قصيدتي بسيره الرسول صلى الله عليه وسلم

[فهد حنس العتيبي]

بـسـمـك الــلهـــم , أبـدأ ,بالكــــــــلام = والســــــــلام أشمـام من قلــــــــبِ سليم
والثنــــــــــاء والـــــحمد للخالق دوام = يــستحق ,,, الحمــــد من يحيي الـرميم
ثم اثني بــــالصـــــــــــلاة وبـــالسلام = من على المحبـــــــــوب ماهب النسيم
خير من صلى ومن كـــبر وصـــــام = و خير واشرف من وطـــا , فوق الاديم
أرســـلـــه رب , , الـــبريه للانام = رحــــمة من فيض,,, رحـمنِ رحــيــم
ولـــــد عــام الفيل في الشهر الـحرام = وســـط مكــــــــــه عام يغزيها البهيم !
ومن بـــعد شهرين من سن الفــــطام = مــــــــــــات ابوه ولا على الدنيا مقيم
و من حليمه طــاب واشتد القوام= وفي هوازن عاش لين اصبح فطيم
ويـــوم عمره شارف الاربع عـــوام = ماتت امه واصــبح محـــــــــــمد يتيم
وعند ابوطالب ( ترعرع ) واستقام = عند عمه ســـــــــــــــــعد عينه من حميم
واقترن مع ذات عـــــــــــالية المقام = من (( خــــديجه )) خير وأعز الحريم
ودارت ,, الايــــــــــام والدنيا هوام = يختلى في ضلع ثــــــور بلا ,,, نديم
وأوقـــــــضه جبريل يقريه السـلام = ولــقـنـه وحي ( النبوه ) في الصميم
دعـــــــوة التوحيد في المبدأ اشمام = مير واجـــــــــه من اربوعه كل ضيم
واجه من القــــوم بغضا , واحتدام = من (( توابـــع )) كل شيطان رجيم
وهــــــــاجر ( لدار المحبه ) والوئام = وباشروه ,, الاوس ,,,, والخزرج لميم
وشــــيد المسجد وعلا في المقام = والصلاة (( الزام )) مــــــــوقوته بتيم
وفي السنه ثنتين من شهر الصيــام = وقعة الفرقان في بــــــــــــدر العظيم
وبعدها المــيقاف هود , ما استدام = وقعة (( احد )) حيث واقعها أليم
وفي سنــة خمســـه من الهجره تمام = وقعة الاحــــــــــزاب ماطرها , ركيم
وبعدها جأ الصلح مابين الخـصام = بين مبـــــــعوث الـــــرساله ,و الخصيم
وفتح مـــكـــه لاح نوره في الظلام = وقوة الــكفار عـــــــــــادت كالصريم
وفي ( حنين ) الخيل ثور بالعسام = وانتصر و( الــكون ) في الواقع جسيم
وحجة الوداع ( سر ),, الاعتصام = في سنــة عشره بتوفيق الـــكريم
وبـــــــــــــــــعدها بشهور لله الدوام = انتقل لـــــــــــــــجنان فردوس النــــعيم
بلـــــــــــغ الامه على ارقا ما يرام = وثـــــــــق التوحيد والدين الــــــــــقويم
الــمـحــجــه بــينه والـــقــول تــــــام = شرعٍ ( ابلج ) من مشابه مــــــا يهيم
لو يقول الشرق والـــــغرب الـلـئام = يكرم المــــــــــحبوب عن قول ( اللئيم )
انـــجلا المستور وانشق اللـــــــثام = عن خفايا الغرب و( البابا ) السقيم
ما لـــنــا من دون هـــــــادينا امام = ومن تخيًر غيــــــــــــــــر شرع الله أثيم

[محمد عبدالله البدراني]

اللهم صلي وسلم على نبينا محمد



فهد بن حنس
سلمه الله


حجزت مسبقا لأظمن المقدمه حتى اتمعن واستمتع

وهئنذا اعود



الف الف مليون صح السانك


وقصيده مجيده ذات مغزى شريف و هادف


و من حليمـه طـاب واشتـد القـوام
وفي هوازن عاش لين اصبـح فطيـم



الله الله


سلمت يافهد ودمت



تحيتي وتقديري

[الخنساء]

صح لسانك مليون ولا يكفون

لاهان راسك قصيدة شامخة

سلمت ودمت بخير

صلى الله عليه وسلم

فهد حنس

صح السااانك ملايين على هالراائعه

وخير من يكتب فيه الشعر

نبينا محمد صالى الله عليه وسلم

سلمت يمناك ولا هنت

موج القصيد

[داعي الشوق]

صح لسانك يالشاعر فهد

وافي و ما قصرت

رسالة واضحة العنوان

و جميلة المعنى

سلمت يا فهد

وصح لسانك مدد بلا عدد

[عدنان كريزم]

اللهم صلي علىك يا محمد


فعلا نص فاخر ويتكلم عن افضل الخلق


احسنت يا عتيبي


ولا هنت

[سناعيس]

اللهم صل على نبينا محمد
الأخ الشاعر فهد بن حنس
صح لسانك ولله درك
على هذه القصيدة الجزله

لاهنت


تحياتي

[زهرة اللوتس]

سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

[منيع]

وافيه وشافية
ماقصرت في ميزان اعمالكم الطيبة
تحياتي

[عذب القوافي]

عليه الصلاة والسلام

نص وافي

أخي الجزل / فهد العتيبي

نص كامل المعنى والمبنى

لله درك يالغالي

تقديري ,,,,,