ذرى الفيـّه

[محمد بن عمار]

السلام عليكم ...
الفطاحلة الكرام ..
ويتجدد اللقاء معكم عبر الأثير
والمشاركة الجديدة ....

ذرى الفيـّه
======

سلام الله على منهو تهيّض لأجله الطاروق = بديت باسم رب ٍ واحد ٍ ما خاب طلابّه
أبا ابدع ما تيّسرمن نظيف الهرج والمنطوق = لشخص ٍ مايعرف الذم وما قد مرّ مع بابه

طواريقي أبا انظمها على المربوع = وهذا شيء في طرق الشعر مشروع
وإذا ما يعجبن بأغيّر الموضوع = عقب طريا ًطرت بالصاحب الغالي

سبايب ماجرالي ياجماعة واحد ٍ مطفوق = تفارقنا أنا والزين وكله صار بأسبابه
عسى الله يبتليه بعارض ٍ مكتوب له من فوق = كسيرالساق ومجروح الفواد لغيبة أحبابه

شكيت الحال لله يوم أنا منهوك = من اللي في غلاها صاير ٍ مشبوك
طريح البيض قلبه بالهوى مدكوك = يعذّب من فراق الصاحب الغالي

ذبحني يالربع قد ٍ تثنى فارع ٍ ممشوق = تهزّع مثل غصن ٍ في ذرى الفيّه بمشرابه
تعدّت وإنتلت قلبي من أقصى الجوف والمعلوق =بنتل ٍ مثل نتل الضاري لصيده بمخلابه

أنا رجّال مالي في الحكي راده = ولاراعي العذل في حلقي قلاده
عجب كيف القتيل ايزور جلادّه = وهو عمره أسيرالصاحب الغالي

ألا يابري حالي عقب مااقفت ما شيه برفوق = بردف ٍ يطوي الملبوس إلا قامت تثنّابه
تجلـّت قدرة الخلاّق متقن صنعة المخلوق = قدمها وسط كبدي كل خطوة يغرس كعابه

الا ياليت مامرّت تثنّى لي = طوت حبل الرجا من كل آمالي
عليها زا يد ٍ همي وغربالي = تذكرّني وصوف الصاحب الغالي

وساعة ماتعد تني وقلبي والعقل مسروق = صفت عشري ثمان وماهقيت البنت نهّابه
عليها الله أكبر صوّبتني والهوى ممحوق = أنا حذر ٍ ولكن القدر أسرع بمضرابه

أنا أدري إن الهوى من أوله مذموم = وفي تاليه كاس ٍ ينشرب مسموم
وياما عاشق ٍ من صاحبه محروم = شكا كثرت غياب الصاحب الغالي

وترى مانيب الأول خابر إني في الهوى مسبوق = وكل اللي جرالي ماجرى لأحد ٍ ولاصابه
وقلب اللي سبقني في الهوى ماختم له ملصوق = يفيد إن الهوى ملكه ولا أحد ٍ فيه طلاّبه

أظن لوهو سبق مليون في العشاق = وماتوا من عذاب الحب والأشواق
نهايات اللقاء لابد فيه فراق = ولوعاشوا دهر يالصاحب الغالي

محمد بن عما ر

[ابو أنس]

البارع محمد ابن عمار..................
هو طرق غير مسبوق
على الأقل بالنسبة لي
تجلت فيه قدرتك الفائقة على تطويع القافية كيفما تشاء وكما تحب
طربت كثيرا للوقوف على هذا النص وبالمبادرة في قراءته
لك كل الشكر وعاطر التحايا

[سعيد الصاعدي]

الاخ الفاضل / محمد بن عمار
صح لسانك لاهنت
نص شعري رررررر وعه والله العضيم
به الكثير من الشاعريه والتميز
قصيدة تلفت الانتباه من شاعر قمة
تحياتي
أخــــــــــوك
س / ص

[الــذاهبه]

بن عمار

مساء الشعر الجميل

نص رائع من شاعر اروع

مبدع لاهنت اخوي

صح لساانك

[مبروك بن ماضي]

اخي المبدع / محمد ابن عمار
أيُّ تلاعُبٍ واعٍ بالكلمات والبحور
صُورٌ في غاية الرّوعة والابتكار .
ونص ينبض بالصور الجميلة ..
سلمت يداك شاعرنا الكبير
سجل اعجابي الممتد
لسمو حرفك بلا حد
وتفضل بقبول تحياتي واحترامي ،

[مروان الشيخ]

تجربة جميلة

في اللعب على بحرين

اتت متناسقة

وجميلة

صح لسانك

[صوت الإحساس]

محجووووووووووووووووووووووووووو ووووووز

[الطائر المهاجر]

كتبت فأبدعت

جزلة من راس جزل وشاعر مبدع

صح لسانك ولا هنت

تحياتي الطيبة

[زهرة اللوتس]

صح لسانك وبيض الله وجهك
تسلم ويسلم فكرك
جزلة من شاعر جزل
تحياتي

[محمد عبدالله البدراني]

العزيز الغالي محمد بن عمار سلمه الله


الله الله الله
الله الله
الله


لله دررررررررررررررك

جميل ماأتيت به وطوعته وقد غنيته معك كموال للبيتين وشيله للمروبع وهذا اللون دارج كثيرا بالمحاوره لكنه نادرا هنا


فلله دررررررررررررك طوعت الصعب فأذعن لك وانساب انسيابا

مليوووووووووووووووون صح السانك


وبيض الله وجهك يابن عمار


بيض الله وجهك


تحياتي
مع اسمى ايات الشكر فائق التقدير واطيب المنى رعاك الاله