انتهى استعمار يحتل البلادي

[الطائر المهاجر]

انتهى استعمار يحتل البلادي=وابتدا استعمار فكري واقتصادي
يجلب اوراق تخدمه في طموحه=ولا ادت المطلوب تحرق بالوكادي
كل همه كيف ينهب كل ثروه= وبيع انتاجٍ تعرض للكسادي
من صناعات وسلاح او خمور=وديسكوات للعهر تنتج فسادي
او كنايس همها تنصير مسلم= وفي بلاده يمنع المذن ينادي
ومن سفاراته يصدر للاوامر= ومن سفاراته يخرب للبلادي
حول الانسان عبد للدراهم = لاجلها يحيا ولو خاوى المعادي
واصبح الانسان كالحيوان فعله= لا ضمير و دين يحكمه برشادي
وفي شعاراته خدع كل الخلايق= عن حقوق انسان في سهل ووادي
وكل هرجه كذب تكشفه الوقايع= في بلاده عنصريه بازديادي
عنصر ابيض شايف حاله مقدس= والبقية تخدمه لو كان عادي
كم قتل من ابرياء في كل ديره=وكم حرق من ارض بانواع العتادي
واخر افعاله ولا هي بالأخيره= ضربنا في بعضنا حقد وتمادي
شيعي وسني ولو بالدين واحد= وما يسمى بالربيع بلا حيادي
وحصل اللي يخدمه من ارض فارس=من يبو يحيون كسرى باعتدادي
يوم فارس دولة كبرى عظيمه=تحكم المشرق ولاهابت ضدادي
وقبلها يركز بقلب العرب خنجر=باحتلال القدس واعطاها المدادي
وانتهت فارس وروما بكل قوه= قوة الإيمان بنفوس العبادي
الزمن دوار كل الخلق تدري= ويوم يرجع مجدنا رغم المعادي

[منيع]

جزل ومبدع
كل الشكر لكم
تحياتي

[الطامي]

صح السانك ملايين

ابداع مميز
لافض فوك دكتور

ولاهنت

[داعي الشوق]

الله يحفظ بلادنا و بلاد المسلمين

وصح لسانك يادكتور

جزل و حكيم في كل معنى

لاهنت و صح لسانك مدد

[الطائر المهاجر]

شكرا على كريم المرور يامنيع
لاهنت
تحياتي

[عبدالله الشويمان]

صح لسانك واعتلا شانك يا أبو عبدالله

دائما مبدع.

لا هنت يا شوق البنت

[بنت النور]

وصح لسانك وعتلى شانك
لاهنت
تقديري لسموك

[حرف وشعر]

الله المستعان يابوعبدالله ،،

نص وافى ،،

[خالد محمود الفردي]

شاعر الواقعية ومحاكاة الواقع دكتور عثمان
صح لسانك ولا هنت
تقديري ..

[ابن جردان]

الله يحفظ وطنّا من هالاستعمارين استعمار البلاد واستعمار الفكر والاقتصاد

قصيده قويه وجميله وموضوعها حساس جداً

صح الله السانك وفكرك

تقبل ودي واحترامي