من فوق ضلع طويق والشمس غايبه

[عبدالمحسن الرحمه]

‏‏‏‏من فوق ضلع طويق والشمس غايبه/
هليت دمع العين والنفس طايبه/
طابت من اللي خان ذكراي وابتعد/
حسيبه الله يوم قفت ركايبه/
أجر صوتي كلها أسباب صدته/
لوا عذاب القلب زود لهايبه /
يمر بي وقتي وأنا الفكر معتجب/
على سواته يوم زلت سحايبه/
‏ليا هبوب النود هبي بريحها/
ينعش لقلبي كان هبت هبايبه!
ياوجد حالي وجد غايب عن البلد/
زود ن على الغربه كثيرة مصايبه/
ياقوّ قلبه يا هلي كيف ما رحم/
كل الرجاوي في لقا الخل خايبه/
ياعاذلين القلب ياحر فقدها /
كبدي بعد فرقا أريش العين ذايبه/
لو وصلها ممكن وحيد ن وصلتها/
والله لا أصلها لو الرجل عايبه/
العيش ماله طعم ياناس دونها/
من زود همي شوفوا العين شايبه/
ماتنفع الخفرات لو يجمعونها/
عنها بليا شك ماهيب نايبه/
خيالها ماتفارق العين طلته/
لو إنها ياناس ماهيب ثايبه/
عشت بسعاده ياعرب في وجودها/
عن شي يسعدني فلاهيب هايبه/
لاهمت في حب الحبيبه وضرني/
لاتعذلون القلب وأرياي صايبه/
على وفاق سنين عده قضيتها/
ماأدري لنا الأقدار هي ويش جايبه/
لو الوصل يآتي بقوه وصلتها/
لو الدمي في شذرة السيف رايبه/
عزيت نفسي بالصبر وانتهى الصبر/
ياكثر ماأنصحها ولاهيب تايبه/

[الطائر المهاجر]

من يامن الخفرات في يوم يندم= فالرابح اللي ما يدور حبايبه
يعطي بليا حدود والفكر جنبه = ولا من صحى حس السموم وهبايبه
وازن امورك لا تخلي فؤادك = ياخذك في درب تعاني تبايبه
المقفي اقفي عنه لو كان غالي= وحكم لعقلك لاتأسف بنايبه
ترى العذارى لا لقن فيك خله= ياطن على قلب تزايد مصايبه
هذا نصيحة عود يدري بطبعهن= ومن راح خله لين تبرك ركايبه

صح لسانك
ولا هنت
تحياتي

[منيع]

مبدع ورائع
كل الشكر والتقدير لكم
تحياتي

[الطامي]

وان زان وقتك بين يوم وليله = تغانم ميراد الضبا لاتغايبه
ترى لهن صده ورده ومثلها = اقفاية بصدر المعنى لهايبه
لاكن تسمع شور باخس بمثلهم = الناس كلن مثلكم له صحايبه
والعاقل اللي فاز باول غرامهم = واخذ معاهم وقت والنفس طايبه
واقفى قبل لاتقفي الغِيد منه = بعد سمح من غيَهم مع مصايبه
وان كان لاهذا ولاذا شوف لك = شمحوطة تسوى ملايين ذاهبه
تغنيك من طرد الظبى كل حزه = وتحفظ سموك من الامور المعايبه

صح السانك والسان الدكتور
ولاهنتو جميع

[جهاد الشعلان]

صح لسانك اخوي عبدالمحسن

ابيات جميلة وطرق اجمل

وخذ علم العود تراه صادز ههههه

تقبل مروري

[بنت النور]

صح لسانك وعتلى شانك ابداع
ياصاحب القلم
لاهنت
يعطيك العافيه
وننتظر جديدك في الكلمات والقصائد

تقديري

[عبدالمحسن الرحمه]

المشاركة الأصلية كتبت بواسطة الطائر المهاجر

من يامن الخفرات في يوم يندم= فالرابح اللي ما يدور حبايبه
يعطي بليا حدود والفكر جنبه = ولا من صحى حس السموم وهبايبه
وازن امورك لا تخلي فؤادك = ياخذك في درب تعاني تبايبه
المقفي اقفي عنه لو كان غالي= وحكم لعقلك لاتأسف بنايبه
ترى العذارى لا لقن فيك خله= ياطن على قلب تزايد مصايبه
هذا نصيحة عود يدري بطبعهن= ومن راح خله لين تبرك ركايبه

صح لسانك
ولا هنت
تحياتي

دكتورنا الغالي صح الله ابدنك على هذا الحضور الرائع
وصح الله السانك على المجارات الأكثر من رائعه
ودي لك سيدي

[الراقي]

امتعتنا بهذه الرائعه
صح السانك الوف

دمت بمودة

[عبدالمحسن الرحمه]

منيع أسعدك الله بالدارين
كل شكر سيدي على الحضور
والرد وصح الله ابدنك

[عبدالمحسن الرحمه]

الطامي صح ابدنك مشكور على هذا الحضور
النير