قسّموها .. والهـدف واحـد ولكن في حروف فارسيه

[الطائر المهاجر]

قسّموها قبـل تسقط وابتدوا منح الهدايا = والفرنسي صار واضح كشر أنيـابٍ خفيّه
واعطوا اسرائيل ترضى بالعلن غير الخفايا = والعـرب تدفع ليذبح بعضها كنه ضحيه
صدقوا قـول الأعادي ما دروا خبث النوايا = ناسي الماضي تفضّل وش أفادك حسن نيّه
قاله الله في كتابه عـارفٍ طبـع البرايا = لـو تحـاول ما تحـاول ما يكفّون الأذية
اتحد جمع النصارى واليهود أهل الخزايا =والهـدف واحـد ولكن في حروف فارسيه
فرقوا شمل العـروبة واشعلوا نار الشنايا = كل واحـد ما يـداني ينصحه حتى أخيّه
كلنا شيـوخ(ن) نـدوّر للأمـاره والمزايا = وكل واحـد شاف حاله نادرٍ بين البريّه
عايشين بـوهم دايـم واخـذٍ كل الـزوايا = كيف نـدري بالحقيقه دام ضيّعنا الـرويّه
ما تأدبنـا الليـالي سرع ما ننسى الوصايا = ولـو نردد كل آيـة أو حديثٍ من نـبيّه
يحـرقوا بغـداد ننظر كالعجـايز والولايا = كلمـا نقـدر نصلي ونسـأل الله الحميّـه
وان وقعنا في المصيبه ما نعـالج للخطايا = نطلب الغرب المشوره والحمايه والوصيّه
واثقين بـدون شكٍ حتى لو صرنا الضحايا = فالمخـافه من قريب وحتى من كل الرعيّه
ياخساره يالنشاما كلكم صرتـوا عـرايا = بين محكوم(ن) وحـاكم انتهيتوا للـرزيّه
من أجـل صدام يحرق شعب لا ذنب وخطايا =عذر واهي صعب يقبل غير من نفسٍ غبيّه
كل ما يبغـون نفط وخدمة اسرائيل غـايا= ثم تدمير العقيـدة بين صبح(ن) أو عشيّه
بـوش اسفك كل دم واحـرق شعوبٍ برايا= يوم يالظالم يجي لك ، قــدرة الله يالقويّه
بوش أرض العرب خصبه تنتج رجال المنايا= اسأل التـاريخ عنهم ما يهـابون المنيّـه
من علا فوق الثريـّا يوم يسقط في الهبايا= لو يطول الوقت نصبر فالصبر أحلى سجيّه
وعـد من رب البرايا مجزلٍ كل العطـايا= النصر يابـوش آتي لـو تزيـد العنجهيّه

[صعبة المنال]

جزلة

سلمت وصح لسانك

صعووب

[نفحات حساسة]

صح الله لسانك ولا عدمت
والله يحفظنا وياكم..تحاتى

[الطائر المهاجر]

رغم قدم هذه القصيدة
فهي تحاكي واقع العراق الآن
وما يتعرض له من مؤامرات دوليه
بإسم الطائفيه

[حرف وشعر]

قـالــه الله فـــي كـتـابـه عـــالم طـبــع الـبـرايـالــو تـحـاول مــا تـحـاول مــا يكـفّـون الأذيـــة
صح الله السانك يادكتور ولاهنت ،، نص موفق

[بنت النور]

المشاركة الأصلية كتبت بواسطة الطائر المهاجر

قسّموها قبـل تسقط وابتدوا منح الهدايا = والفرنسي صار واضح كشر أنيـابٍ خفيّه
واعطوا اسرائيل ترضى بالعلن غير الخفايا = والعـرب تدفع ليذبح بعضها كنه ضحيه
صدقوا قـول الأعادي ما دروا خبث النوايا = ناسي الماضي تفضّل وش أفادك حسن نيّه
قاله الله في كتابه عـارفٍ طبـع البرايا = لـو تحـاول ما تحـاول ما يكفّون الأذية
اتحد جمع النصارى واليهود أهل الخزايا =والهـدف واحـد ولكن في حروف فارسيه
فرقوا شمل العـروبة واشعلوا نار الشنايا = كل واحـد ما يـداني ينصحه حتى أخيّه
كلنا شيـوخ(ن) نـدوّر للأمـاره والمزايا = وكل واحـد شاف حاله نادرٍ بين البريّه
عايشين بـوهم دايـم واخـذٍ كل الـزوايا = كيف نـدري بالحقيقه دام ضيّعنا الـرويّه
ما تأدبنـا الليـالي سرع ما ننسى الوصايا = ولـو نردد كل آيـة أو حديثٍ من نـبيّه
يحـرقوا بغـداد ننظر كالعجـايز والولايا = كلمـا نقـدر نصلي ونسـأل الله الحميّـه
وان وقعنا في المصيبه ما نعـالج للخطايا = نطلب الغرب المشوره والحمايه والوصيّه
واثقين بـدون شكٍ حتى لو صرنا الضحايا = فالمخـافه من قريب وحتى من كل الرعيّه
ياخساره يالنشاما كلكم صرتـوا عـرايا = بين محكوم(ن) وحـاكم انتهيتوا للـرزيّه
من أجـل صدام يحرق شعب لا ذنب وخطايا =عذر واهي صعب يقبل غير من نفسٍ غبيّه
كل ما يبغـون نفط وخدمة اسرائيل غـايا= ثم تدمير العقيـدة بين صبح(ن) أو عشيّه
بـوش اسفك كل دم واحـرق شعوبٍ برايا= يوم يالظالم يجي لك ، قــدرة الله يالقويّه
بوش أرض العرب خصبه تنتج رجال المنايا= اسأل التـاريخ عنهم ما يهـابون المنيّـه
من علا فوق الثريـّا يوم يسقط في الهبايا= لو يطول الوقت نصبر فالصبر أحلى سجيّه
وعـد من رب البرايا مجزلٍ كل العطـايا= النصر يابـوش آتي لـو تزيـد العنجهيّه

الله الله عليك يادكتور
صح لسانك وعتلى شانك
كلمات في قمة الروعه
ولاهان راسك
تحياتي لسموك

[منيع]

جزل ومبدع
كان الله في عون الجميع
شكرا لك
تحياتي

[داعي الشوق]

صح لسانك يا بو عبدالله

قصيده محبوكه و جزله وواقعيه

لاهنت لاهنت و صح لسانك و فكرك

[نجم الإبداع]

صح لسانك يبو عبد الله

ولاهنت

[ساهر الليل]

ما شاء الله عليك

رااائع يااعود

قلت فاصبت وهذا هو الحال

جعلك على القوه دوم

صح لسانك وفكرك ولاهنت

تحيااتي لك