الورق ذاب

[ناصر عبيد الهواوي]

الهرج مليته ولاعاد لي به=وجه الورق ذاب وغدا خاطري صلف
وعصٌبت من ردك علي اتعصيبة=ولا عاد اعود الكم ولكن بلا حِلف
اشوف من موقفك شك ٍوريبة=والقلب مما جاه صاب ابهره خُلف
اكيد ماتدري وش اكبر مصيبة=لاصرت زعل وصار بك شوق للولف
راحت ضلوعي من خفوقي حطيبة=وتلفت معاليقه من مناتله تلف
ماعاد تفرق ونته من نحيبه=تجزم يقين انه تعاقب به الشلف
انا اشهد إنه به جروح ٍعطيبة=ويطق ممابه مثل طقة البلف
بمكينة ٍفيها البساتم خريبة=وسبايك ٍتقرش على دقت السلف
ما يقلعه اسبق من اللي يجيبه=اسرع من رجوع القصايد الى الخلف
سود الليالي لاعته ما دري به=وشهب السنين بشرها دايمٍ زلف
سار ٍبليل مظلم ٍ ماسري به=مع خايع ٍ ماجاه حافر ولا ضلف
وهالحين ياكبر اجر من يعتني به=مير انت بك جفوة وانا صاير ٍ جلف

[الطامي]

الهواوي
صح السانك مليار
ابداع وتفنن بالقاف والمعنى لايقدر عليه الا شاعر فحل
شكرا لك ولاهنت

[حوريه]

ناصر الهواااوي

ماشاء الله عليك

دائما مبدع ومتألق الحرف

بدعت وامتعت

داام حرفك ونبضك

ولااااااااااااهنتــ....

.

[صعبة المنال]

السلام عليكم ورحمة الله وبركاته

ناصر الهوواى
اسم لامع فى الفطاحلة

تمكن
وتميز

صح لسانك

صعووب

[ام العمده]

صح لسانك اعتلاا شانك لاهان راسك كتبت فأبدعت تحياتي وتقديري

[دايود صالح الخلف]

ناصر الهواوي


صح لسانك امتعتني واطربتني بهذاالنص الجميل

تحيتي ولاهنت

[حي الضمير]

نص جميل من شاعر جزل
ومليااااااار صح لسااااااانك

[محمد عبدالله البدراني]

سار ٍبليل مظلم ٍ ماسري به

مع خايع ٍ ماجاه حافر ولا ضلف

وهالحين ياكبر اجر من يعتني به

مير انت بك جفوة وانا صاير ٍ جلف

الهواوي


الله الله الله الله


دائما مبدع يابو عبيد



مليون مليون مليون صح السانك


وعلا شانك


لاعدمناك



تحيتي وتقديري

ناصر الهوااوي

صح صح صح الساانك

قصيده راائعه

دوما تمتعنا بالجديد الجزل

سلمت

[مبروك بن ماضي]

اخوي المبدع :
الشاعر / ناصر الهوااوي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي