صورة والمطلوب ابيات عليها

[الطائر المهاجر]

الصورة أعلاه ، كل شاعر قد يجد لها ما يود قوله حيالها
فليتفضل أحد الشعراء ليبدأ

ياعزتالي منك دايم عنيده=وانا تعبت وصابني منك غربال
والله لوريك الحياة الزهيده=هذا الصحيح وكلمة الحق تنقال

[نسناس الهوى]

من زود حب المزايين عضيت = غصيت في حبك ولالي غناتي
ينقال من عضّت اليوم حبيـت = بالحب يازينــه وماجاك هاتي

[الطائر المهاجر]

الآن لابد لنا أن نسير على نفس الطاروق والقافية

ويش السبب في عضته وش يريده = زعلان منها يوم ترفض للاحمال
وإلاّ فَشلت في السبق بعد الكديده = عام وهو يصرف عليها بالاموال

[نسناس الهوى]

مادري انا ياصاحبي وشّ ميده = بس ظنتي من حبها عضّ محتال
قالوا ترى من طقك اليوم زِيده = وعطه الغلا لو مارضى قول وافعال

ووووووووووووووع حامت كبدي ودخت وش جابني هنا

[ابو أنس]

هذا بهيمه وانت تبغي تكيده=تحط خشمك في فمه فعلك هبال
ليته طبق فكيه طبقه وحيده=تشوف من فعله شديدات واهوال
واظن في فمّه روايح فريده=شميتها وازريت تبعد وتحتال

[منيع]

هذي ترى يمكن دعايه جديده=للي يداوم ضرب معجون سجنال
شف سنها خطر يبين صديده=مزعوجة لاكن ورى الامررجال

[الطائر المهاجر]

حقيقة منيع فاجأنا بهذه الفكرة ، فكرة عدم استخدام البعير لسجنال ، مما أدى إلى ظهور اسنانه بهذا الشكل
وهنا تأتي أهمية مثل هذه المناسبات لشحذ الإبداع ..
لي عودة للتأمل في بقية الردود والرد عليها
كل الشكر والتقدير لكم جميعا على تفاعلكم بإنتظار تفاعل البقية
مع أطيب تحياتي

[نسناس الهوى]

المشاركة الأصلية كتبت بواسطة منيع

هذي ترى يمكن دعايه جديده=للي يداوم ضرب معجون سجنال
شف سنها خطر يبين صديده=مزعوجة لاكن ورى الامررجال

انشهد انك جبت فكره فريده = وانشهد ان سجنال ماعاد تنطال
حط الظروس اليوم حطه بأيده = يصبح بياض السن مسكوب ينسال

<- مندوب اعلاني لسجنال تو هههههههه