بعض المواقف مانبيها تشوّهـ !!

[شجون القصيد]

. .
. . .

متواضعه ارجو ان تنال اعجابكم

. . .

. .

الطعنه اللي مارمتني بالاكفان = تزيدني مع مر الايام قوّه
والصاحب اللي خط بالغدر عنوان = ماله معي لو طوّل الوقت خوّه
اعرف مواري الغدر من صوت الانسان = حتى ولو كان الخطيب المفوّه
واكثر بقلبي بس اخفيّه من شان = بعض المواقف مانبيها تشوّه
ياملتحف بالصمت كل الخفا بان = وكلٍ على قدره بنعطيه جوهّ
ياللي تقول انك من الشوق ولهان = وانتا ولا جربت كيّات ضوّه
ابعد عن دروبي ترا القلب تعبان = الله معك واللي تسويه سوّه
اكبر قهر لاصرت في صحبة انسان = روّح حياتك بين ليته ولوّه
لوكان حطك بين رمشه والاعيان = فحقه عليك معامله بالمروّه
لكن رمى بك بين شكٍ وحرمان = حذرا بقطعك للمواصل تروّه
خله يولي واعسى رب الأكوان = عقب المحل والجدب يسقيك نوّه
دامه بصده مارمى بك بالاكفان = كل الطعون تزيد قوتك قوهّ

[منيع]

كل الجمال والابداع
رعاك الله
تحياتي وتقديري

[الطائر المهاجر]

صح لسانك وفكرك
جزلة من شاعرة متجددة الإبداع
لكن رمى بـك بيـن شـكٍ وحرمـان
كني بها: لوه رمى.......
تحياتي

[نجم الإبداع]

شجون القصيد

صح لسانك

مليون

شاعره متمكنه

لاهنتي

تقبلي مروري

وتقديري

[نايض محمد الرشيدي]

اكبر قهر لاصرت في صحبـة انسـان
روّح حياتـك بيـن ليـتـه ولــوّه
لوكان حطك بيـن رمشـه والاعيـان
فحقـه عليـك معامـلـه بالـمـروّه
لكن رمى بـك بيـن شـكٍ وحرمـان
حـذرا بقطعـك للمواصـل تــروّه
خلـه يولـي واعسـى رب الأكـوان
عقب المحل والجـدب يسقيـك نـوّه

صـح لسـانك ياكل القصيد
ماشاء الله عليك

[عبدالعزيز العمار]

ماشاءالله تبارك الله

شجون القصيد

صح لسانك وفكرك وكلك

قصيدة عذبه وجزله من شاعرة متجددة في حضورها

تحياتي وتقديري

[زهرة اللوتس]

صح لسانك
ولي عوده تليق بها

[داعي الشوق]

يا سلام عليك

يالشاعرة شجوون

وصح لساانك مليووووووون

قصيدة معانيها كما حبات العنب

لله درررك

شاعرة جميلة

دائما للكلمة شجون

معك يا شجون

تقديري لك و احترامي

وصح لسانك

*************

[عبدالرحمن الصباح]

الطعنه اللي مارمتني بالاكفان ==== تزيدني مع مر الايام قوه
والصاحب اللي خط بالغدر عنوان===ماله معي لو طول الوقت خوه
ياسلام على الابداع ابيات اكثر من رائعه في ذمتي قمة الابداع الف مليون صح السانك اعجابي وتقديري واحترامي

[سلطان العبدالله]

شجون القصيد ! وأي حروف تكتب بعد هذه الحروف قصيده انسابت من نبع الإبداع !!


جرس موسيقي من خلال قافية الصدر والعجز على حد ٍ سواء !


هنا الحروف غير الحروف كل بيت بقصيده !



ابيات أبلغ مما سيقال عنها هنا ليس للمجامله أوالمحاباه موطن حيث أن كل مايقال حول هذه


المقطوعه له مايبرره فالإجاده تستحق الإشاده


شجون صح لسانك تراديد