اناسعودي وافتخر وارفع الراس

[مشعل التريباني]

بسم الله الرحمن الرحيم

(( انا سعودي ))

(1) انا سعودي وافتخر وارفع الــــراس =في كلمة التوحيد يرفع علمنـــــــاء
(2) دار السعود اللي لهم تخضع النــاس = في ضلهم كل الدول تحترمنـــــــاء
(3) نسل الزعيم الفيصلي طيّـب الساس =اللي بتطبيق الشريعه حكمنـــــــــاء
(4) بيّن معالمها على قــــــــب الافراس =وعم الامان الدار يوم استلمنــــــاء
(5) من بعد ماكنا حزابات واجنـــــــاس = شتّا قلوبٍ والجهل يقتحمنـــــــــــاء
(6) لملم شتات المملكه عقب الايـــــاس = وعلى التسامح قادنا واستقمنـــــــاء
(7) اسس لنا دوله توثـّق علـــــــى ساس =جمع القلوب ولاتفرّق حزمنـــــــاء
(8) صليب راسٍ بالمهمات مقبــــــــاس =اناشهد ان الله بحكمه رحمنـــــــــاء
(9) عم الامان بدارنا وارتفــــــــع راس =وفي ضل عبدالله وسلطان نمنــــاء
(10) نرقد بضل اخوان نوره بلا بــــاس = في ضلهم نرتع وكلٍ حشمنـــــــاء
(11) نرقد هيت في ضل لبّاست الطــاس =والى زما العايل على طول زمناء
(12) من فضل ربٍ خالقٍ كل الاجنـــاس = لعل رب البيت يحفظ نعمنــــــــاء
(13) حنّا جسد واحد وابو متعب الـــراس =ونفخر بخدمة راسنا يازهمنـــــاء
(14) مانطاوع الحاسد ولا نطيع بــــلاّس =وفي سوق معهم مانبيّع ذممنـــــاء
(15) مانستمع لهل التطرف والانجــــاس =والغدر ماهو من مبادي شيمنــــاء
(16) نبقا لحكام الوطن دوم حــــــــــراس = والمعتدي ناطاعليه بقدمنـــــــــاء
(17) ياللي تبيع النفس في سوق الافــلاس =كم عايلاً قبلك لخشمه خزمنــــاء
(18) لا للتطرّف ياعديمين الاحســــــــاس =لوتدفعون اموالكم مانقسمنــــــاء
(19) خدمتو العدوان في شيل الاكبــــــاس =يامحرقين الروح حنا فهمنـــــــاء
(20) انتم مساكينٍ تبنّوكـــــم اخســـــــــاس =وحنا لموضوع المعادي حسمناء
(21) اصحو من الكابوس يذنـــاب الادناس =تبون عدوان العرب تلتهمنــــــاء
(22) ياهل العقول اللي بالادران غطــــاس =تخسى يديكم ماتنجّس حرمنــــاء
(23) اشبال حنّا ماتخوّفنا الابســــــــــــاس = ماتنثني وقت اللوازم هممنـــــــاء

الشاعر \مشعل عسام التريباني الشمري

[الطائر المهاجر]

هلا بك اخي الكريم مشعل
في محلك وبين اخواتك واخواتك
شكرا لإنضمامك للفطاحله
سعدنا بتواجدك
صح لسانك على هذه المصافحه الرائعه
لاهنت
ارجو مراجعة هذين الموضوعين لتتعرف علينا ولنتعرف عليك ولتتعرف على التعليمات
http://www.fatahilah.com/showthread.php?t=140
http://www.fatahilah.com/showthread.php?t=1969
مع أطيب تحياتي

[ساهر الليل]

صح لسانك يا مشعل وطاب فالك
قصيده رائعه بروعة انضمامك لكوكبة الفطاحله
نرحب فيك ونهلي بك وياهلا بك ياجزل
تقبل مروري وتقديري

[داعي الشوق]

يا مرحبا يا مشعل

و حياك الله بالفطاحل

نورت المكان بحضورك و مصافحتك الجزله

ولا تحرمنا جديدك

و صح لسااانك و اعتلا شانك يالشاعر

ويا هلا بك

[هترل]

حياك اخوي مشعل نورة المنتدى
وصح لسانك مصافحه جزله لاهنت
تقبل مروري

ودي ,,

[مشعل التريباني]

رد: اناسعودي وافتخر وارفع الراس

هلا بك اخي الكريم مشعل
في محلك وبين اخواتك واخواتك
شكرا لإنضمامك للفطاحله
سعدنا بتواجدك
صح لسانك على هذه المصافحه الرائعه
لاهنت
ارجو مراجعة هذين الموضوعين لتتعرف علينا ولنتعرف عليك ولتتعرف على التعليمات
http://www.fatahilah.com/showthread.php?t=140
http://www.fatahilah.com/showthread.php?t=1969

اخوي الطائر المهاجر
شكرالك على المرور وشكرالك على الاستقبال
بيض الله وجهك اخي الفاضل الله لايهينك وان شالله
اني عند حسن الضن باذن الله تعالى

[مشعل التريباني]

صح لسانك يا مشعل وطاب فالك
قصيده رائعه بروعة انضمامك لكوكبة الفطاحله
نرحب فيك ونهلي بك وياهلا بك ياجزل
تقبل مروري وتقديري
اخوي ساري الليل
مرورك شرف لي الله لايهينك
شكرالك على الاستقبال

[الراقي]

صح لسانك مدد بلا عدد وبيض الله وجهك يامبدع

دمت ودام لنا حضورك وابداعك .

تحيتي وتقديري لك .

.
.

[مشعل التريباني]

يا مرحبا يا مشعل

و حياك الله بالفطاحل

نورت المكان بحضورك و مصافحتك الجزله

ولا تحرمنا جديدك

و صح لسااانك و اعتلا شانك يالشاعر

ويا هلا بك

اخوي داعي الشوق
مرورك شرف لي الله لايهينك

[مشعل التريباني]

حياك اخوي مشعل نورة المنتدى
وصح لسانك مصافحه جزله لاهنت
تقبل مروري

ودي ,,
اخوي هترل ل
مرورك شرف لي الله لايهينك