كلمةٍ للبنت

[الطائر المهاجر]

كلمةٍ للبنت لو كانت ثقيله = كود تفهم وضعها بين البشر
في بلاد الغرب حطّوها وسيله = في بلاد الشرق تاهت في الحفر
وفي بلادي دايمٍ دوحه ظليله = صانها الإسلام من جوع وفقر
سخّر الرجّال للإنثى الجميله = وحطّ في الإنثى حنانٍ يدخّر
لكن الاعداء يجوها بالف حيله= وابتدوا يغرونها بوهمٍ حضر
من شعاراتٍ تروج للرذيله = همهم اسقاطها بقاع البحر
دامها الركن الأساسي والدليله = مدرسة تخريج لرجال الفخر
من عليهم حمل رآيات الفضيله = ينقذون الناس من شرٍ ظهر
ما نسى راع الصليب ولا مثيله = كيف بالإيمان سيطرنا دهر
يا بنيّة ارجعي لطبع القبيله= وارجعي للدين ما منه خطر
واحذري ثم احذري فكره دخيله = من ثقافة غرب او راع البقر
همهم تحطيم عزك يالأصيله = تصبحي سلعه رخيصه تحتقر
حللوا لك ما يبوا حتى الرذيله= حرّموا حجب الصدر والا النحر
وحللوا التزليط مع نقض الجديله= في وسط سوق به اصناف الغجر
يا بنيّة فرقي منتي هبيله= بين ليل وبين انوار الفجر
ارجعي للدين يا نسمة عليله= يا اساس العزّ يا أم البشر

[منيع]

كلمات رائعة يادكتور وتصب في صميم الواقع
شكرا لك
تحياتي

[الطائر المهاجر]

هذا في 2019
اجل وشلون الآت
شكرا اخي منيع
على كريم المتابعه
لاهنت
تحياتي

[داعي الشوق]

صح لسانك يابو عبدالله
قصيدة تحاكي كل وقت وزمان..

جيل تخلى عن القيم بداعي الحضارة

الله يصلح الحال ولاهنت

[الراقي]

صح السانك على هـالجميلــــة
لاَفُض فُوكَ ..

دمت بِكُلِ مَوَدَةٍ

[الطامي]

صح السانك
هادفهوطيبه
لاهنت

[عبدالله السويلم]

يــا بنـيّـة ارجـعـي لطـبـع القبيـلـه * * * وارجـعـي للـديـن مــا مـنـه خـطـر

صح لسانك يادكتور
رائعه وفي الصميم

[الطائر المهاجر]

شكرا منيع
على كريم المتابعه
لاهنت
تحياتي

[ملكة الشرق]

اولاااه لو كل بنت تلقى من ينصرها
بمثل هاذي النصائح المطبوعه بالعزه والكرامه
صح لسانك ملايين
لاوالله مايكون
صح كلك
تحية تقدير واحترام لك يغالي

[الطائر المهاجر]

شكرا داعي
على كريم المتابعه
لاهنت
تحياتي