من يسد بغيبتك

[سعيّد العمودي]

من يسد بغيبتك ياهي مريره=ان تفقدت الزوايا مالقيتك
ما خبر نفسي تعاتبني كسيره=لين في ليلي تعنيّت وسريتك
صرت انام الحزن وعيوني سهيره =رغم هذا بالمتاهات احتريتك
موحشه دنياي واحلامي فقيره=والله اني في غيابك مانسيتك
كل لحظه تفتح الاوهام سيره=في خيالي شلت خفاقي وجيتك
انتهت دنياي وايامي قصيره=ليه ماتسمع حنيني لا دعيتك
مندفع قبل الامل يلقى مصيره=بعت عمري للمواجع واشتريتك
ان بكيت اقول ياعيني كبيره=وان ذكرتك قلت ياكلي فديتك
والغلا مجنون وذنوبه كثيره=احتواني موطنه لين احتويتك
ليش اعبر والعنا عبّر اثيره=تتعب الابيات وانا ماحكيتك
لكن الايام ماتخلف مسيره=كم طريقٍ ضلني لين اهتديتك
والنهايه موجعه مره مريره=والحقيقه ضقت لكن مابكيتك

[داعي الشوق]

صح لساااااااااااانك مليووووووووووون يا سعيّد

و يا هلا بك و مرحبا

معاني جميله و معبره و جزله

و حضور رائع

ابدعت يالشاعر ولاهنت

مع تحياتي لك

[الراقي]

صح بوحك و دام نزف قلمك وهتانك

روائع نسجت بحرفة شاعر يرتقي بالكلمة

ابدعـــت بكل ما صغت من بدع

كُل الْتَّقْدِيْر وَالاحْتِرَام

صح لسانك ياسعيد ،، ودمت بألف خير

تحياتي

[الطامي]

العمودي
صح السانك وصوتك
رائعة وخلفية مميزه لافض فوك اخي
شكرا لك

[وليدالبسطي]

الله الله الله

ياسعيد ابداع

مختلف

صح لسانك وعتلا شانك

لاهنت

[عبدالله الشويمان]

صح السانك يا اخ سعيد..

نص راقي لا هنت

دمت بخير وصحه وسلامه

[منيع]

ياسلام
مبدع وجميل
دمت مودا
تحياتي

[نهير النمش]

الله الله ومن يسد بغيبة سعيد العمودي لو غاب لاسمح الله

ياعسى مانفقد وجودك ايه الشاعر الجزل الشامخ وذكرك الطيب

صح قلبك وسلم فكرك الشاعري الراقي وشكراً على جمال الشعر

تقبل كل الود

[سعيّد العمودي]

المشاركة الأصلية كتبت بواسطة داعي الشوق

صح لساااااااااااانك مليووووووووووون يا سعيّد

و يا هلا بك و مرحبا

معاني جميله و معبره و جزله

و حضور رائع

ابدعت يالشاعر ولاهنت

مع تحياتي لك

اسعد بحضورك الغالي