كل إنسانٍ بما تكسب يديه

[الطائر المهاجر]

القطار وفات ما نلحق عليه = وشمسنا في الأفق تنوي بالغياب
ما بقى من طيفك اللي احتريه= غير ومضة برق في درب الإياب
من بعد ما كان حلمٍ ارتجيه = انتهى في ليلي المظلم سراب
كيف كنا ووين صرنا يالنبيه= وكيف نمشي من ضبابٍ في ضباب
ما خبرت انك مزاجي او سفيه= لين شفتك في مراهقة الشباب
تتبع اللي دون وعي تشتهيه= ما تفكر في حساب ولا عقاب
من صدق معنا فحنا نشتريه = ومن صدع بالحق منّه ما نهاب
ومن ضحك بالوجه ندري وش يليه = ماخذين الحذر من ذيلٍ وناب
دربنا الواضح يبي منهو يبيه = ويرفض اللي ماشيٍ دربه عياب
ومن خطا ماني من اللي يحتميه= اتركه يدفع كشوفه والحساب
كل إنسانٍ بما تكسب يديه = ومن مشى في الصح ماطاله عتاب

[الخنساء]

المشاركة الأصلية كتبت بواسطة الطائر المهاجر

القطار وفات ما نلحق عليه = وشمسنا في الأفق تنوي بالغياب
ما بقى من طيفك اللي احتريه= غير ومضة برق في درب الإياب
من بعد ما كان حلمٍ ارتجيه = انتهى في ليلي المظلم سراب
كيف كنا ووين صرنا يالنبيه= وكيف نمشي من ضبابٍ في ضباب
ما خبرت انك مزاجي او سفيه= لين شفتك في مراهقة الشباب
تتبع اللي دون وعي تشتهيه= ما تفكر في حساب ولا عقاب
من صدق معنا فحنا نشتريه = ومن صدع بالحق منّه ما نهاب
ومن ضحك بالوجه ندري وش يليه = ماخذين الحذر من ذيلٍ وناب
دربنا الواضح يبي منهو يبيه = ويرفض اللي ماشيٍ دربه عياب
ومن خطا ماني من اللي يحتميه= اتركه يدفع كشوفه والحساب
كل إنسانٍ بما تكسب يديه = ومن مشى في الصح ماطاله عتاب

صح لسانك مليون ولايكفون
قصيدة جزلة من شاعر لايعرف الا الجزالة
لاهنت جسدت واقع
سلمت ودام بوحك وحرفك

[نجم الإبداع]

الله الله

صح لسانك وفكرك يابو عبدالله

نص حكيم ومتسامح

احسنت

لاهنت

تقبل مروري

وتقديري

[منيع]

كل حق ياالتميمي تعتليه=خابرنيك بالحقايق ماتهاب
صاحبك بالطيب دايم تعتنيه=وقشرالقشران في وجه الغراب

------
ابداع وتميز
وجزالة من شاعرمتمرس
بارك الله فيكم
تحياتي

[همس الورد]

صح لساااااانك يا دكتووووووووور

و صح بدنك

بووووووح رائع

تحيتي و تقديري

[عبدالكريم العياش]

اخي الطائر المهاجر
تلك قمة الابداع بما تضمنته من تجارب السنين وغابر الايام حقا لقد لامست شيئا في وجداني مع ماتضمنته من حسن السبك وترابط وحده الهدف ولعلي اكاد ان اقول انها من عيون الشعر اذ تجسّد حالة الانسان السوي وليس ذلك الا رجع صدى تلك الرائعه دون مجامله حيث لااستطيع في الشعر للمجاملة سبيل .
امدك الله بطول العمر ووفقك لحسن العمل واصلح لك ماانعم به عليك من الذرية وسواها .
سجّل علي مايلي : كلما اقتربت منك اكثر زدت اعجابا وفائده واحتراما لشخصك الكريم تقبل تحياتي .

[زهرة اللوتس]

لا يزال الشعر عاطلاً حتى تزينه الحكمة ، و لا تزال الحكمة شاردة حتى يؤويها بيت من الشعر .
و لو طلب إلى الناس أن يحذفوا اللغو و فضول القول من كلامهم ، لكاد السكوت في مجالسهم يحل
محل الكلام ...

جزل وحكيم دائما
دمت شامخا
تحياتي


زهرة

[صعبة المنال]

صح لسانك وفكرك

صعوووب

[نفحات حساسة]

القطار وفـات مـا نلحـق عليـه

وشمسنا في الأفق تنوي بالغيـاب

ما بقى من طيفك اللـي احتريـه

غير ومضة برق في درب الإيـاب

الله عليك..
وصح السسسسسسسسسسسانك ملالالايين
ولاهنت..رائعه كما عودتنا..تحياتى
ولى عودة..

[سناعيس]

الله الله
ياسلام عليك

كـل إنسـانٍ بمـا تكسـب يديـه
ومن مشى في الصح ماطاله عتاب

صح لسانك وبيض الله وجهك
جزله من شاعر طالما عودنا على الجزاله

لاهنت

تحياتي