مختارات من ديوان نواف التركي

[داعي الشوق]

..............

(عمران) هات الجمر ولّع لي الشيشه = السالفه ماهي من الغبن منفكّه
أغراب في هـ الوطن نطرد ورى العيشه = بعضٍ ورى حائل وبعضٍ ورى مكّه
وبعضٍ علومه تجينا من ورى بيشه = لو كان مانعرف لـ بيشه ولا سكّه
صرنا مطاريش هذا الوقت و (غويشه) = نوبٍ يحظن النفوس ونوبٍ يضكّه
وقتٍ تساوت شيوخه مع دراويشه = والحكم فيه البنيّه تاكل الأكّه
أن ما أعجبك لعبنا ترضى بتكويشه = وأن ما أعجبك هالحكي تقعد على الدكّه
(عمران) مامن ورى هالركض تحويشه = والعقل ما عاد باقي منه لو تكّه
لو كان لي عمر ثاني وأقدر أعيشه = ما خفت هالشيب يرقى الراس ويحكّه
عيني على هالوطن يبسوا معاطيشه = ولا فكّر يبل هذا الريق ويفكّه
كم من غريبٍ شبع به منتفخ ريشه = أبواب متفتحه وأبواب منصكّه
(عمران) هات الجمر لا تطفي الشيشه = لا أقوم وألعن أبوك اللي ورى دكّه

للشاعر : نواف التركي


^^^^^^^^

[الطامي]

قصيدة تحاكي واقعه
والدنيا بخير والحمد لله
لو خليت خربت

داعي ،،، صح السان الشاعر
ولاهنت على النقل والأختيار الموفق

[منيع]

نقل رائع لاكن لي تعليق على هذا البيت

كـم مـن غـريـبٍ شـبـع بــه منتـفـخ ريـشـه

لوقال بدل منتفخ نافش كان افضل
شكرا لك
تحياتي

[الطائر المهاجر]

أغـراب فـي هـالوطـن نطـرد ورى العيشـه
وقـــتٍ تـســاوت شـيـوخـه مـــع دراويــشــه
عينـي عـلـى هالـوطـن يبـسـوا معاطيـشـه
كـم مـن غريـبٍ شـبـع بــه منتـفـخ ريـشـه

هذا الشاعر يستحق ان يكون له ديوان لدينا
فياليت تجمع قصائده وتفتح له ديون في قسم رواد الشعر النبطي المعاصر

[الطائر المهاجر]

انتفاخ الريش غير نفش الريش
فالأول يكون بشكل طبيعي نتيجة كبر الجسم
اما النفش فهو غير طبيعي فقط للمظهر

[منيع]

وهل الريش ينتفخ يادكتور
شكرا لك

[الطائر المهاجر]

استعارة عن الكرش

[داعي الشوق]

المشاركة الأصلية كتبت بواسطة الطامي

قصيدة تحاكي واقعه
والدنيا بخير والحمد لله
لو خليت خربت

داعي ،،، صح السان الشاعر
ولاهنت على النقل والأختيار الموفق

هلا بك بو محمد

و مشكوور ع المرور ولاهنت و صح بدنك

[داعي الشوق]

المشاركة الأصلية كتبت بواسطة الطائر المهاجر

أغـراب فـي هـالوطـن نطـرد ورى العيشـه
وقـــتٍ تـســاوت شـيـوخـه مـــع دراويــشــه
عينـي عـلـى هالـوطـن يبـسـوا معاطيـشـه
كـم مـن غريـبٍ شـبـع بــه منتـفـخ ريـشـه

هذا الشاعر يستحق ان يكون له ديوان لدينا
فياليت تجمع قصائده وتفتح له ديون في قسم رواد الشعر النبطي المعاصر

اووك بو عبدالله .. ان لقيت له قصايد ..
جمعتها و نزلتها هنا ،

ولاهنت

[داعي الشوق]

وبالنسبه للاختلاف على كلمة منتفخ ..

ففي رايي ان : انتفاخ الريش .. هو من انتفاخ الجسم

بمعنى ان الجسم متضخم بشكل غير طبيعي من زود الشبعه
( حسب ما يقول البيت ) مما يعطي ان الريش منتفخ .

ولكن نفش الريش لا يغير في الجسم شي ،

وهذا ما يقصده الشاعر في رايي ،

و مشكوورين على مروركم

و مشكور يا بو حمد على تعليقك و رايك

ولاهنتوا