اذا من الشعر ما ترجم الإحساس (بالصوت)

[الطائر المهاجر]

اذا من الشعر ما ترجم الاحساس وش لي به = واذا الشاعر تجاهل حسّ غيره ما يصير انسان
همـوم الـوقت تجبرنا نوضّح وش عذاريبه = وليش الناس رغم القهر تستانس على النسيان
قصيد الحب ملينـا ولـو نطرب لاسـاليبه = بعضنا صـادقٍ بالبوح يكتب شعره الحرمان
وبعضنا صفصفة هرجٍ تعـرفه من تراكيبه = يبي ينقـال شاعر كود يلقى مدحة النسوان
وقصيـد المـدح ياكثره ويكشف عن اكاذيبه = نفـاق وهلس في الغالب لتـاجر يبغي الاثمان
ابي شاعر يقـول الحق ما يجهـل مواجيبه = ولكن دوم في عقـله ولـو هو بالقهر مليان
ولا يوجّـه تهم لانسان مهما بان من عيبه = يلـوم الوقت فالشيهـان يفهم شـارة الشيهان
يوعّي الناس باخطار الزمان وسر الاعيبه = ويوقظ في النفوس الدين يشرح هجمة الصلبان
يصحّي من تورط في المخدر وانسرق جيبه= وعقلـه راح لا حـي ولاميت يعيش جنـان
يبيع العرض أو يسرق ولا يدري من صحيبه= غـدا عبـد المخـدر راضخٍ لامـره بلاعصيـان
ينبّه بنت ما تـدري بشباب صـاع والخيبه= يطـارد في بنـات الناس طعمه يغري الجوعان
واذا منه خلص منها رمـاها وتفقـد الهيبه = تصير بضـاعة للسوق أو تقضي العمر باحزان
ترى شعرٍ بلا اهـداف ولـو أعجبك ترتيبه = مصيره سلّة الاهمـال ولـو من قـاله فـلانان

.

علومك يالمهاجـر مابهـا شـكٍ ولاريبـه=تبدّى في مطاليعك وتعزف طيّـب الألحـان
ترى سوق المعاني يالسنافي صعب ترتيبـه= كما سوق البضاعه كل واحد ينزل الميـدان
وكلاً ياوسيـع المعرفـه يعـرض مجاليبـه=احد يطلع منه كاسب واحد يطلع منه خسران
احد يهجو عواذيله واحـد يمـدح معازيبـه=واحد يبدي بها بين العرب في عالي المزبان
وانا مالوم ذيبـاً فالخـلا يرسـل مقانيبـه=بعد فرقا وليفه راح يشكي لوعة الحرمـان
جريح القلب يالطير المهاجر صعب تطبيبـه= ومن لام المولّع ياوسيع المعرفـه غلطـان
ولا لوم الطليب اللي يدافـع عـن مطاليبـه = وياقف دون حقّه ما يفرِّط فيه مهمـا كـان
وياطيب الذي يبعد عـن البهتـان والغيبـه= ويازن كل كلمه قبل ينطقها علـى الميـزان
هـلا بالغالـي اللـي يـامـر القيـفـان وتجيـبـه=يطوعهـا علـى كيفـه بلمـسـة شاعـرٍ فـنـان
اذا منـك نزلـت السـوق تنقّـى ماعـرف طيـبـه=وتتـرك كـل ما دونـه فبيـع الطيـب بـلأوزان
وبيـع الجـح بـالاكـوام ما تــدري عذاريـبـه=بعض مشموس والآخر تلاقي اغلبه خربان
خسـارة تشتـري بالكـوم دامـك عـارفٍ عيبـه=ولو معـروض وملمّـع فـزود الشـئ كالنقصـان
فانا همي بشعـر كالذهـب مـا يخسر اصحيبـه= ثبات كالجبل طول الدهر ما يدفنه نسيان
واذا هو مـدحٍ للمكسـب فهـو رمـشٍ بتركيبـه=يغيّر بيـن حيـن وحيـن مثـل مكياج بالاوجـان
واذا هو طعم مـن داشـر لريمٍ ينـوي ايصيبـه=فحرام آضيّـع اوقاتـي واشجـّع حصنـي جوعـان
ابي شعـر الرجـال اللـي وضـوحٍ فـي مطاليبـه=على اليمّـه دروبه خادمٍ للنـاس والاوطـان

[ماجد السعد]

ابي شاعر يقول الحـق مـا يجهـل مواجيبـه
ولكن دايماً بالعقل ولـو هـو بالقهـر مليـان
ولا يوجّه تهم لانسان مهما بـان مـن عيبـه
يلوم الوقت فالشيهان يفهـم شـارة الشيهـان
يوعّي الناس بالاخطار وضميرٍ عـاش تغريبـه
ويوقظ في النفوس الدين ويشرح هجمة الصلبان
ويصحّي من تورط في المخدر وانسرق جيبـه
وعقله راح ، لا حي ولاميت ، يعيـش جنـان
يبيع العرض أو يسرق ولا يدري من صحيبـه
غدا عبد المخدر راضـخٍ لامـره بلاعصيـان
وينبّه بنت ما تدري بشبـاب صـاع والخيبـه
يطارد في بنات الناس وطعمه يغري الجوعـان
واذا منه خلص منهـا رماهـا وتفقـد الهيبـه
تصير بضاعة للسوق أو تقضي العمر باحـزان
ترى شعرٍ بلا اهـداف ولـو أعجبـك ترتيبـه
مصيره سلّة الاهمال ولـو مـن قالـه فلانـان

الشاعر الكبير الطائر المهاجر

قصيده ارتويت منها حكم ودرر

صح لسانك

[نجم الإبداع]

المشاركة الأصلية كتبت بواسطة المشرف العام

اذا من الشعر ما ترجم الاحساس وش لي به = واذا الشاعر تجاهل حسّ غيره ما يصير انسان
همـوم الـوقت تجبرنا نوضّح كيف الاعيبه = وليش الناس رغم القهر تستانس على النسيان
قصيد الحب ملينـا ولـو نطرب لاسـاليبه = بعضنا صـادقٍ بالبوح يكتب شعره الحرمان
وبعضنا صفصفة هرجٍ تعـرفه من تراكيبه = يبي ينقـال يكتب شعر وشاعر يعجب النسوان
وقصيـد المـدح ياكثره ويكشف عن اكاذيبه = نفـاق وهلس في الغالب لتـاجر يبغي الاثمان
ابي شاعر يقـول الحق ما يجهـل مواجيبه = ولكن دايمـاً بالعقـل ولـو هو بالقهر مليان
ولا يوجّـه تهم لانسان مهما بان من عيبه = يلـوم الوقت فالشيهـان يفهم شـارة الشيهان
يوعّي الناس بالاخطار وضميرٍ عاش تغريبه = ويوقظ في النفوس الدين ويشرح هجمة الصلبان
ويصحّي من تورط في المخدر وانسرق جيبه= وعقلـه راح ، لا حـي ولاميت ، يعيش جنـان
يبيع العرض أو يسرق ولا يدري من صحيبه= غـدا عبـد المخـدر راضخٍ لامـره بلاعصيـان
وينبّه بنت ما تـدري بشباب صـاع والخيبه= يطـارد في بنـات الناس وطعمه يغري الجوعان
واذا منه خلص منها رمـاها وتفقـد الهيبه = تصير بضـاعة للسوق أو تقضي العمر باحزان
ترى شعرٍ بلا اهـداف ولـو أعجبك ترتيبه = مصيره سلّة الاهمـال ولـو من قـاله فـلانان

الله الله


ياسلام على الحكمه

لاشلت يمينك يابو عبدالله


تحياتي واحترامي

[أم ريما]

اذا من الشعر ما ترجم الاحساس وش لـي بـه
واذا الشاعر تجاهل حسّ غيره ما يصير انسان
هموم الوقت تجبرنـا نوضّـح كيـف الاعيبـه
وليش الناس رغم القهر تستانس على النسيان
قصيد الحـب ملينـا ولـو نطـرب لاساليبـه
بعضنا صادقٍ بالبوح يكتـب شعـره الحرمـان



يعطيك العافيه ... قصيده رائعه ... كما تعودنا منك .....

تحياتي لك

نعم يبو عبد الله

أنا أشهد يالغالي

صح لسانك

[الطائر المهاجر]

كل الشكر والتقدير لأخي الكريم / ماجد السعد
على كريم الحضور والتفاعل الراقي
تسلم يالغالي
تقبل أطيب تحياتي

[حمد العيد]

استاذي


هنا تذوقت شعراً وفكراً وحساً

هنا غرد المهاجر بعذوبة قافه ومده

هنا كانت المتعه

لافض فاك وصح لســــــــــــانك ولسان ابو نايف

درر لاعدمناكم

ودي وتقديري

روض الغلااا

[الــذاهبه]

ماشاءالله

صح لساانك يا ابو عبدالله ولسان ابو نايف

ودمتما سالمين

[سعود المسعد]

مشرفنا الغالي ابوعبدالله
صح لسانك لين ترضي
ويحق ألنا نفخر بشاعريتك
أستاذ وجزل وحكيم
بيض الله وجه الشا عر أبن محفوظ ابونايف

لك الود والاحترام

[يزيد النمي]

الله الله ياحكيم الفطاحلة
صح لسانك ولسان محفوظ ابو نايف