اللي وده اتعلم منه يتفضل

[الطائر المهاجر]

هلا ومرحبا بكم بالربع
الردية في رأي هي ما تشحذ الملهمة وتشجعها
وايضا تعلم الشاعر على التلقائية ، لذلك فأعتقد
انها مناسبة للجميع للشاعر وللشويعر مثلي ،
فاللي وده اتراد وياه يقلط ويبدأ ..

ودي يبو عبد الله

بس والله مالي خلق الليلة قلت خلني أمر وأسجل مرور

لكن القادم جاي بإذن الله

[سناعيس]

تبي توهقنا يالشويعر لين يفكر اللي يقلط انه شاعر ثم يلقا نفسه معك وكنه طالب في أولى ابتدائي أمام هيبة المعلم

بانتظار من يقلط معك ونشوف هالشويعر

[الطائر المهاجر]

الفطاحل مثل مجلس وآنا مركي دلالي = من يبي فنجال يقلط وآخذ علوم البريّه
ومن بغى مني علوم للرجوله والرجالي = حي فاله ارتكي له واخدمه صبح وعشيه

[نسناس الهوى]

المشاركة الأصلية كتبت بواسطة المشرف العام

الفطاحل مثل مجلس وآنا مركي دلالي = من يبي فنجال يقلط وآخذ علوم البريّه
ومن بغى مني علوم للرجوله والرجالي = حي فاله ارتكي له واخدمه صبح وعشيه

ياهلا بك يالمعلم بين ربعك والعيالي = خذ فناجيل القوافي كود تبقى لك سقيّه
فالتواضع من صفاتك مابها ريب وحيالي = والحياله يوم سمّيت الجزاله بالرَديّـه

[سناعيس]

ترى ماني وياك لكن ودي أقول الحقيقه

لاتجامل أو تواضع وانت مثلك مايبالي=باللذي يقلط قبالك لوعددهم فاق ميه
هملالي يالمهاجر هملالي هملالي=من يقابل موج عالي في رياح موسميه

[الطائر المهاجر]

مادح المشرف تراني ماني من اهل المعالي = ولا اشره مثل امير وكل ماقلتوا فريه
عارف وضعي وشعري صفصفة حكي خيالي= مير احاول من لقيته اشغله واجب عليه

[نسناس الهوى]

المشاركة الأصلية كتبت بواسطة المشرف العام

مادح المشرف تراني ماني من اهل المعالي = ولا اشره مثل امير وكل ماقلتوا فريه
عارف وضعي وشعري صفصفة حكي خيالي= مير احاول من لقيته اشغله واجب عليه

لا نويت الوصف فأنك تبدع وتشقي الغزالي = ولا نويت المدح فأنك تمحي افعال ٍ دنيّه
فالقوافي في يدينك كنها شرب الدلالي = فأنت ياعثمان والله شاعر ٍ فيك الوفيّـه

[الطائر المهاجر]

انفخوا راسي مثلما نفخ نصر او هلالي = ويوم راحوا خارج الديره ماعاد بهم بقيه
ومنتخبكم انكشف مرماه مرات توالي = ياحسايف بالدراهم ضيعوها المجدعيه

[سناعيس]

متابع ومستمتع بس تراي ابدقق عليكم
وانبهكم وأول تنبيه (الرديه ) يامشرفنا سرت
ومع منتخب قصدي فريق نسناس الهوى