاجر]

سهيل كان موجود عندما كتبت البيتين ، ولكن ظروفه هالأيام صعبة
ويمكن تعرفها من خلال قصيدته الأخيرة. وفي الفطاحل مثلما انت خابر
الواحد يسد مسد الآخر

سنعوس ما ظنيت حاسد ونضال = لكن ابي يقرا علي بلطافه
ان كانني عودت فالعمر لو طال = يومٍ يجي الرجال ياقف شغافه

[سناعيس]

هذا الأكيد ولابها شك وجدال=لكن يجي أحيان خطو اللقافه
واللي يخاف من الحيايا والأدغال=يرعبه حبل وينخدع بالتفافه

الله الله
عليك
العود
ابدع
وسناعيس
قدها

صحت قلوبكم جميع

متابع

[الطائر المهاجر]

نرجع إلى الموضوع ياعود الاجيال= لاتحسبنك معرس في زفافه
عود وبطنك رابطه دوم بحبال = ومشيك مثل هرش تناسع خفافه

[سناعيس]

عدنا
والله يعين

يازين وصفك لك وفي كل الأحوال=لاتحاول تصرف أمورك صرافه
لاجيت تمشي مشيتك تعصل اعصال=وكنك تشيل من العنا لك لفافه

[سناعيس]

الأخ العزيز عقاب النهار
متابعتك شرف واضافة والله الله خلك بصفي وانا أخوك

لاهنت يالغالي

تحياتي