داخلي بركان (بالصوت)

[الطائر المهاجر]

داخلي بركان من كثر القهـر = يخفي الألام في قلب كســير
في صراعه عايش طول العمر = ما ترك مبداه لو يخسر كثير
مؤمن بالله لو حظــه عثـر = في زمان الذل لا دين وضميـر
لغير ربه ما خضع يوم لبشر = ولا ارتجى مخلوق لو وضعه عسير
قانع بالـرزق ان قل وكثـر = ظله الإسلام في وقت الهجير
يرفض التطبيع لو تاه ببحـر = في زمانٍ انقلب واصبح خطير
عارف عمره ولو طال وقصر = النهاية واضحه برد وسعيــــر
داخله إيمان يحكمه ابفخـر = ما حكمه إبليس في دربه يسير
طايع الرحمن في نهي وأمـر = خالق الإنسان من شيء حقيــر
أنشي الأجيال وآخذ بالحـذر = وأغرس الآمال في طفلي الصغير
كود بعدي يفتهم يرمي حجـر= يعكر التيار في الوحل الكبيـــر
عل بعض الناس يقرا للخبـر = ينتبه للأمر في فعـل يســـير
يعرف أن الوضع دحدر وانحدر = كل واحد ما درى ويش المصير
وضعنا يا ناس لو كنا بشــر = يفهه مختل عقله لو صغيـــر
كلنا عايش خيال أو صــور = ميتين بدون روح أو ضميـــر
ما تفكّرنا بماضي أو عبـــر = ولا فهمنا زيف حاضر وتخــدير
ولا اخذنا بالحذر مقبل خطر = ينسف الحاضر ولا ندري المصير
يا هل التوحيد من بحر لبحـر = يا هل البترول والثوب الحريــر
اكتفوا بالنوم شوفوا بالنظـر = وضعكم خطرٍ ولا منّه مطيــر
ارجعوا لله تلقون الظفــــر = من خلق هالكون في خلقه خبيـر

[الأموره]

داخلي بركـان مـن كثـر القهـر يخفـي الألام فـي قلـب كسـيـر

الله يالمهاجر

صح لسانك و دام نبضك

الف شكر لك ،،

دمت برعاية الخالق

[الطائر المهاجر]

شكرا الأموره
على كريم المتابعه
لاهنتي
تحياتي

[الطامي]

صح السانك دكتور
والقديم عديم
ولاهنت

[الطائر المهاجر]

شكرا الطامي
على كريم المتابعه
لاهنت
تحياتي

[منيع]

ابيات جزلة ورائعة وتحاكي الواقع المتردي اليوم
شكرا لك
تحياتي

[بنت النور]

ماشاء الله روعه
صح لسانك عدد بلا مدد
لاهنت
تقديري وحترامي