ليلة 2 مارس

[الطائر المهاجر]

سعود الحافي=
مبروك يامنصور والفين مبروك = بالعز دايم والهناء والسعادة
فلاح=
الله يستر لايجي يرقص الروك = باين يلا جاء هزته وارتعاده
سعود=
منصور له منطق مع الشعر واسلوك = يفرق على كل الاشده شداده
فلاح=
بلاك ماتعرفه مثلي وانا اخوك = صاير علينا كنه ابو قتاده
صنداح=
ياسعود يالو انهم عاد رقوك = والطايرة مالك وراها فيادة
سعود=
مالي بها ياخوك لو كان حطوك = إني لا آباركلك بزود وزياده
فلاح=
ياصاحبي صنداح لو هم تخطوك= تراك مثل البدر واجمل زياده
سعود=
صنداح يستاهل على الاسم سموك = تصدح مع القيفان هذي شهاده
صنداح=
فلاح بن منشار هم كيف شافوك = ياعنك مالقيو وراكم رشادة
فلاح=
حاسب على صنداح لايكسر الهوك= طالع طلوع السيل مابه ركاده
فلاح=
ماشي بسرعه متجه ضني اتبوك= والرمي فاتر مايولع زناده
صنداح=
العلم لن كان الرياجيل غطوك = وانت وبلا منصب ولا لك سياده
سعود=
صنداح ما تسمع عن اللي ينادوك = فلاح متجهز وراعي قياده
فلاح=
اية رجال الي بسرعه تعدوك = انا لحالي ومركزي بالرياده
صنداح=
ياسعود يوم اهلك على القرم سموك = شعب الجزيرة ويش طول امتداده
فلاح=
مالي من الي بالخيالات عبوك= وش فايدة من طمعك وانتقاده
صنداح=
فلاح انا ماعلم بهم كيف خموك = وانا خبرك دايم طريح الوساده
فلاح=
تعال دام انك مع العود مدهوك= اشيخك في منتدى له عماده
سعود=
المسأله ما هيب بالكم يا خوك = المساله بالكيف والكيف عاده
فلاح=
الي بنار الحقد ياصاح شبوك = نيرانهم لاشك تصبح رماده
صنداح=
صحيح انا ياسعودمافرغ الموك = والمال ماني راين في نفاده
فلاح=
الي على هقواتهم كيف مشوك = وانا اخبرك تتبع لتاريخ زاده
صنداح=
حبوك مدري من لجل ليش حبوك = فلاح ماني طامعن بك فياده
فلاح=
ياسعود خل العود صنداح مشبوك = وان راح باسوي عليه استعاده
سعود=
ماقد جمعت المال بحساب وبنوك = ولا أحط مالي تحت راسي وساده
فلاح=
كلن على حاله سرى اليوم مهلوك = واحد يدور مال والبعض ساده
صنداح=
يبي يسرونك ولكن ضروك = باللي عيونه مثل عين الجراده
فلاح=
الي نهار الحرب عني يسلوك = ماهندهم لك يوم توقع شهاده
صنداح=
ياسعود لاتسري ترى الباب مصكوك = وطبع المقرد قادهم للراده
فلاح=
الي بطرف اعيونهم يوم عنوك = واصبحت خلف افكارهم والعياده
صنداح=
حوف المهاجر ذقنته كنها الشوك = وحقق مناه العود ويامراده
فلاح=
سمعتهم يوم انهم كذب منوك= وانزوك بين اهوال فيها جلاده
سعود=
ما نيب ساري وانت تكتب من البوك = حيث الشعر يطرب وتعرف بعاده
صنداح=
الله وانا اساله يخليك لابوك = وتجلس محل العود على شداده
فلاح=
الله يرحم من على الجود ربوك = وراك تخلف دربهم وارتداده
صنداح=
فلاح بن منشار مانت بمبروك = ليش الخطاء هذا وليش اعتماده
سعود=
فلاح وشب الشيخ صنداح مربوك = كن السهر متعب عيونه زياده
فلاح=
الي ليامن جيتهم جو وردوك = خلك وراهم وانتظر للزهاده
مشكور ياصنداح والناس يشروك= وسعود قدره فوق تشهد بلاده

[الطامي]

سعود × فلاح × صنداح
الله يبارك لكم جميع
لاهنتو وصح السنتكم
وشكرا لكم
وابشرو باللي يسركم

اضحك الله سنكم

صح لسانكم جميع

[اصيل]

كتبت فأمتعت
شكراً لك
تحياتي

[اصيل]

احسنت
ولاهنت
تحياتي

[اصيل]

كتبت فأمتعت
شكراً لك
تحياتي

[الهميم]

كتبت فأمتعت
شكراً لك
تحياتي

[المورد]

مشكور
على ما افدتنا به
تحياتي

[البديعي]

شكرا لك
على الجهد الطيب
تحياتي

[خميس]

بارك الله فيك
كتبت فقرأت فاستفدنا
تحياتي واحترامي