الله من دخل داخل الجوف

[صنداح الزلامى]

السلام عليكم ورحمة الله وبركاته

أخواني وأخواتي في هذا الصرح الشامخ منتدى

الفطاحلة منتدى الشعر والشعراء أضع تحت أنظاركم

هذه القصيدة وهي مشاركتي ظمن مجموعة من الشعراء

في مسابقة قصة تحتاج لشاعر قام بأعداد هذه القصة

الاستاذ خالد العمري ومشاركة الكثير من الشعراء

كما أن هناك لجنة تقوم بتقييم القصائد واختيار الافضل

قصيدة ووقع الاختيار من قبل اللجنة على هذه القصيدة

بحيازة المركز الاول مكرر كما حازة قصيدة الشاعر محمد

البلاجي على المركز الاول فالف ألف ألف مبروك لخوي

محمدالبلاجي

الله من همٍ دخـل داخـل الجـوف=وسط الفواد وبين حـدب الظلوعـي
ومصحابه حسرات والامٍ وحسـوف =ومن حر مابي غارقٍ فـي دموعـي
ومشيت وانا ضايـق صدرملهـوف =على الذي صوته يـراود سموعـي
يا امي ترى والله لا اسمع ولا اشوف =ضاقت بي الدنيا وجفـت زروعـي
وحر الفراق وعسر الايام وظـروف =ومشيت تحت احكام الايـام طوعـي
بين العرى والجوع والهم والخـوف =لا من قريب ولا فزع لي فزوعـي
كني من اقرابي معـزل ومحـذوف=وشح الزمان وصار ابويه قطوعـي
اقرب قريب يحط في وجهي صدوف=من كل وصف وكل شكـلٍ ونوعـي
وشعاد باقي يازماني مـن الحـوف=ذوقتني حـر الاسـاء والفجوعـي
مر الفراق يلوف في خافقـي لـوف=وقلبي الى ذكرت احدهـم يزوعـي
وياللي تبي تكسب جميله ومعـروف=ضاري بفعل الخير قلبـك جزوعـي
افعل جميل وخذ رسالـه بمظـروف=لأمي وابوي وعزوتـي والربوعـي
من خالد اللي به من الهم عاصـوف=وبين الرجاء والياس حاله يروعـي
وعسى تعبك مواجرٍ بـه ومخلـوف=وانا يهيي لـي طريـق الرجوعـي

[حي الضمير]

شاعرنا المميز والمتألق صنداح الزلامي الف صح لسانك
قصيده تحرك الوجدان استمتعت بها وحلقت بي في سماء الخيال
جزله ومتماسكه وادام الله نبضك
ويشرفني ان اكون اول المشاركين بالرد على هذه الباذخه والعالية الجوده
وسجل الاعجاب والاحترام الى الابد

الله عليك ياصنداااااح


صح لسانك مدد بلاعدد

جزله ورب البيت
ولااااااهنت يابعدي
ع المباركه وجميع
المشاركين أوائل
ويشهد الله إن جميع
القصايد كانت قمّه بالجزاله.....



وتشرفت بمصافحة هذه
الجوهره الشعريه ...




إحتراااامي وتقديري

[بارق السيف]

صنداح الزلامي

ماهو غريب عليك هذا الإبداع

تقول الجزل وتطرب السامع

أشهد بالله إنها وافيه وبيوتها مليانه

صح لسانك يا القرم

كل الاحترام والتقدير

[عبدالله المسعودي]

صند1ح الزلامي ..؛
ما هو غريب من شاعر زيك هذ1 الابداع ..؛
ننتظر المزيد من الابداع بـ فارغ الصبر ..؛
دمتم بـ ود ..؛

[الأموره]

صح لسانك ملايين يخوي



سلمت و سلم فكرك

الف شكر لك

دمت برعاية الخالق

[الطامي]

وحر الفراق وعسر الايام وظـروف
ومشيت تحت احكام الايـام طوعـي
بين العرى والجوع والهم والخـوف
لا من قريب ولا فزع لي فزوعـي
كني من اقرابي معـزل ومحـذوف
وشح الزمان وصار ابويه قطوعـي
اقرب قريب يحط في وجهي صدوف
من كل وصف وكل شكلٍ ونوعـي
"""""""""""""""""""""""""""""" ""
صنداح
صح السانك
الحقيقه ابدعتو في تفاصيل القصه والقصيده
صح السانك وتستاهل كل خير
لاهنت وتبقى دائما علم في الفطاحله

[نجم الإبداع]

صح لسانك ياصنداح

قصيده وافيه من وافي

وانت شاعر جزل ونصوصك مميزه يابو محمد

وفي الطليعه دوما

لاهنت

فائق الاحترام

[ابراهيم عبدالحميد]

قصيده رائعه للشاعر المبدع/ صنداح الزلامي
تضئ صفحات تحوى فى جوفها التألق و الرقى
بكلمات رائعه و معانى عزفت على أوتار قلوبنا

دام نبضك و سلم فكرك

الله على ابداعك وفكرك


صح الله لسانك


والله ابداع منقطع النظير وكلمات خاطبت الوجدان


لاهنت وعلى الرفعة دوم