قالت تجوز من الشعر (بالصوت)

[الطائر المهاجر]

قالت تجوز من الشعر قلت جايز = لا من بنيتي فوق قبري ركايز
للشعر مع نبضات قلبي لزايز = يملي عليّه واكتبه بالنجايز
يمكن مع دعا صالحات العجايز = يغفر لي الرحمن عن كل زلاّت
قالت ماظنك بالعفـو يوم فـايز= مادام شعرك فيه بعض الهمايز
قلبك خضر يمّ الغنادير لايز = تكتب بهن من دون فكر وروايز
ما ينفعك يوم الخلايق بهايز= يشهد عليك الشعر حرفٍ وكلمات
قلت العفـو شعري ولو به غمايز= ما هوب من شعرٍ يثير الغرايز
ولا هوب وحيٍ من بطون القزايز= ولانيب اقلد فيه من كان مايز
ولا ني كتبته لاجل بعض الجوايز= ولا ني ابيعه او عطيت البنيات
ولا قلت عن فتح الصدر والبلايز = ولا قلت عن ثغرٍ لثمته مزايز
ولا قلت عن سهرات فيها لفايز = ولا قلت عن لحم ابيض فيه فايز
ولا قلت عمـّا حـرّم الله جـايز= ولا لي بدرب الغي غزوه وغارات
اكتب عن همومٍ بقلبي نغايز = مما اشوفه من زمان النشايز
اللي قهرنا من فعال الخنايز= حتى تفرقنا وصرنا حزايز
وصرنا بذلٍ بعد كنا عزايز = واليد قصيره لو نشوف المجرات
وشعر المحبّه لو كتبته طرايز= قلبي يحب اللي من الزين حايز
لكن افرق بين صاحي وبايز = والله خلق خلقه وفيهم تمايز
ماحب من راهق بسن العجايز= اللي لهن بالغي صوله وجولات
ولا شفت ريمٍ فز قلبي فزايز = مااقدر على سحر العيون النجايز
لا من رمنّي ذبت مثل الفرايز= امشي كما اللي ما درى ويش عايز
يتبع اثر من دهوره بالغمايز = صيّاد مصيودٍ وفي القلب حسرات
قمت اتجنب سوقهن والحفايز= وابعد عن دروبٍ لها الريم هايز
وياليتي اسلم رغم كثر الحرايز= فحتى صلاة البيت ماهوب جايز
وش حيلة اللي خايف من الملايز = ما متّع انظاره ولا ادى صلوات

[الأموره]

قالت تجوز من الشعر قلت جايـز ،، لا من بنيتي فوق قبـري ركايـز

تدري ليه ؟

عشآنك مبدع و ما تكتب الا الدرر

تبآرك الرحمن

صح لسانك ملايين

سلمت و سلم فكرك

الف شكر لك

دمت برعاية الخالق

[الطائر المهاجر]

شكرا للفاضلة الأمورة
على كريم الحضور والتفاعل الرائع
لاهنتي
تحياتي

[ام العمده]

الطائر المهاجر

صح لسانك واعتلا شانك

لاهنت على هذا الابداع

نثرت الدرر هنا

دمت بخير

[سعيد الصاعدي]

الاخ الفاضل / الطائر المهاجر
صح لسانك لاهنت
ولا شفت ريمٍ فـز قلبـي فزايـزــــــمااقدر على سحر العيون النجايـز
لا من رمنّي ذبـت مثـل الفرايـزـــــــامشي كما اللي ما درى ويش عايز
يتبع اثر مـن دهـوره بالغمايـزــــــــصيّاد مصيودٍ وفي القلب حسرات
نص شعري عالي الشاعريه به الكثير من التميز والابداع
من شاعر متمكن
لله درك ثم لله درك
تسلم ويسلم فكرك يالغالي
تحياتي
أخـــــــوك
س / ص

[النهج المختلف]

وصرنا بـذلٍ بعـد كنـا عزايـز واليد قصيره لو نشوف المجـرات
وشعر المحبّه لـو كتبتـه طرايـز قلبي يحب اللي من الزيـن حايـز


الشاعر الرائع الطائر المهاجر صح السانك ,, ,,

قصيدة رائعة والقافيه لها جرس موسيقي ,, ,,

الله يعطيك العافية يابوعبدالله جزل وممتع ,, ,,

لاهنت يادكتور على هذا الجمال والابداع ,, ,,

تحياتي وتقديري ,, ,,

[حي الضمير]

حي هالصوت وحي راعيه
ولله درك يابوعبدالله ويشهد لي الله ابهرتني القصيده استمعت لها 3 مراااات
لجمالها كأنها قصة من 25 حلقه مليئه بالاحداث المشوقه
والعميد عندما يبهر المستمع لاجديد
حفظك الباري ياشاعر الاجتماعيات
ومليوووون صح لسااااانك وفكرك

[زهرة اللوتس]

*..*..الطائر المهاجر..*..*

لرقي وعذوبة حروفك رونق جميل
كل من يدخل هنا يتمتع بروعه الكلام
فهنا تجلت حكمة الشعر بحبكة شاعر متمكن

ابداع لا يستغرب منك
صح الله السآنك وسلمت يمنآك
ولاحرمنآ جديدك

اسمى التحايا

زهرة

[مبروك بن ماضي]

وعندما تحضر في مدرسة شاعر العثمانيات الشعرية الظافره
فانك لاتملك إلإصغى والاستمتاع بسماع وقراة درره الرائعه
وماهذة إلا احداهن ولاغرابة في ذلك ان تجد هنا الجزاله والحرفنة الشاعرية
التي طالما ارتبطت باسم الطائر المهاجر
استاذي النبيل الدكتور عثمان العبدالله
اعلم ان مروري لن يضيف للنص شيئاً ولكنه قد أضاف لي أشياء
مرووووووووووووور تلميذ
تفضل بقبول تحياتي وفيض ودي واحترامي وتقديري ،

[عبدالله البهلولي]

استاذي ومعلمي الطائر المهاجر

صح لسانك واعتلا شانك

لاهنت على هذا الابداع

نثرت الدرر هنا

دمت بخير