فلاح والطائر

[الطائر المهاجر]

عصر الأثنين 29/1/1430

فلاح =
سلام ياهل الشات واخص عثمان=سلام سلمي للذي يفهمونه
سلام يشمل من قرى الحرف بامعان=والعود لامن هاج لاتقربونه
الطائر =
عليك مثله واحذر الضب والديبان=تراني اصيدها بحربات مسنونه
واخافه يجيك طشاش من واهج النيران= فباعد لاتجي للدرب وشطونه
فلاح =
الرتم عالي وانت ياخوك زعلان=والليل بعض الناس مايدركونه
يحسبون العود للمزح طربان=ماناظرو للعود حامي بشونه
الطائر =
الحر يزعل لالقى وضع خربان=ولوهم دروا بها كان ما يرحمونه
للمزح وقت وللرمي فيه نيشان= ومن قال انا فلانان خسر المعونه
فلاح =
الحق مايزعل منه شخص فهمان=والعدل كل اصحابنا يطلبونه
والحق مايقنع منه كل انسان= والا فكلن قام يلهب شجونه
الطائر =
البيت مع ساسه يبي قوة اركان= وبيتٍ بليا باب فيه المهونه
يدخله حصني لو يغير بالالوان = تعرفه من ذيله وبارز عيونه
فلاح =
سك الذهب ياعود والفضه سكان=خل اضهره يرجع ونبصر بطونه
اشوف لي رميه تقل رمي شيطان=والي مجنن لازم تكتفوووووونه
الطائر =
رجل يحب الدنفسه فيه نقصان=ماخبرت الرجال يرخي لحونه
وفارس يدش المعركه دون ميزان= ماتنقذه عند الهزيمه طعونه
فلاح =
مايجتمع طير الحباري وغربان=ياصقر يصعب عالذي يرقبونه
انا عرفتك بالمواقيف شيهان=متعلين فوق الذي يطلبونه
الطائر =
احيان ظنك يخدعك وانت وثقان= تشوف بوم والبعض يشترونه
ولو قلت هذا بوم قالوا بليهان= فمن يشتري للبوم بالدون دونه
فلاح =
قدرك عزيز وطيب من عالي الشان= ماهي رياء لو حاولو يحرفونه
اقولها صادق على كل الالوان= يكفي التواضع في زمن ضاع لونه
الطائر =
ومن ينكر المعروف لاشك غلطان=يوم يتحسف فالعرب ينقدونه
ومن لايقدر ما يقدر ولو كان= اقرب قريب والملا يعرفونه
فلاح =
ياصاحبي لولا اختلاف اهل الاذهان= ماكان به ريس ومرؤوس دونه
ولولا اختلاف عقولنا فوق الاوطان=لبارت سلع والشعر بارت لحونه

[زهرة اللوتس]

ابو عبدالله = فلاح بن منشار
ماشاءلله تبارك الخالق
محاورة رائعة
من شاعرين جزلين
استمتعت بتتبع هذه المحاورة
سلمتم ودمتم
تحياتي
وتقديري

[عالي مستواها]

فلاح بن منشار وأبوعبدالله

صح لسانكم جميع

محاوره روعه من كبار

يعطيك العافيه ولا هنتوا جميع

الطاااااااائر

صح الساانك مليووون

فلاح

صح الساانك مليوون

لا هنتك


موج القصيد

[عبدالله الشويمان]

صح السنكم ايها الشعراء الاعزاء

محاوره رائعه رائعه

لا هنتوا

[سناعيس]

صحت السنتكم شعرائنا
الجزلين
والله لايهينكم
محاورة ولا أروع استمتعنا بها

تحياتي

[نجم الإبداع]

صح لسانك دكتورنا

وشكرا للنقل

وجزيل الشكر والامتنان لكل من مر وسيمر

من هنا

[همس الورد]

صحت السنتكم

رووووووووووعه

[البتار]

بارك الله فيك
على ما تقوم به
احترامي

[خميس]

بارك الله فيك
كتبت فقرأت فاستفدنا
تحياتي واحترامي