حظك اذا من طاب خلاك باشابالصوت)

[الطائر المهاجر]

كيبورديه...

حظك الى من طاب خلاك باشا = تكسب ولو بعت الهوى في الخياشا
واليا تردّى سكنك بالعشاشا = ولا انتاب سالم من مسلف وديّان
مثلك كثير كان حظك تردى = فانظر لغيرك لا بنفسك تبدى
وان كان تفطر ثم بعده تغدى = فالبعض طول اليوم بالشمس جيعان
لكن بعضنا ما يخلي الشكاوي = يبي حظيظه دايم بالهقاوي
واليا نعس فتره يقيم الدعاوي = ويمكن يدور له محامي وفنان
كل هالكلام اللي مضى من نقاشا= اقردن لحظي واقول انت باشا
لوك تحرك تنتهض بانتعاشا = ان كان حالي غير ماصرت غلبان
ناظر بطرف العين بالوضع باحل= ما اظن شايفني فانا عود ناحل
لا ني مدينه لا ولا ني سواحل = وهو البحر ما هاب قرش وحيتان
قال القراده فيك من يوم ماجيت= ويوم اني خاويتك على حالي اجنيت
ليت انني مولود مع سير "بلقيت"= احسن ولا من اسمه اليوم عثمان
زعلت من هرجه ولا بي هواشا = خذت العصا والحقه فيني ارتعاشا
يالعنبو حيه خدمته بلاشا = طول العمر شايله ماقلت تعبان
انحاش للهيئة وقال انقذوني = هذا يسب الحظ صابه جنوني
قالوا تسب الحظ تنسى المنوني= وهذا حرام صرف ماعنه غفران
لابد من تطهير لابد تجلد = وإلا ترى في النار رايح تخلد
قلت العفو للجلد وقت محدد= قالوا نعم لا من وصلنا ابو فلان
واطمر ابي انحاش قبل ابتلاشا= واحس شئ في عيوني فلاشا
واثري صقعت بحافةٍ للفراشا = وصحيت من نومي على صوت الآذان

[مبروك بن ماضي]

صح لسانك مليون ولايكفون
كعادتك شاعرنا العلم / المشرف العام
الابدااااااااااااااااااااع :
ولا غير الابداع أجده في هذا النص
وكل نصوصك الشعرية الجميله
سجل إعجابي القديم
وتفضل بقبول تحياتي
أخوك / بن ماضي

صح لسانك تراهم صدق ناشبين , أنا اشوفهم بالحلم , كنهم مدري وشلون اوصفهم لكن خلاص بلغ السيل الزبى لازم يشوفون لهم حل كن مافيه مسلمين إلا هم.

[سناعيس]

الطائر المهاجر
صح لسانك
وبيض الله وجهك
هادفه بغلاف فكاهي

تحياتي

الطائر المهاجر
صح لسانك بلاعدد
وتسلم لنا يمناك ياغالي
دمت بود

[ابو زياد]

صح لسانك يابوعبدالله
مبدع يابعدي
لاهان راسك

الطائر المهاجر

صح لسانك

واعتلا شانك

ولاهنت

لله درك

لك التحيه

اخوك

[حمد العيد]

الاستاذ القدير/ ابو عبدالله

مروبعه استحقت البقاء درر استاذي سلم فكرك وصح لســـــــــــــــانك

ودي وتقديري

حمد العيد

[ابو أنس]

ابو عبد الله لاهنت ومتعودين منك الزين
قصيدة هادفه مغلفه وذات مغزى
لاشك سأعيد قراءتها وقراءة المداخلات فقد يظهر لي ما استعجم
لك كل الود وعاطر التحايا

[نجم الإبداع]

ابو عبدالله

ابداع


ابداع

وامتاع


لاهنت على اتحافنا

وبيسلم قلبك وفكرك الراقي


مودتي