فمان الله

[مجدي صالح المبارك]

فمـان الله ياقصـه حزينـه وللهوى دستـور=يأمـا نصـون ميثاقـه وألا نتـوه بـدروبـه
فمان الله من قلبٍ تحـدى شامخـات الطـور=وآخر عمره تلعبّـه مـع الويـلات رعبوبـه
سقاها من غدير العين دمعه وللأسـف منكـور=وأضحى في شتات الحلم عايش شبـه غيبوبـه
معا نور الفجر يطلق من سجون الصَبا عصفور=واذا حلّ المسا لملم جروحـه واعلـن التوبـه
فمان الله لاتحكي يكفّـي مـن جنابـك جـور=ترى كثر الحكي يفضح هوى أقصـاه أكذوبـه
أنا ماني وليـدٍ غـر يعيـش بعالـمٍ مسحـور=أنا طفت المدى كله و خبْـر الحـب واسلوبـه
تبيني بعد ماشابـت جبينـي أتبعـك مأسـور=و كون بسكـة الأيـام ماشـي مثـل ألعوبـه
حشا والله لاأنتـي ولا غيـرك ولا الجمهـور=يخلّي شعره من راسي تطيح بيـوم مغصوبـه
أنا في عزتي شامـخ ودمـي للكرامـه يفـور=واذا ودّك تذلينـي فسعْيـك خـاب مطلـوبـه
صحيح انّي تنفستك معا ريح الدجـى والنـور=وصحيح انّي على عرشي جعلتك أغلى محبوبه
ولكنـك طعنتينـي ودولاب الزمـان يــدور=ومثل ماسمّني حبـك بحبـي اليـوم مصلوبـه
فمان الله شطبي ذكريات الماضي المغدور=ولاتطري هوانا يوم او انك تقربي صوبـه
خلاص القلب مايرجع وعندي سعيكم مشكـور=طوينا الهم والنجـوى ونفـسٍ فيـك مغلوبـه
تحت أدنى عروق الشوق أصبح حبكم مقبـور=وصورة هاجس الأوهام عن العينين محجوبـه
فمان الله يـا كـلّ القصيـد بشاعـرٍ مغمـور=حفر صمّ الحجر حرفه وعجز للناس يدروبـه

[صعبة المنال]

الله الله الله
صح لسانك ..وحرفك
جزلة

صعوووب

[الطائر المهاجر]

بوح رائع من شاعر رائع
صح لسانك مليون
لاهنت ولاهان مغليك
تحياتي العطره

[عبدالله راشد الثويني]

مجدي صالح المبارك
شاعر متمكــن أبدعت يالغالي صح الله لسانك وعلا شانك
وعساك ع القوّه
طامعين بجديدك
تقبـّل وُدي

[سناعيس]

شاعرنا مجدي المبارك
صح لسانك ولله درك
دائما رائع
لاهنت


تحياتي

[الطامي]

مجدي
التايه بدريب الهوى مندل ماينخاف عليه
صح السانك ملايين
جزلة وطيبه
لاهنت

[نافع بن محمد البويت]

لاهنت يا مجدي ابدعت بجزالة رائعة سجل اعجابي تحياتي

[عدنان كريزم]

صح لسانك يالغالي ولا هنت

[داعي الشوق]

صح لسانك يالشاعر مجدي

شاعر رائع في كل الحالات

و القصيدة رائعة و جميلة

صح لسانك مع التحية لك

،،،،،،،،،،،،،،

[همس الورد]

صح لسااااااانك مليون

وصح بدنك

بووووووووووح رائع

تحيتي و تقديري