موال وبيتين

[ماجد الراشد الهيري]

قد تكون مشاركه لاجل الفائده منكم
موال وبيتين

الساحــــه اللي بالقصايد تعبى
والشعر فيها بين مدح ومسبى
مثل الذي حط الجبن بالمربى
واللي عقد روس الحبال يحلها

سلام مني عد ماطارت الطير
بوضح النهار باغيه للسبوقي


قم ياعميل الخير عطني تفاسير
لا كثّر الله بالمواصل حقوقي

اخوكم
ماجد الراشد

[الطائر المهاجر]

ياسلام يا ماجد
انا مالي بالمواويل والمحاوره طقها والحقها
لذلك ننتظر حتى يجون الربع اللي يضبطونها
صح لسانك
ولا هنت
تحياتي

[ماجد الراشد الهيري]

مشكور اخوي الطار المهاجر وانا بعد مالي بالمحاوره كثير بس ابستفيد والله وتعلم هالطرق الجميل
من كبار الشعراء

[الطائر المهاجر]

بدون موال

عليك مني مثلها ماجد الخير =ولاني على بعض المحاور شفوقي
لكن مع اللي من رجالٍ مناعير = اللعب يحلا لو تراول طروقي

[ماجد الراشد الهيري]

لي الشرف بحضور شيخ المعايير =وانته على شعرك اميرن بذوقي
اللعب هذا مع وجيه(ن) مسافير =لو عشتها ياخــوك برقا وروقي

[صنداح الزلامى]

ياراشد الماجد عسى الله يحييك

نسمع كلامك و ان تتبع قوافيك

وان كان وضع الشعر ماهوب مرضيك

هذا الصحيح وقولو اللي تقولون

يامرحبا ترحبة وضعها غير=فيها يزين الشعر ويزيد شوقي
والعلم واضح مايبي كثر تفكير= الشعر جوه معلقين الطروقي

[ماجد الراشد الهيري]

الشعر عندي ياعميلي من العام
وانا أشوفه من مشاريع صدام
كله حروب وحفر في وسط الالغام
هذا الصيحيح وقولوا اللي تقولون

يامرحبا يالزلامي وكل تقدير == معكم انا مالي بها لو تشوقي

العلم ودي اعرف العلم واسير==واحثها واوسم بها كل نوقي

[داعي الشوق]

صح لسااانكم شعارنا المبدعين

متابع لكم

و لاهنتوا

***********

[الطامي]

اهلا بالجميع
صح الاسنتكم
موال وقافية طيبه
لاهنتو جميعاً

[صنداح الزلامى]

انته صحيح انك من العصر الاول

كبير وفى المواقف تهول

قبل الجنان وقبل عصر التحول

هذا الصحيح وقولو اللي تقولون

ياماجد انت مثل ضلع النير = والكحل بالعينين مسحوقي
لكن لاتاخذ طبوع الطير = وتصير طير صغير وتقوقي