شعاع الشمس

[سمّار]

شعاع الشمس رِفقاً بي وبالطيبه=انا عاري صدر جيتك, وش التالي
الا كم لعتْ صدري ما انتْ داري به=ولا غيرك درا عني , وانا غالي
ولا يطري عليّ اشكي لواهيبه=( ولا يمكن تذاع اسرار لامثالي)
عمود الخيمه يا حوله طوانيبه= ولو يهتَّز تتقطع به حبالي
وانا رجّال مثلي عَزّ ترهيبه= يداوي نتق جرحْ بجمر مشعالي
يوّن القلب من كثرة عواذيبه=جروحه تنزف بجوفي وتنهالي
ولا ابديها وياهي والله تعيبه =خِباها صدر كل ضلوعه نحالي
تشوف النمر لمّا يكتم نحيبه= ترى من عزَته يكتم وش يصالي
وذاك الصقر حين يونّ من صيبه= يطير ابعيد والا يسجّ في العالي
شعاع الشمس وإنك آيه عجيبه=انا غنيت بك طرقي وموالي
فمن لطفك نشأ طيفك بتركيبه=عبرت القطر واتكسّرت يا اللالي
تشكّل قوس شقّ الافْق له هيبه=بسبعة الوان هذا ابداع وخيالي
وهامت بك عيونٌ كلها رِيبه=ومن روعتك صاير مضرب امثالي
اذا كلْ لون له عشاق حبيّبه=عشاشيقك كثار وفيهم احوالي
شعاع الشمس لو بتغيبها غيبه=عليهم لحظة ابغيبتك بـ/ ليالي
ولا عزوى بليل الهم سوى ذيبه=عواه يونّس العشاق ويسالي
شعاع الشمس رغم الرفق والطيبه=اباغطي عرا صدري وش التالي

[الـزلـزال]

سمّار

نص رائع وجميل
من شاعر رائع ومميز في كل حروف شعره
أبدعت وأمتعت شاعرنا سلمك الله
دمت بخير ودام حرفك
صح لسانك ملايين ملايين
ولك فائق تحياتي وتقديري

[عبدالله الشويمان]

صح السانك يا اخ احمد

نص راقي وجزل المعنى والمبنى

دمت بخير ولا هنت

[عبير الورد]

الله الله



صح لسااااانك ملايين

سلمت وسلم منطوقك الجزل


ربي يعطيك العافية

[عبدالمحسن الرحمه]

صح السانك وعلا شان
قصيدة جزله تسلم

[نفحة الطيب]

كلام جميل ..

وعبارات رائــــعة ..

شتات في روح العاشقة بداخلك ,,,

اهدانا باقة من تضـــارب مشــــاعر التي تقطن جوارحك

دام احساسك يفيض ,,

باصدق الشعور

واروع الكلمات

تقبل مروري

أخـتك/ نفحة الطييب

[بدر العيد]

شعاع الشمس رِفقاً بـي وبالطيبـه
انا عاري صدر جيتك, وش التالي
الا كم لعتْ صدري ما انتْ داري به
ولا غيرك درا عني , وانا غالـي


صح لسانك اخي احمد

[فارس القوافي]

خطييييييييييييييييييييييييييير

الله الله يابو هاشم

صح لسانك ولاهنت يالذيب


يعطيك العافية


دمت بخير

[الطامي]

سمار
صح السانك ملايين
رائعة جدا
لاهنت اخي

[سناعيس]

سمار
صح لسانك
قصيدة كشعاع الشمس
لله درك


تحياتي