مرحبا به بعيد ومرحبا به قريب؟؟؟؟؟؟؟

[الطامي]

مرحبا به بعيد ومرحبا به قريب = ياغزالٍ صلاة العصر قابلتناه
ليت سني وقم سنه وانا له حبيب = وان بغيته حليله قال انت المناه
صارللقلب عوق وصارلي الطبيب = مثل من يقتل الميت ويمشي وراه
ان دبرته يروح القلب مني ذهيب = وان نطحته اشوف الطلع مانش ماه
صرت مثل الذي بالعين شاف الطليب = لاسلاحٍ ولا محجىً يجي في تقاه
واجهه باليدين وباع نفسه غصيب = ياتجي له ولا يحكى عليه بقفاه
شفتها صدفةٍ مرة بوسط الشعيب = ولاعرفت الوسوم شلون ابحث عناه
اتردد بدربه مثل وصف الدبيب = اتردد لعلي زيد اشوفه معاه
حض من يلتقي به في غياب الرقيب = ساعة مادرو عنه جميع قرباه
يرتشف ذبلٍ تطفي شبوب اللهيب = والقلوب لبعضها دوم مامن جفاه
فوق متنه غياهب ليل مثل السبيب = وقذلة لانسفها من جبينه كذاااه
ذي قليلٍ من وصوف عجب ياعجيب = يالله انك بسترك تستره وتحماه

[نجم الإبداع]

وتحمــــــــــــــــــــــ صح لسانك مليون ــــــــــــــــــااااه

رائعه

مودتي

[الطائر المهاجر]

يا اخضر القلب وش بك مارعيت الحسيب=تارك ابليس يركض وانت تركض وراه


كتبت فأبدعت واجزلت
صح لسانك ولا هنت
تحياتي الطيبة

[كظيم]

اللـّـه يخـارجنــا

الطــامــي
صح لســـانك وفكــرك وكلك
لك طبعك الخـاص في مداعبة الحروف
هنـا وجدت نص جزل ووافي مختلف
فيه السبك والحب والتصوير العذب
اكتبت .. ابدعت يالغــلا
تقبل مروري المتواضع لاهنت
ودي وتقديري

[الطامي]

فلاح
صح بدنك
وشكرا لمرورك
لاهنت اخي

[الطامي]

الطائر
صح بدنك
وشكرا لمرورك ولبيتك الشعر ي
تعلمنا منك ،،،هههههههههههههههه
لاهنت دكتور

[الطامي]

الوقيدي
صح بدنك
وشكرا لمرورك وتعليقك الأجنل
لاهنت اخي وما عليك زود
نحن تلامذتكم ومنكم نتعلم
شكرا لك

[عبدالعزيز العمار]

الطامي

صح لسانك وجاد بيانك

جزله من راس جزل ولاهنت

تحياتي وتقديري

[النداويه]

صح السانك وعلا شانك


قصيده جميله

[عمر ال شيبي]

صح لسانك مبدع من يومك يا جزل