عـــــفــــن الــــمــــذاهــب

شجاع عمر الأكلبي · 20-10-2008, 02:15 PM

للحفظ

أنا أطيب منك في كل المذاهب=وأنا الجمّال وأنت من المزاهب
مادام إن نيّتك دنيا ودنيّة=وتقذفني قفا بحمر المشاهب
وهمّك يالردي رأي البنيّة=عسى زولك لها بالحيل شاهب
وعند الغير دايم تنتقصني=فعرفك للمراجل علم راهب
فلا بيني ولا بينك تشابه=فرقنا واحد ٍ للخير واهب
أنا في قمّة ٍ مثلك تكوده=طريقك صوب قاع الذل ذاهب
لقيت اللي يعرفك مايحبّك=لقوا لك في الردا فن ومواهب
وتوخر لابدا الضيف وتتقى=وفي الملفى مع الضيفان زاهب
أنا أحذرك تبعد عن طريقي=قبل غيضي يلوعك منه لاهب
ترى مثلك صداقتهم مذلّة=وقربك نقص ياعفن المذاهب

ابومياس · 20-10-2008, 02:24 PM

شاعرنا القدير

كم هو جميل ان يزور الانسان مكان ويرتاح به

وانا هنا اعلن الراحه التامه في جنبات متصفحك الفاخر

الذي يحوي جزل الحروف وجميل المعاني

صح لسانك وبيض الله وجهك لين ترضى

تحياتي واعجابي

دمت بخير

سناعيس · 20-10-2008, 02:29 PM

الشاعر شجاع الاكلبي
صح لسانك يالجزل
وهذا لا يمنع أن اذكرك اخي الغالي
بأنه يمنع الهجاء منعا باتا
وفيما يبدو انها خاصه فأنا لا ارى وجودها في قسم الهمس
ضروريا الى الحد الذي يقرأها من لاتهمه

آمل ملاحظة ذلك
مع الشكر الجزيل على تعاونك معنا

تحياتي