كريم سبلا .. ارحب

[الطائر المهاجر]

مرحبا بك يالسنافي عد ما لاح القمر = او عدد ما وصل مكه من ملبي في حرامه
وش علومك والشويب كان عندك له خبر= مبطي عنا ولادري ليش يجفانا علامه

حياك الله يالمشرف العام وهذي ابرك الساعات

ياهلابك ياهلابك وابشر الصاحب حضر=مانخلي صاحب ٍ شف صاحبك رافع كمامه
الشويب عايش بداره مثل حوت البحر =لو طلع خارج دياره مات ما ربّط حزامه

[الطائر المهاجر]

ياهلا بك دوم وارحب فانت للموقع حجر = ركنه الايمن والايسر ومن وراه ومن امامه
والشويب لاتشبب انتظر يطلب عشر = من جلس بالدار يقوى لو تحسب انه حمامه

قلت لك يابن الفطاحل شيخنا باني وكر=لو تعدى عن عياله لحْقته كبر الملامه
قال لي خلك مواصل لو تبلاك السهر =حق واجب له علينا ياكبر عندي مقامه

[الطائر المهاجر]

لا تعذر عنه خله لاحضر يصنع عذر = اعرف انه في المحاور خايف ينزل سنامه
ناحر يم الخلوج ولاقي فيها تمر = والفصم يرميه برا كود ما تعرف مدامه

البحر يفقد هياجه لا تخالط مع نهر=والسهم ينقص حسابه لا بدوا على انقسامه
لا تفكر تلقط الماء من عقب ماهو انتثر=المهاجر جاه علمي بس ما ركز علامه

[الطائر المهاجر]

لو فهمتك فالشويب مع ذراريه انحجر = وانت تتمذرح بعيد وماتحملت الغمامه
طول وقتك في حفارك لين عبيت الحفر= وقلت يالشايب تسلّم هلجمل ويا خطامه

الله الله

بيض الله وجهك يالطائر المهاجر على هالوسيمة اللي تفتح النفس

وانا بصفك وعليك بالمحامي كريم سبلا لاتخلي له منفس .

وينك يابوفارس الليل الليل

حياك الله يابوسعود وحضورك يشعلل المحاوره

واذا انت ماسك صف مشرفنا ,,, كنك ماسك صفي

الجمل واقف مكانه صالبٍ مثل الحجر=والخطام اللي تقوله من زمانه في بهامه
دامني دون الشويب يبشر اني له ظهر= لا وصل وقت الخصامه تدعم سهامي سهامه