بقايا قلب

[سمّار]

تكفى..طلبتك..خلّك اكثر قساوه=ما ودي آحُبُك وانا دوبني تبْت
هذي جروحي..كل ابوها نداوه=أخاف تنقضها..وانا ما بعد طِبْت
تدري ان من طبع الاسود الضراوه=والحب شيخ شيوخها كان حسَّبْت
اذا انجرح يذبح بناب السطاوه=يدمر عرينه كل ما حسّ بالكَبْت
وانا بقلبي جرح ...ولا آقول داوه=سيّد جروحي كلّ ما صاح بي جِبْت
واما انت..هرجك فيه زايد حلاوه=ما شفتني وشلون في هرجتك غِبْت
شفني تخيّلتك تَرَفْ في رخاوه=الا في احضاني تعلّقت لي ذِبْت
تمشي وتعزف بالخطى في هداوه=على وتر قلبي وغنّيت واطرَبْت
بعضك مع بعضك مسوي شقاوه=شفهم تحت عينك وانا منهم انصَبْت
كَنْهم جيادٌ.. جامحاتٌ... نقاوه=فكّيت عنها الجامها والرسن سِبْت
اوه اوه... ليه الحرف ساق الطراوه=نيِّته شينه ودّه اني لك اقرَبْت
عزمت أردّه لو يكن لك غلاوه=احس نفسي للخطر جيت واسرَبْت
ياللي تمايل مع نسيم الصباوه=ما عاد لي بالحب من عقب ما شِبْت
شيّب بي اللي كِــنّ حبّه عداوه= قد حبني من صدق وانا له احبَبْت
وبيني وبين الحب بعده غشاوه=وجرحه حديقه كل موسم لها نَبْت
ياقلب حتى الجرح جت له حفاوه=تستقبله مسرور.. يسعدك ما عِبْت
مُستعمَر ومُحتَّل.. وتدفع أتاوه=من مهجتك.. وش باقيٌ منك وش هَبْت
هذا خيالي وانت بالهمّ خاوه=دامك بقايا قلبْ واتعبت واتعَبْت
وياللي طبوعك بين حضر وبداوه=لا قمت افكّر فيك وامعنت واسهبت
يا ليتني عنّك بـ(ـوادي رهاوه)=والا يكن راعي مغاتير في خَبْت
لانك اذا ما تصبح اكثر قساوه= أخاف انا آحُبُك وانا دوبني تِبْت

]

[داعي الشوق]

تبت ،، الله الله يا بو هاشم

صح لسانك و اعتلا شانك و طاب حالك

مبدع و رائع دائما يالشاعر

لاهنت و صح لسانك مدد

[عبدالرحمن الصباح]

ياسلام ياسلام ياسلام عليك ابداع في ابداع صح السانك قصيده جزله من شاعر جزل تقبل ودي وتقديري

[منيع]

ياسلام عليك
كل الروعة والابداع
شكرا لكم
تحياتي

[حي الضمير]

رااائعه وابدعت شاعرنا المميز سمار
وملياار صح لسانك

[عبدالإله]

صح لسانك واعتلى شانك

و دامت نبضات قلبك وفيضك الزاخر

شاعر تستحق التقدير وقصيدة لا يأتي بها الا مثلك

ابدعـــت بكل ما صغت من بدع

[الطامي]

سمار
صح السانك ملايين
رائعة جدا
لاهنت اخي

[صنداح الزلامى]

الله الله

الشاعر القدير والكبير في شاعريته

سمار صح الله لساااااااااااااااااااانك ابداااااااااااااااع

ابداااااااااااااااااااااااع من قطع النظير الله عليك اعجابي واحترامي

لك اخي الكريم

[سعيد عوده الحويطي]

الله الله ياسمار راااائع وشاعر متمكن وقصيدة تنبض بالاحساس والشعر الراقي تقبل تحياتي واحترامي

[نجم الإبداع]

الله الله

صح لسانك يابو هاشم

مصافحه عطره وجزله

لاهنت

تقبل مروري

وتقديري