الشر يجلب شر .قتل الأبرياء

[الطائر المهاجر]

الشر يجلب شر والخير للخير = والثأر عند المودماني سجيه
اما لنفسه او لأهله او الغير = من الأقارب او لعرض وحميه
ومن اخطر الثارات من دون تفكير= ثاره من اجل الدين عن صدق نيه
لاشاف طيارات بالجو كالطير= تقصف وتقتل في نفوس بريئه
من نفس دينه دون ايات تحذير= من دولة عظمى مشت بالدنيه
والعذر حرب ارهاب قتل وتدمير= وتشريد لشعوبٍ تعيش الأسيه
وهي من ورا الإرهاب صنع وتصدير= من اجل تاصل للكنوز الغنيه
قوه تدار بطغمة من هوامير= خلف الحجاب وما درت بالرعيه
ماهمها شعب انحدر في الدحادير= فقر وبطاله عايشٍ ف الرزيه
حتى ولو في وسطهم صار تفجير= وصار انتقام من ضحايا الأذيه
كل ما تبي تهيمن على الكون تسيير= وتمتص ثرواته بعينٍ جريه
وتقتل بلا تفريق عجز ومطايير= وتشعل حروبٍ بين اخ وخويه
حتى تتدخل في ثياب المغاتير = وتناصر اللي من عقولٍ غبيه
يخضع لها في كل امرٍ وتدبير = ولو يعترض تلسعه لسعات حيه
وتفرض بداره سوق من غير تخيير= تبيع فيها كل هزل ورديه
يعني كذا استعمار من غير تشهير= خفاش دمه من دماء الضحيه
ومن كثروا اعداءه فلا هوب في خير= فكثر الوخز يطرح جمالٍ قويه

[صنداح الزلامى]

الله
الله الله

ابداااااااااااااااااااااع
ابدااااااااااااااااااااااااااا اااااااااع

صح لسااااااااااااااااااااااانك على الجرح يابو عبدالله

دكتور علم وشعر مافيك حيله

[منيع]

جزل ومبدع
شكرا لك
تحياتي

[سعيد عوده الحويطي]

صح لسانك يادكتور الامر لله من قبل ومن بعد حفظ الله بلادنا مكل سووو

[عبدالله الشويمان]

صح لسانك يا ابوعبدالله

قصيده جزله يا الجزل..

دمت بخير ولا هنت

[ساهر الليل]

ومن كثروا اعداءه فلا هوب فـي خيـر
فـكـثــر الــوخــز يــطــرح جــمــالٍ قــويــه

انا اشهد يابو عبد الله

صح لسانك يا شيخ

على هذا الموال الراقي

ابدعت في صياغتها ياعود

تقبل تحياتي وتقديري

[داعي الشوق]

صح لسانك و صح منطوقك

وافي و قصيده وافيه و تستاهل صدر المكان

و ما اجمل الابداع عندما ينبثق من قلمك

ولا عدمناك

[هترل]

صح لسانك يابو عبدالله ملااااايين
وافيه من وافي لاهنت يالجزل

تحياتي وتقديري

[حرف وشعر]

نص وكالعادة باذخ

صح كلك

[الطائر المهاجر]

شكرا صنداح
على كريم المتابعه
لاهنت
تحياتي